Esek. 16:4 - Ebaibul

⁴ Akoloŋit ŋina ikidounere iyoŋ Yerusalem, mam ituŋanan abu totub akapul kon, kori abu ikiloŋa iyoŋ a ŋakipi, kori ikiosak iyoŋ acumbi, kori ikimuko iyoŋ a ediolou.

Esek. 16:4 Iomraidhean Croise

Akisy. 15:13

Kirworik Ekapolon neni ka Aburam tema, “Toyenu nu kire atemar, erikoryo ŋiletok kon nakwap ŋinagela, neni eruworotor ŋipi ka isicanio nooi ŋikaru ŋamiae ŋaomwon.

Aum. 2:20

Okoe Ekapolon, kiŋolik mono iyoŋ! Ŋae mono ŋinapei isican iyoŋ lopite lo? Emaikina mono ŋaberu tonyama ŋidwe kec ŋulu adaut ikes akitanun a?

Aum. 2:22

Ibu iyoŋ tonyarau ŋimoe kosi alowaetin kosi a daadaŋ esibit ŋituŋa ŋulu enyaraunitae nasuban. Emam ituŋanan abu tobucar, kori toyar akoloŋit ŋina iŋoitor iyoŋ. Apotu ŋimoe toara ŋidwe kosi ŋulu aponi isua todakae ka kitopolounoe.

Esek. 16:3

Tema iyoŋ neni a Yerusalem, ‘Alimu tokona Ekapolon Akuj aŋuna a Yerusalem ŋakiro nu atemar arae koloŋ nakwap a Ŋikanaani aponiata ŋituŋa kon ka edounere ikes. Arae papa kec Emorait ka arae toto kec Aititait.

Esek. 20:13

Nai apotu Ŋisirael analoŋisat toŋero akiwuap ŋakiro kaŋ; apotu nyiwuapa ŋakiro ŋuna abala ayoŋ ikes kiwuapa, apotu toŋero ŋikisila kaŋ ŋulu iteyarete ituŋanan erae kiwuap. Apotu ikes tojamuwasi nooi akoloŋit ŋina a Sabato “Aŋun, abu ayoŋ otamak atemar emaikina ayoŋ onyunyurikin ikes omunya analoŋisat.

Esek. 20:8

Nai apotu ikes toŋero ŋakiro kaŋ, nyiirasi ŋuna erworo ayoŋ; mam ipei daŋ alokidiŋ kec ŋini abu tocaka akuj keŋ ŋina aminakinit, kori apotu nyecamut akiŋer akiwuapit ŋakujo a Ijipit. “Abu nai ayoŋ otamak atemar emaikina anyunyura kaŋ min neni kec, emaikina ayoŋ oŋoik ikes eman anakwap a Ijipit.

Osea 2:3

Ani pa kitiya iŋes ŋun, alacari ayoŋ ŋilowi aneni keŋ, emyek iŋes eleri lopite ŋolo aleryo akoloŋit ŋina edounere iŋes, emyekini ayoŋ iŋes toler, kikwaanikin ka aloŋisat ŋina emam ŋikito, esikwaanikini ayoŋ iŋes ka akwap ŋina eonit, ido emyek akure toar iŋes.

Osea 2:5

Abu toto kec tomalaan topotiu ikes anamalao ka ŋileec. Abu iŋes tema, “Ewarari ayoŋ ŋikilyok ŋulu amina ayoŋ, ŋulu akainakinete ayoŋ akimuj ka ŋakipi kaŋ, ŋulu akainakinete ayoŋ ŋilowi ŋulu edonyunitoe a ŋajul a ŋamesekin ka ŋilowi ŋulu amilimilak, ŋikilyok ŋulu akainakinete ayoŋ akimyet ka epiini.”

Luk. 2:12

Erae na akitaanyikinet ŋina ianyuniata iyes: iryamunete ikoku ŋini cici ŋini imukoritae a ŋilowi eperi anataker a ŋina emasyata ŋaatuk!”

Luk. 2:7

Kidou iŋes ikoku keŋ ŋini sapat ŋini kiyae, kimukok ŋilowi, kiperik iŋes nataker ŋina amasyata ŋaatuk, anerae amam ikes neni perot ka adidiŋ akai ŋina a ŋipeyok.

Ŋikis. 15:15

Totamunito atemar iirakasi iyes daŋ ŋipi anakwap a Ijipit, ido abu Ekapolon Akuj kus ikilaku iyes, a ŋakiro a ŋun, ekeciki ayoŋ iyes nakoloŋit na akiwuap akiciket na.

Ŋikis. 5:6

“Ayoŋ Ekapolon Akuj kus ŋina abu okoyau iyes anakwap a Ijipit, anakibois a ŋina iraakatar iyes ŋipi.

Yos. 24:2

Tema nai Yosua lotuŋa daadaŋ, “Ebala Ekapolon ŋolo erae Akuj a Ŋisirael ebe, ‘Koloŋ sek apotu atapapaa kus kiboiyoto ayaaye aŋolol Eupurate, epei atapapaa kus a ŋul iŋes Tera papa keŋ ka Aburaam ka Naor. Apaki ŋin, elipete ikes neni a ŋakujo.