Esek. 16:3 - Ebaibul

³ Tema iyoŋ neni a Yerusalem, ‘Alimu tokona Ekapolon Akuj aŋuna a Yerusalem ŋakiro nu atemar arae koloŋ nakwap a Ŋikanaani aponiata ŋituŋa kon ka edounere ikes. Arae papa kec Emorait ka arae toto kec Aititait.

Esek. 16:3 Iomraidhean Croise

Akisy. 11:25

kiboi Naor ŋikaru amiat ka ŋitomon ka ŋikanikaomwon kedau auruun Tera. Touru ŋisapa ŋice ka ŋapesur.

Akisy. 11:29

Apotu Aburam ka Naor kiitasi; kiit aburam aberu ŋina anyaritae Sarai, Naor daŋ kiit aberu ŋina anyaritae Milika, nakoku ka Aran a ŋolo arae papa a Milika ka Isika.

Akisy. 15:16

ido eboŋunete ŋiletok kon ne edoli anyamet ŋina a ŋaomwon; anerae eriŋa aronis ŋina a Ŋiamori nyedauna.”

1 Ŋirw. 21:26

Abu iŋes kitiya ŋasecisya ŋuna a ŋileec nooi aŋuna abunio tolomakinia akilip neni a ŋakujo lopite ŋolo aponiata Ŋiamori kitiyata; Ŋiamori ŋulu abu Ekapolon kirita anakwap kec apaki ŋina adolunioto Ŋisirael nen.)

2 Ŋirw. 21:11

“Aŋuna etiyaa Manase erwosit a Yudaya asiilyo na, aronis ŋina iloit ŋina a Ŋiamori a ŋulu sek aya neni ipukat iŋes, ka nabo aŋuna arikokinia ŋituŋa a Yudaya nasecit ŋina ka akiwuapit ŋakujo keŋ,

Esir 9:1

Kedaun akitiya ŋakiro ŋun daadaŋ apotu ŋikapolokinitok ŋituŋa potu neni kaŋ temasi, “Nyetyakara ŋituŋa a Isirael ka ŋilepi alotuŋa a ŋakwapin ka anakiro kec a ŋuna asiilyanak, nyetyakara ikes aneni a Ŋikanaani, a Ŋiitaiti, a Ŋiperisi, a Ŋiyebusi, a Ŋiamoni, a Ŋimoabi, a Ŋijipitian ka aneni a Ŋiamori,

Neem. 9:7

Irae iyoŋ Ekapolon, Akuj ŋina iseuni Aburaam, yau iŋes anakwap a Ur anakwap a Ŋibabiloniyae, tolimok iŋes ekiro Aburaam.

Isa. 1:10

Kiirasi ŋakiro ŋuna irworo Ekapolon, iyes ŋikepukak a Sodoma! Topupokisi ŋakiro ŋuna itatami Akuj kosi, iyes ŋituŋa a Gomora!

Isa. 43:27

Abu papaa kus ŋolo esyaunan tosec ka apotu ŋikerworok aŋuna kus toseca neni kaŋ.

Esek. 16:2

“Lokoku a ituŋanan, tolimok ŋituŋa a Yerusalem ŋakiro ŋuna ka asiilyo ŋuna itiyato ikes.

Esek. 16:4

Akoloŋit ŋina ikidounere iyoŋ Yerusalem, mam ituŋanan abu totub akapul kon, kori abu ikiloŋa iyoŋ a ŋakipi, kori ikiosak iyoŋ acumbi, kori ikimuko iyoŋ a ediolou.

Esek. 16:45

Irae iyoŋ kire jik nakoku a toto kon, a ŋina abu tojamuwa lokile keŋ ka ŋidwe keŋ, iyoŋ bon irae nakaato ŋina a kire anakaitotoi kon a ŋuna apotu tojamuwasi ŋikilyok kec ka ŋidwe kec. Arae toto kon Aititait ka arae papa kon Emorait.

Esek. 21:30

Kirepakisi ŋileŋia nakuraroi kec. Akatubokini ayoŋ iyes anakibois aŋina kikisubunere iyes, anakwap atapapaa kus.

Mat. 11:24

Nai akalimokini ayoŋ iyes kire atemar, isyoni Akuj nooi ŋituŋa ŋulu a Sodoma, Akoloŋit ŋina ka atubokino akilo iyes.”

Mat. 3:7

Ani iŋolikini Yoana Ŋiparisayon ka Ŋisadukayon ŋulu alalak eponito neni keŋ akibatisao, tolimok ikes tema, “Iyes ŋulu iroko ŋulu ikote ŋapomia, ŋae ikilimokini iyes atemar ipedorete abucar ananyunyura a ŋina ebunit a ŋina ka Akuj?

Luk. 3:7

Tolimok Yoana ŋasepico ŋuna aponito neni keŋ akibatisao tema, “Iyes ŋulu iroko ŋulu ikote ŋapomia, ŋae ikilimokini iyes atemar ipedorete abucar ananyunyura a ŋina ebunit aneni ka Akuj?

Yoa. 8:44

Irae iyes ŋidwe a papa kus a Satan ka icamito iyes akiwuap ŋuna ecamit iŋes. Arae iŋes ekaaran ŋinapei anakisyakinet, ka nyikamunito iŋes ŋuna a kire, anerae emam ŋuna a kire aneni keŋ. Ani elimuni iŋes alyokonu, itiyae ŋuna erae ekeepite, anerae erae ekalyokonon ka erae papa ka alyokonu.

Ŋiep. 2:3

Kire, ekwaanae iwon daadaŋ ka ikes, ido ikiboi alotooma ekibure ŋolo a ŋawat yok, etiyao iwon ibore daadaŋ ŋini etalakarit acamit ŋina a ŋawat ka ŋatameta yok a ŋilopeyek. Alokuwane yok a ŋol, ikiya iwon nanyunyura ŋina ka Akuj, ikwapei ŋituŋa ŋuluce daŋ.

Ŋikis. 20:17

Emaikina iyes kitoŋopiyasi anakwap ŋituŋa lu: Ŋiitaiti ka Ŋiamori, Ŋikanaani ka Ŋiperisi, Ŋiipi ka Ŋiyebusi. Tomunyasi ikes lopite ŋolo ikicikia Ekapolon Akuj kus iyes akitiya,

Ŋikis. 7:1

Ani ikiyauni iyes Ekapolon Akuj kus nakwap ŋina eapi iyes alomar ka akituruwor ŋina iboiyoto iyes, ido kirita ŋituŋa a ŋakwapin alokiŋaren kus, kirita Ŋiitaiti, Ŋigiragasi, Ŋiamori, Ŋikanaani, Ŋiperisi, Ŋiipi ka Ŋiyebusi, ŋituŋa a ŋakwapin a ŋakanikaarei ŋulu egogoŋ ka elalak akilo iyes

Yos. 13:4

Alowae a ŋolo alokwap, ariŋa nyikamara akwap daadaŋ ŋina a Ŋikanaani ka ŋina enyaritae Meara alo Sidon, ameun aneni enyaritae Apek tari lokukoru a akwap a Ŋiamori.

Yos. 24:14

“Tokona nai, itemokino iyes tokerito Ekapolon ka kitiyanakis iŋes anakikinyoma kus a daadaŋ. Toŋero akitiyanakin ŋakujo ŋuna ewuapito atapapaa kus alokekwaye aŋolol Eupurate ka anakwap a Ijipit, nai kitiyanakisi Ekapolon.

1 Yoa. 3:10

Aŋun, ileereunete ŋidwe ŋulu erae ŋulu ka Akuj ka ŋulu erae ŋulu a Satan; ituŋanan daadaŋ ŋini nyitiyae ŋuna iyookino, kori ŋini nyemina lokaato keŋ, nyerae iŋes ikoku ka Akuj.