Esek. 16:39 - Ebaibul

³⁹ Ekepotokini ayoŋ iyoŋ nakan a ŋuluminan kon, ikiryetasi ikes iyoŋ toritakis kwap ŋakiboisyo ŋunakilipet ŋakujo ka ŋunakitiyaet ŋakiro ŋuna ka amalao. Etalacari ayoŋ ŋul ibore daadaŋ aneni kon, yaasi tari ŋiboro ŋulu ebusak ŋulu inapit iyoŋ, ikimyekis iyoŋ ileri emam ibore iyakatar.

Esek. 16:39 Iomraidhean Croise

Isa. 27:9

Aŋakiro a ŋun, emookunio ŋituŋa a Yakob anasecit kec, eruwor nu ŋuna iwuapakinete kedaun amookuun ikes anasecit kec: Isyonio ŋasecisya kec erae ca kiryaasi ikes ŋamoru ŋuna edukitere ŋamuroeta kinyaadiyar kikokis esimit ka erae kedaun ŋitorubei a akuj a ŋina enyaritae Asera, kori ŋamuroeta ŋuna icunyere ekinyate.

Esek. 16:31

Ibu iyoŋ nyijal ŋisiliŋa ŋulu amalao kon apaki ŋina ibunio iyoŋ todukio ŋakiboisyo ŋunakilipet neni isalakini ŋolorot a etaun daadaŋ ka nenimukur analapatui a daadaŋ a ŋuna a etaun.

Esek. 23:26

Elacanaryo daŋ ŋilowi aneni kon ka eayo ŋasuwa ŋuna amilimilak ŋuna inapit iyoŋ.

Esek. 23:29

Ikisicanete ikes iyoŋ erae ŋulu ikimanito ka elemarete ikes ibore daadaŋ ŋini idau iyoŋ aryamun anabukor ŋakinyinyir kon, ido ikimyekis iyoŋ ileri ka emam ibore iyakar, isileereuni nai akiler kon ŋin ŋileec ŋulu ka amalao kon. Aleeco kon ka amalao kon,

Osea 2:3

Ani pa kitiya iŋes ŋun, alacari ayoŋ ŋilowi aneni keŋ, emyek iŋes eleri lopite ŋolo aleryo akoloŋit ŋina edounere iŋes, emyekini ayoŋ iŋes toler, kikwaanikin ka aloŋisat ŋina emam ŋikito, esikwaanikini ayoŋ iŋes ka akwap ŋina eonit, ido emyek akure toar iŋes.

Osea 2:5

Abu toto kec tomalaan topotiu ikes anamalao ka ŋileec. Abu iŋes tema, “Ewarari ayoŋ ŋikilyok ŋulu amina ayoŋ, ŋulu akainakinete ayoŋ akimuj ka ŋakipi kaŋ, ŋulu akainakinete ayoŋ ŋilowi ŋulu edonyunitoe a ŋajul a ŋamesekin ka ŋilowi ŋulu amilimilak, ŋikilyok ŋulu akainakinete ayoŋ akimyet ka epiini.”

Ŋilep. 26:30

Amunaari ayoŋ neni ilipyata iyes alokidiama ŋimukur, amunaari ŋamuroeta ŋuna icunyata iyes ekinyate, atukokini ayoŋ ŋawat kus kidiama ŋitorubei a ŋakujo kus. Akaŋeri ayoŋ iyes.

Akis. 17:16

Ŋamomwar ŋatomon ŋuna ibu iyoŋ toanyuwa, eremokinosi ikes kaapei ka etyaŋ eŋerete amalaat; elemarete ikes ibore daadaŋ ŋini eyakar iŋes, kimyekis eleri, irikarete ikes iŋes ka kicunyasi.