Esek. 16:13 - Ebaibul

¹³ Aponi ikisibusi iyoŋ a egolid ka esilipa, ibu iyoŋ tonap ŋilowi ŋulu ajokak ŋulu amilimilak, ŋulu epol nooi egyelit, ido torae ŋulu esibusitae a ŋiboro a ŋice. Imuji iyoŋ akimuj ŋina ajokan nooi ka akimyet ŋina ka ao ta ŋamyeta ŋace. Ibu iyoŋ topolou irae ŋina ebusan nooi, ŋina emaikina iruwor arwosit.

Esek. 16:13 Iomraidhean Croise

Akisy. 17:6

Eketipituni ayoŋ iyoŋ nooi, ido etolomuni ayoŋ ŋituŋa a ŋakwapin aloletok kon; elomunete ŋirwosi alotuŋa a ŋul.

2 Sam. 8:15

Aŋun, abu Daudi kipuka Isirael daadaŋ, abu iŋes kitiya ŋuna ajoikinito ŋituŋa ka ŋuna eyookino alotuŋa keŋ a daadaŋ.

1 Ŋirw. 4:21

Arae Solomon apolokinit ŋakwapin ŋun daadaŋ anyoun anaŋolol a ŋina enyaritae Eupurate akitodol nakwap ŋina a Ŋipilistin, kiropo lokukor ŋolo a Ijipit. Atacete ŋakwapin ŋun ocur neni Solomon ka etiyanakinete ŋakwapin ŋun Solomon ŋirwa ŋulu a akiyar keŋ daadaŋ.

Esir 4:20

Ayakar Yerusalem ŋirwosi ŋulu agogoŋok ŋulu epukato akwap daadaŋ ŋina alokekwaye aŋolol Eupurate, ido alemenakinio ikes ocur ka etacit ŋolo alemununyete ŋituŋa aloboro a ŋulu ayakatar ikes, kori a ŋulu agyelanarete.

Esir 5:11

Apotu ikes toboŋokis temasi, ‘Ikirae isua ŋiketiyak ŋulu ka Akuj a ŋina anakuj ka anakwap, ido edukio nabo isua Akai ŋina koloŋ adukio ŋikaru ŋulu alalak ŋulu alunyar, Akai ŋina abu erwosit a Isirael ŋolo arwon toduk kirikak.

Yob 29:6

Apaki ŋin, abarit ayoŋ nooi, eleilei ŋakile ŋuna alalak ŋuna a ŋakinei ka ŋuna a ŋaatuk kaŋ; acuununui ayoŋ akimyet ŋina a ŋikito ka Olipa ŋina alalan anataaba.

Ŋikiru. 147:14

Ewuak iŋes ekisil lokukorin kon, esimwon iŋes ŋituŋa kon a ŋikinyom a ŋulu esibito erau, a ŋulu ajokak nooi.

Ŋikiru. 48:2

Ibus nooi aoyau a Sion a emukura a ŋolo, ke Ekapolon, erae iŋes alelyanu a ŋituŋa ka akwap a daadaŋ. Eyai lomukura Sion etaun ŋolo ke Erwosit a ŋolo apolon nooi.

Ŋikiru. 50:2

Ecai Akuj alo Sion, alotaun a ŋolo ibus nooi.

Ŋikiru. 81:16

Nai eketani ayoŋ iyes a ŋikinyom a ŋulu ikwaan ka erau, a ŋulu ajokak nooi; ekesimwoni ayoŋ iyes ka ao a ŋina eyai natabab.”

Isa. 64:11

Akai kosi ŋina asegan ka ebusan neni koloŋ ikipurotor iyoŋ atapapaa kosi, ecunyar a akim ka aruworosi ŋakiboisyo kosi ŋuna ajokak daadaŋ ŋireŋoroto.

Yer. 13:20

Ŋituŋa a Yerusalem, kirereiyosi kiŋolikis, ŋituŋa ŋulu eponito alo Kuju. Ai eya ŋamesekin kus ŋulu aponi ikiinakin iyes, ai eya ŋamesekin kus ŋuna ebusak?

Aum. 2:15

Ŋituŋa daadaŋ ŋulu itorunete Yerusalem, eramete ŋatorobwo eumokinito aŋuna kus. Epodosi ka imuŋimuŋete ŋakyes eumokinito aŋuna a ŋituŋa a Yerusalem ebasi, “Erae mono lo etaun ŋolo paaran ebus nooi akilo a? Erae mono lo etaun ŋolo paaran alelakinito ŋituŋa daadaŋ anakwap a?”

Esek. 16:10

Abu ayoŋ eketanapik iyoŋ elou ŋolo esibusitae a ŋiboro a ŋice ka eketanapik ŋamuk ŋunabaren. Abu ayoŋ eketanapik iyoŋ ŋilowi ŋulu ajokak ŋulu amilimilak ŋulu epol nooi egyelit.

Esek. 16:17

Ibu daŋ iyoŋ tolacu ŋiboro ŋulu a egolid ka esilipa ŋulu sek isibusitor iyoŋ akuwan kon, ŋulu sek abu ayoŋ okoinak iyoŋ, ido ibu iyoŋ kitiyau ŋakujo kon aloboro a ŋul ka ibu iyoŋ tomalaan anakujo a ŋun.

Esek. 16:19

Tari ŋamuja nu ŋuna abu ayoŋ okoinak iyoŋ ŋakirya ŋuna ajokak, akimyet ŋina ka olipa ka akimyet ŋina ka ao, iya iyoŋ iwuak kiŋaren kec erae ibore ŋini ebobokinit ŋakujo ŋun eure kec. Idau iyoŋ akitiya ŋakiro ŋun akitojokar aneni a ŋakujo.

Esek. 23:40

“Apotu daŋ ikes kiyakiyasi ituŋanan anyarare ŋikilyok ŋulu alwanak ka apotu ŋul potu. Ipotu iyes kiloŋaros aŋuna a ŋikilyok a ŋul, kiosakis ŋiraŋgi nakiir kus ka tonapa ŋasuwa ŋuna amilimilak.

Esek. 27:16

Apotu ŋituŋa a Edom kicurutata kaapei ka iyoŋ aŋuna alalata nooi ŋiboro kon; apotu ikes yaasi ŋiboro kon, ikiinakis iyoŋ ŋamoru ŋuna inyalal ŋiraŋgi ŋuna enyaritae Yasiper, ŋilowi ŋulu kipura-areŋak, ŋiboro ŋulu esibusitae, ŋilowi ŋulu ajokak ŋulu amilimilak, ŋiboro ŋulu epol egyelit nooi ka ŋinapito ŋulu amilimilak nooi.

Osea 2:5

Abu toto kec tomalaan topotiu ikes anamalao ka ŋileec. Abu iŋes tema, “Ewarari ayoŋ ŋikilyok ŋulu amina ayoŋ, ŋulu akainakinete ayoŋ akimuj ka ŋakipi kaŋ, ŋulu akainakinete ayoŋ ŋilowi ŋulu edonyunitoe a ŋajul a ŋamesekin ka ŋilowi ŋulu amilimilak, ŋikilyok ŋulu akainakinete ayoŋ akimyet ka epiini.”

Ŋikis. 8:8

akwap ŋina a ŋaganoi ka ŋikinyom ŋulu esibito erau, akwap ŋina a ŋikito a epiini, a ŋiboboryo ka ŋikito ŋulu esibito ŋikacikiciki; akwap ŋina a ŋikito ka olipa ka ao,

1 Sam. 10:1

Abu nai Samuel tolemu ecupa ŋolo ayai akimyet, tobukok akimyet nakou a Saul, tonu iŋes tema, “Ikiosak iyoŋ Ekapolon akimyet aruwor ekepukan a ŋituŋa keŋ a Ŋisirael. Ipukae iyoŋ ŋituŋa a Ekapolon, toiu ikes anakan a ŋimoe kec a ŋulu irikaunito ikes alowaetin a daadaŋ. Nai tokona, eruwor nu akitoodikinet neni kon atemar ikiseu iyoŋ Ekapolon aruwor ekepukan a ŋituŋa keŋ.

1 Sam. 12:12

Nai ani iŋolikinete iyes erwosit Naas ŋolo a Ŋiamoni ebuni akirem iyes, ipotu iyes toŋero Ekapolon aruwor erwosit kus, ido itemasi neni keŋ, ‘Itemokino ikipuka isua erwosit.’