Esek. 16:38 - Ebaibul

³⁸ Akatubokini ayoŋ iyoŋ lopite ŋolo etubonokinere ŋaberu ŋuna elomito ka ŋuna adaut akiar ŋituŋa. Ayauni ayoŋ ananyunyura ka analilit kaŋ anyaŋan neni kon okoar iyoŋ.

Esek. 16:38 Iomraidhean Croise

Akisy. 38:11

Tolimok nai Yuda Tamar nateran keŋ tema, “Kiboi irae apuserut alokal a papa kon akitodol ŋina epolounio lokoku kaŋ Sela.” Alimuni iŋes ŋun aŋuna atamya atemar etwani Sela daŋ ikwapei ŋikaitotoi keŋ. Aŋun, abu Tamar tolot akiboi alokal a papa keŋ.

Akisy. 38:24

Ekaku a ŋilapyo a ŋiuni, tolimokinae Yuda temarae, “Kelom nateran kon Tamar ka daŋ epoti iŋes ikoku ŋinilomuna.” Tolimu Yuda tema, “Yautu iŋes kiŋa, emaikina kicunyae iŋes.”

Akisy. 9:6

Iŋes ŋini ebukori ŋaokot a ituŋanan, ituŋanan pei ebukori ŋaokot keŋ daŋ, anerae abu Akuj tosub ituŋanan eyakar ŋasima keŋ.

Awos. 21:12

“Ituŋanan ŋini eari ŋinice, emaikina iŋes daŋ toarae.

Yer. 18:21

Aŋun, kimyek akoro tomunya ŋidwe kec, kimyek ŋituŋa ŋul tomunyarae a ekileŋ, kimyek ŋaberu kec tomamukaun ŋidwe ka toruworos ŋapuseru. Elipi tomunya edeke ŋikilyok kec, toarae ŋisorok kec a ekileŋ alojie.

Esek. 16:36

alimu Ekapolon Akuj atemar, aŋuna ibunio iyoŋ kibalibalaa ebari kon ka kidoŋio ileri itoodiunit amalao kon neni a ŋulu imina iyoŋ ka aŋuna a ŋakujo kon a ŋuna aronok aŋuna a ŋaokot a ŋidwe kon a ŋuna ibu iyoŋ inak neni a ŋakujo a ŋun,

Esek. 16:40

Eyaunete ikes aruruma akituwokin iyoŋ, ikicakete ikes iyoŋ a ŋamoru, itonyilinyiliyasi iyoŋ a ŋileŋia kec.

Esek. 23:24

Epote ŋikemanitok iyoŋ alo Kuju etiŋito ŋiboro ŋulujiet, emetae a ŋaŋolei ka a ŋagaari ka eyakatar ŋituŋa ŋulu alalak nooi, ikicodokinete ikes iyoŋ alowaetin kon a daadaŋ etiŋito ŋaupala ŋuna apolok ka ŋuna cicik ka enapito anakyes ŋakopiyae ŋuna iuryarito akou nyewana. Ainakini ayoŋ ikes apedor ikisican iyoŋ, ikisicanete ikes iyoŋ lopite ŋolo ecamito ikes.

Esek. 23:25

Ewuakini ayoŋ neni kon alilit ŋina ekemanitor iyoŋ, ikotere ikes ikisicanete iyoŋ ka aryenyeo. Etubutubuyete ikes ŋikumes ka ŋaki kon, earyo ŋituŋa kon ŋulu ebucanarosi. Ikamarete ŋimoe ŋul ŋidwe kon ŋulusapa ka ŋulupesur ka icunyaryo ka akim ŋituŋa kon ŋulu ebucanarosi.

Esek. 35:6

aŋun, ikwapei kire ayarya ayoŋ, epotori ayoŋ ŋituŋa kon toarae, erubakinio earyo ŋituŋa kon ka aŋuna pa ibunio iyoŋ toŋer akiar ŋuluce, erubakinio earyo ŋituŋa kon.

Esek. 36:18

Aŋun, abu ayoŋ onyunyurikin ikes nooi, aŋuna a ŋituŋa a ŋulu apotu ikes toarakis nakwap kec ka aŋuna aŋakujo a ŋuna aponiata ikes tomunaaryata akwap kec.

Ŋilep. 20:10

“‘Ani kelom ekile edio aberu a ekidunyet keŋ, emaikina toarae ekaloman ŋol kaapei ka akaloman ŋin.

Naum 1:2

Erae Akuj Ekapolon ŋolo alilyan ka ŋolo enyaŋan. Inyaŋana Ekapolon ka epatana iŋes akiŋo. Isicani Ekapolon jik ŋulu eŋerito iŋes eŋoikini Ekapolon nooi ŋimoe keŋ.

Sepan. 1:17

“Ayauni ayoŋ akiyaloloŋ lotuŋa, toloto ikes esibit ŋimudukanotin; anerae aseca ikes aneni ke Ekapolon, ebukoryo ŋaokot kec ikwa ŋalup ka imasaryo ŋawat kec ikwa aoret.

Ekim. 35:16

Tolimok nabo Ekapolon Moses tema, “Tolimok Ŋisirael ebe, ‘Ani keram ituŋanan ŋinice ka asuwat, ido totwan ituŋanan ŋini aramyo, erae ŋini arami ŋinice ekaaran; emaikina ekaaran daŋ toarae,

Ekim. 35:17

kori ani kimas ituŋanan ŋinice ka amoru, ido totwan ituŋanan ŋini emasyo, erae ŋini emasi ŋinice ekaaran; emaikina ekaaran daŋ toarae,

Ekim. 35:18

kori ani keram ituŋanan ŋinice a ebela, ido totwan ituŋanan ŋini aramyo, erae ŋini arami ŋinice ekaaran; emaikina ekaaran daŋ toarae.

Ekim. 35:21

kori ani kibap ituŋanan ŋinice aŋuna imanitor, ido totwan ituŋanan ŋin ibapyo, emaikina toarae ituŋanan ŋini ebapi ŋinice, erae ituŋanan ŋini ebapi ŋinice ekaaran; epedori ekenyaŋan akiar ituŋanan ŋini earit ŋinice apaki daadaŋ ŋina iryamunotor ikes.

Ekim. 35:31

Kikote neni daŋ, nyemaikina iyes kijaut etacit edio aŋuna ka alakunia akiyar a ekaaran a ŋolo emaikina toarae aŋuna ka asecit keŋ. Emaikina ekaaran toarae.

Akis. 16:6

Apotu ikes tobukonosi ŋaokot ŋuna a ŋituŋa ka Akuj ka ŋuna a ŋikadwarak, aŋun, itamat iyoŋ ikes ŋaokot. Aryamut ikes ŋuna itemokino ikes toryamut.”