Esek. 16:27 - Ebaibul

²⁷ Aŋun, abu ayoŋ ekesican iyoŋ, etiditeu akwap kon; ekepotok iyoŋ nacamit ŋina a ŋimoe kon, a ŋulu arae ŋiletok a Ŋipilistin. Aumokinito ŋimoe ŋul nooi aŋuna ka asiilyo a ŋina itiyae iyoŋ.

Esek. 16:27 Iomraidhean Croise

2 Ŋirw. 24:2

Abu Ekapolon kiyakiya ŋajorei alokabilae a Ŋikaledian, a Ŋiarameani, a Ŋimoabi ka a Ŋiamoni amunyar ŋituŋa a Yudaya, kiyookinotor ŋuna erworit Ekapolon alorwor a ŋikadwarak a ŋulu arae ŋiketiyak keŋ.

Ŋikiru. 106:41

Abu Akuj kipotok ikes napedor a ŋituŋa a ŋakwapin, ikotere ŋulu sek aremokino ikes ipukaete ikes.

Isa. 3:1

Kiirasi, apuu tokona Ekapolon ŋolo etiron, ŋolo a ŋajoresyo, alemar alo Yerusalem ka anakwap a Yudaya akiŋarakinet daadaŋ ka agogoŋu, ejoŋoo ainanakin ikes akimuj ka ejoŋoo ainanakin ikes ŋakipi.

Isa. 5:25

Aŋun, abu aŋoit ŋina a Ekapolon toyakaun lotuŋa keŋ, ka abu akisican ikes a apedori keŋ, apotu ŋimoru tomaranikis, kikokis ŋawat a ŋituŋa a ŋulu atwakito alorotin etukosi ŋatunyeny. tari ŋina aponiata ŋun kitiyakin, ariŋa Ekapolon eŋoikinit ikes ka arubakinit jik isicani ikes.

Isa. 9:12

Ŋiarameani alowae a ŋolo alo Kide ka Ŋipilistin alowae a ŋolo alo To. Apotu ŋul tomunyasi Ŋisirael tari kitiyakina ŋun, eriŋa Ekapolon eŋoikinit Ŋisirael, eriŋa iŋes erubakinit isicani ikes.

Isa. 9:17

Ŋakiro ŋun abunio Ekapolon nyisyon ŋisorok kec, kori nyisyonik ŋikokyok ka ŋapesur alotuŋa a ŋul, anerae pa ewuapito ŋituŋa daadaŋ ŋuna ka Akuj ka arae ŋulu etiyaete ŋuna aronok, erworosi ŋituŋa daadaŋ ŋakiro ŋuna ka abaŋao. Tari kitiyakina ŋun, eriŋa Ekapolon eŋoikinit Ŋisirael, eriŋa iŋes erubakinit isicani ikes.

Yer. 34:21

Ani eruwor erwosit Sedekia ŋolo a Yudaya kaapei ka ŋikapolok ŋulu ipukatotor iŋes, ainakini ayoŋ ikes lomoe kec, neni a ŋulu imanito akiyar kec, ainakini ayoŋ ikes neni a ŋasigarya a erwosit a Babilon a ŋulu aboŋosi aneni kus.

Esek. 14:9

“‘Ani kemodikin ekadwaran, ido todwar akirot adio, erae ayoŋ Ekapolon amodikinit iŋes, ido esicani ayoŋ ekadwaran ŋol olema alotuŋa kaŋ alo Isirael.

Esek. 16:37

acunakini ayoŋ ŋuluminan kon daadaŋ ŋulu iponiata iyoŋ tolakarotor, ŋulu imina iyoŋ ka ŋulu pa imina iyoŋ daadaŋ, acunakini ayoŋ ikes ikiman iyoŋ alowaetin kon a daadaŋ, esileerek ikes epite ŋolo ileryo iyoŋ, ikiŋolikis ikes iyoŋ ileri.

Esek. 16:47

Nyitiya iyoŋ ŋuna bon apotu ikes ikitiyata, ibu iyoŋ kiwuap ka kisisau akitiya ŋakiro ŋuna aronok ŋuna etiyaete ikes, nai alotooma ŋipitesyo kon daadaŋ, ibu iyoŋ kiburuburak amunaar atipei akilo ikes.

Esek. 16:57

eriŋa aronis kon nyisileereuno a? Nai tokona, iruwor iyoŋ ŋina ikikyenatar ŋituŋa ka Aram ka ŋikidunyet kec daadaŋ ta Ŋipilistin ka ŋikidunyet kon daadaŋ.

Esek. 23:22

“Aŋun nai Ooliba, alimu Ekapolon Akuj atemar, ekesimani ayoŋ iyoŋ ŋuluminan kon, ŋulu ibu iyoŋ toesik ikitiiliyete ŋakiro ŋuna etiyaete ikes neni kon. Ayauni ayoŋ ikes neni kon ikiman iyoŋ alowaetin kon a daadaŋ.

Esek. 23:25

Ewuakini ayoŋ neni kon alilit ŋina ekemanitor iyoŋ, ikotere ikes ikisicanete iyoŋ ka aryenyeo. Etubutubuyete ikes ŋikumes ka ŋaki kon, earyo ŋituŋa kon ŋulu ebucanarosi. Ikamarete ŋimoe ŋul ŋidwe kon ŋulusapa ka ŋulupesur ka icunyaryo ka akim ŋituŋa kon ŋulu ebucanarosi.

Sepan. 3:19

Apaki ŋin, esicani ayoŋ ŋulu ikiimakinito iyes, aiuni ayoŋ ŋikaŋwalak, ido ocunak ŋulu ejamuwaritae, elocokini ayoŋ aleeco kec, ainakini ayoŋ ŋituŋa kitopoloosi ikes, ikotere todaun ŋileec aneni kec.

Akis. 17:16

Ŋamomwar ŋatomon ŋuna ibu iyoŋ toanyuwa, eremokinosi ikes kaapei ka etyaŋ eŋerete amalaat; elemarete ikes ibore daadaŋ ŋini eyakar iŋes, kimyekis eleri, irikarete ikes iŋes ka kicunyasi.