Esek. 16:41 - Ebaibul

⁴¹ Icunyete ikes ŋakais kus, ikisicana iyes alokiŋaren ŋaberu ŋuna alalak. Eketojoŋoe ayoŋ iyes araakau ŋamalaae ka ainanakin ŋisiliŋa neni a ŋuluminan kus.

Esek. 16:41 Iomraidhean Croise

2 Ŋirw. 25:9

Kicunyak Nebusaradan Akai ka Akuj ka akai ŋina a erwosit ta ŋakais daadaŋ ŋuna aya Yerusalem. Kicunyak iŋes ŋakais daadaŋ ŋuna a ŋikapolok.

Yob 34:26

Eari Akuj ikes aŋuna ka aronis kec eari Akuj ikes iteete ŋituŋa,

Isa. 2:18

Itoŋopiyaryo jik ŋitorubei a ŋakujo.

Isa. 27:9

Aŋakiro a ŋun, emookunio ŋituŋa a Yakob anasecit kec, eruwor nu ŋuna iwuapakinete kedaun amookuun ikes anasecit kec: Isyonio ŋasecisya kec erae ca kiryaasi ikes ŋamoru ŋuna edukitere ŋamuroeta kinyaadiyar kikokis esimit ka erae kedaun ŋitorubei a akuj a ŋina enyaritae Asera, kori ŋamuroeta ŋuna icunyere ekinyate.

Yer. 39:8

Apotu Ŋibabiloniyae kicunyasi akai a erwosit ka ŋakais a ŋituŋa, ido toritakis ŋarwatatain a Yerusalem.

Yer. 52:13

Kicunyak Nebusaradan Akai ka Akuj ka akai a erwosit ta ŋakais daadaŋ ŋuna aya Yerusalem. Kicunyak iŋes ŋakais daadaŋ ŋuna a ŋikapolok.

Esek. 11:9

Ekeritari ayoŋ iyes alotaun a lo, ekepotok neni a ŋituŋa a ŋulu erae ŋigelaanotin, ido ekesican iyes.

Esek. 16:33

Einanakinio ŋamalaae daadaŋ ŋisiliŋa, nai ibu inak ŋisiliŋa kon neni a daadaŋ a ŋulu ibu iyoŋ tominak. Ibu iyoŋ kiluŋuluŋia ikes, ikotere epote neni kon anakiboisyo a daadaŋ tomalaana ka iyoŋ.

Esek. 23:10

Apotu ŋituŋa ŋul tolaca iŋes, kimyekis eleri, yaasi ŋidwe keŋ ŋulusapa ka ŋulupesur, kicuma iŋes a ekileŋ toara. Aponi iŋes totubokinae, ido abu toruwor ŋina erworotor ŋaberu.

Esek. 23:27

Aŋun, etasaluni ayoŋ aneni kon aleeco ka amalao ŋina ibu iyoŋ kisyaki alo Ijipit, nyikiburakinete nabo iyoŋ ŋakiro ŋun, kori nyitamuni nabo iyoŋ jik akwap a Ijipit.

Esek. 23:48

Aŋun, etasaluni ayoŋ aleeco anakwap, iŋolikinete ŋaberu ŋakiro ŋuna etiyae neni kus, ido nyecamunete aleeco ŋina ipotu iyes kitiyata.

Esek. 37:23

Nyemunaarete nabo ikes ŋawat kec a ŋakujo kec ka anamuja aŋuna nyenyamio, kori anasecit kec ka adio. Aiuni ayoŋ ikes anasecit a daadaŋ a ŋina emyekiniata ikes akitiya ŋuna alimokinitae, etaleuni ayoŋ ikes. Eruwor nai ikes ŋituŋa kaŋ ka aruwor ayoŋ Akuj kec.

Esek. 5:15

Apaki ŋina akaŋoikinia ka akaryenyanikinia ayoŋ iyes, eketuruwo akitocoikinet a ŋuluce, ebuli ŋakwapin daadaŋ ŋuna idunyatar iyes. Ikiŋolikinete ikes iyes ikimenito ka ikijamuwarito.

Esek. 5:8

ayoŋ Ekapolon Akuj erworo neni kec tokona atemar ekemani ayoŋ iyes. Ekesicani ayoŋ iyes iteete ŋituŋa a ŋakwapin a ŋunace.

Mika 3:12

Aŋuna a ŋakiro kus, itao Sion toruwor emanikor; eruwor Yerusalem ereŋorot ŋolo etukotor ŋamoru, ido elomuni amoni alomukura a ŋolo ka Akai ka Akuj.

Sakar 13:2

Ebala Ekapolon ŋolo Etiron ebe, “Akoloŋit ŋin, ekisari ayoŋ anakwap ŋirorwa a ŋakujo, ido nyetamunio nabo ikes jik. Alemari ayoŋ anakwap ŋulu itusubuna ŋikadwarak kaapei ka ŋulu ilipete ŋakujo.

Ŋikis. 13:11

Iirarete nai Ŋisirael daadaŋ ŋakiro ŋun, ido tobul ka nyitiyae nabo ituŋanan ice aronis ŋina ikoni ŋin.

Ŋikis. 13:16

Ŋiboro keŋ daadaŋ ŋulu iŋatunete iyes, emaikina tocunakis nalapatu ŋina alokidiŋ etaun ŋol, tosodi kicunyakis etaun kaapei ka ŋiboro daadaŋ ŋulu iŋatunete iyes nen, ikwapei ainakinet ŋina epeyo neni ke Ekapolon Akuj kus. Eruwor nen ereŋorot ŋoloruba ŋolo nyedukokinio nabo.

Ŋikis. 22:21

emaikina yaarae apese ŋin kiŋa epuke ŋolo a akai a papa keŋ, tosodi tocaka ŋikilyok a etaun iŋes a ŋamoru toara, anerae etiya iŋes ŋakiro ŋuna a ŋileec alo Isirael aŋuna abunio kiryamakinotor ka ekile eriŋa nyiita. Aŋun, ilemarete iyes aronis alotuŋa kus.

Ŋikis. 22:24

emaikina iyes yaut ikes daadaŋ ŋiarei lopuke ŋolo ke etaun a ŋol, tocaka ikes a ŋamoru toara. Earyo apese, anerae abu iŋes nyiworou ikotere eiunete iŋes ŋituŋa a ŋulu ke etaun, earyo ekile, anerae abu iŋes kiryamakinos ka apese a ekidunyet keŋ. Aŋun, ilemarete iyes aronis alokidiŋ kus.

1 Tim. 5:20

Kisibura iteete ŋituŋa daadaŋ ŋulu eseceneneete, ikotere ekerete ŋuluce akitiya ŋun.