Esek. 16:20 - Ebaibul

²⁰ Ibu iyoŋ ya ŋidwe kon ŋulusapa ka ŋulupesur ŋulu sek idounit iyoŋ aŋuna kaŋ, ibu iyoŋ toarak ikes neni a ŋakujo a ŋun ikwapei akimuj a ŋakujo a ŋun. Pa mono etemokino aronis ŋina ka amalao kon aŋuna kon a?

Esek. 16:20 Iomraidhean Croise

Akisy. 17:7

Ewuakini ayoŋ acamunet kaŋ ka iyoŋ ka ŋiletok kon ŋulu a ŋanyameta a daadaŋ, eruwor acamunet ŋin ŋina a ŋikaru ka ŋikaru. Arubakini ayoŋ arae Akuj kon ka ŋina a ŋiletok kon.

2 Ŋirw. 16:3

nai abu iŋes kiwuap epite ŋolo a ŋirwosi a Isirael. Abu tari kisitor lokoku keŋ kidiŋ akim, iwuapit ŋitalyo ŋulu aronok ŋulu a ŋituŋa a ŋakwapin a ŋuna abu Ekapolon kirita apaki ŋina adolunioto Ŋisirael nakwap ŋina aya ikes.

2 Ŋakiro a ŋirwa 33:6

Abu Manase kimasak nakim lokoku keŋ erae amuronot anakadipaalat a ŋina a Ben-Inom. Adwarenene iŋes, nabo torae ekekukujan, ekapilan ka eeki ŋililae. Tosec iŋes nooi neni ke Ekapolon, kitoŋo Ekapolon.

Awos. 13:12

emaikina iyes totyakasi aŋuna ke Ekapolon, ŋikiyae daadaŋ ŋulu a ŋibaren kus ŋulu erae ŋimoŋin, emaikina ŋul toruwor ŋulu ke Ekapolon.

Awos. 13:2

“Kitaleu ŋikiyae ŋulusapa neni kaŋ. Isapat daadaŋ ŋini aŋaari akook a Asiraelit, kori ibarasit ŋini kiyae alobaren kus erae ŋini kaŋ.”

Isa. 57:5

Ilipete iyes neni a ŋakujo aneni eya ŋikuyono, ilipete neni a ŋakujo alokwap ŋikito daadaŋ ŋulu alibak, iŋoleneneete iyes ŋidwe kus anakadipaalae ka alokwap ŋatabab ŋunasulut.

Yer. 19:5

arubakis daŋ edukete ŋakiboisyo ŋuna aoyak aŋuna a Baal, apeyo anakim ŋidwe kec ikwapei ŋainakineta ŋuna epeyo aŋuna a Baal, ŋakiro ŋuna nyicika, kori nyetubuno ayoŋ atemar kitiyae ka nyetamuna ayoŋ ŋakiro kaŋ tari ŋina erae atamun.

Yer. 3:24

“Ameun anasoroko yok, etoŋopiyasi ŋakiro ŋuna a ŋileec ŋuna itiyao iwon ibore daadaŋ ŋini apotu atapapaa yok toryamut, ŋamesekin kec, ŋaatuk kec, ŋidwe kec ŋulusapa ka ŋulupesur.

Yer. 32:35

Apotu ikes toduko ŋakiboisyo ŋuna aoyak ŋuna ilipere neni a Baal nakadipaalat alokoku a Inom, ikotere einanakiniata ŋidwe kec ŋulusapa ka ŋulupesur neni a Molek, tari daŋ pa kalimokinit ayoŋ ikes akitiya ŋun, nyepena tari ŋakiro ŋun natameta kaŋ atemar kitiyata ikes ŋiticisyo ŋulu ka asiilyo ŋul, ŋulu apotu kiteseca ŋituŋa a Yudaya.

Yer. 7:31

Tosodi erubakinito ikes edukete namuroet ŋina enyaritae Topes ŋina eyai nakadipaalat a lokoku a Inom, aŋuna ka apeyo ŋidwe kec ŋulusapa ka ŋulupesur anakim, erae ŋun ŋakiro ŋuna pa ecikit ayoŋ ikes akitiya, kori amam jik ŋakiro ŋun anatameta kaŋ.

Esek. 14:14

kerae toriŋa tari ŋikilyok lu ŋiuni Noa, Daniel ka Yob iboiyete anakwap a ŋin, keiuna ŋuluuni ŋul aŋuna ka akiyookino kec.

Esek. 16:21

Ibu iyoŋ toar ŋidwe kaŋ, inak ikes neni a ŋakujo a ŋun ikwapei ainakinet.

Esek. 16:36

alimu Ekapolon Akuj atemar, aŋuna ibunio iyoŋ kibalibalaa ebari kon ka kidoŋio ileri itoodiunit amalao kon neni a ŋulu imina iyoŋ ka aŋuna a ŋakujo kon a ŋuna aronok aŋuna a ŋaokot a ŋidwe kon a ŋuna ibu iyoŋ inak neni a ŋakujo a ŋun,

Esek. 20:26

Abu ayoŋ emyek ikes tomunaaros anainanakineta kec pei, abu ayoŋ emyek ikes toara ŋikiyae kec ŋulusapa erae ŋamuronisya. Arae ŋun aŋuna ka akisicania ikes ka akitoodikin ikes atemar arae ayoŋ Ekapolon.

Esek. 20:31

Irubakis iyes itiyaete ŋakiro nu tari nakoloŋit na: iyayeneneete ŋainakineta nakujo, isitoreneneete ŋidwe kus ŋulusapa nakim, aŋun, idaut iyes amunaar ŋawat kus a ŋakujo kus a daadaŋ. Okoe Ŋisirael, ipedorete nai kire iyes akiŋit ayoŋ ŋakiro ŋadi a? Ikwapei kire ayarya ayoŋ, nyipedorete iyes akiŋit ayoŋ ŋakiro ŋadi.’

Esek. 23:37

anerae adaut ikes akilom ka akiar. Amalaan ikes anakujo kec; adaut tari akiar ŋidwe kec erae ŋamuronisya ŋuna einakinitae neni a ŋakujo erae akimuj, nai arae aŋuna kaŋ auruunere ŋidwe ŋul.

Esek. 23:39

Akoloŋit ŋinapei aayata ikes ŋidwe kec erae ŋamuronisya neni a ŋakujo kec, apotu tolomasi nakibois kaŋ ŋina asegan tomunaasi, ŋakiro ŋun ikes apotu Oola ka Ooliba kitiyata alokai kaŋ.

Esek. 23:4

Arae ekiro a ŋina apolon Oola ka arae ekiro a ŋina cici Ooliba. Apotu ikes toruworos ŋuna kaŋ, ido apotu touruut ŋidwe ŋulusapa ka ŋulupesur. Isikwaanitae ŋirorwa kec ka lu: Oala iŋes Samaria ka Oaliba iŋes Yerusalem.

Esek. 8:17

Tema nai Akuj neni kaŋ, “Lokoku a ituŋanan, iŋolik iyoŋ ŋakiro nu a? Nyerae mono ibore ŋini aronon nooi akiŋolikin asiilyo ŋina itiyaete ŋituŋa a Yudaya a ne a? Emaikina mono ikes kilelebikis tari aryenyeo nakwap ka torubakis eketoŋoito ayoŋ a? Kiŋolik iyoŋ epite ŋolo iasyata ikes akitoŋo ayoŋ nooi alopite a daadaŋ a ŋolo ecamito ikes!

Mika 6:7

Elakar mono Ekapolon keyaun neni keŋ ŋamesekin ŋalipyo ka akimyet ŋina ilelebun ŋaŋololin ŋalipyo ŋatomon a? Ainakini mono ayoŋ Ekapolon ikoku kaŋ ŋini kiyae aŋuna a ŋadyakanareta a? Ainakini mono ayoŋ iŋes arait ŋina ka akuwan kaŋ aŋuna ka asecit ke etau kaŋ a?”