Esek. 16:17 - Ebaibul

¹⁷ Ibu daŋ iyoŋ tolacu ŋiboro ŋulu a egolid ka esilipa ŋulu sek isibusitor iyoŋ akuwan kon, ŋulu sek abu ayoŋ okoinak iyoŋ, ido ibu iyoŋ kitiyau ŋakujo kon aloboro a ŋul ka ibu iyoŋ tomalaan anakujo a ŋun.

Esek. 16:17 Iomraidhean Croise

Yer. 3:9

Aŋuna atakania aneni a Ŋisirael esibit ŋakiro ŋuna ka akilip neni a ŋakujo ŋacaryo, apotu ikes tomunaasi akwap kec, apotu ikes kilipa neni ka amoru ka neni a ekitoe.

Esek. 16:11

Abu ayoŋ ekesibus iyoŋ eketanapik ŋiboro nakuwan; etanapik ŋamaŋgili nakan, erikot lodokole,

Esek. 16:12

ekaboboot lokume, ŋamarotoi naki ka abu ewuak ebokot ŋolo ebusan nakou kon.

Esek. 16:13

Aponi ikisibusi iyoŋ a egolid ka esilipa, ibu iyoŋ tonap ŋilowi ŋulu ajokak ŋulu amilimilak, ŋulu epol nooi egyelit, ido torae ŋulu esibusitae a ŋiboro a ŋice. Imuji iyoŋ akimuj ŋina ajokan nooi ka akimyet ŋina ka ao ta ŋamyeta ŋace. Ibu iyoŋ topolou irae ŋina ebusan nooi, ŋina emaikina iruwor arwosit.

Esek. 16:16

Ibu iyoŋ tolemu ŋilowi kon ŋice, kisibusya ŋakiboisyo ŋunakilipet ŋuna eyakasi neni emukur, ŋakiboisyo ŋun, ikes ibunio iyoŋ kitiyaa amalao. Nyetakanuna ŋakiro ŋuna ikote ŋun ŋinapeikoloŋ ka nyemaikina totakanut tari alorwa a ŋulu eponito.

Esek. 16:18

Ibu iyoŋ ya ŋilowi kon ŋulu esibusitae ŋul kitanapik nakujo ŋun, ido ibu iyoŋ ya akimyet kaŋ ka ekinyate kaŋ kiwuak kiŋaren kec.

Osea 10:1

Ikwaan ŋituŋa a Isirael ka ekitoe a epiini ŋolo elyaarito ŋaten neni alwanan, ŋolo eraunene ŋaraito ŋuna alalak nooi, ani elalakunete ŋiletok kec, tolalata ŋamuroeta ŋuna edukete ikes. Ani elalauni abaru anakwap kec, kitalalata ikes ŋipirin ŋulu erae ŋakujo kec.

Osea 2:13

Esicani ayoŋ iŋes aŋuna a ŋarwa a ŋuna etiyaa ŋasuban neni ata Baal, ŋirwa ŋulu ainanakinia iŋes ekinyate neni ata Baal, tosirite akuwan keŋ a ŋikadoŋidoŋ ka ŋinapen ŋulu epol egyelit, ido tolosenenee neni a ŋikilyok a ŋulu amina iŋes, tosodi ekemuryak ayoŋ.