Esek. 16:11 - Ebaibul

¹¹ Abu ayoŋ ekesibus iyoŋ eketanapik ŋiboro nakuwan; etanapik ŋamaŋgili nakan, erikot lodokole,

Esek. 16:11 Iomraidhean Croise

Akisy. 24:22

Ani kedaut ŋikaala akimat, tolemu eketiyan ka Aburaam ŋol ekaboboot ŋolo a ekume ŋolo etiyaunitae a egolid, arae apotis keŋ atutubet ŋina a ecekel, tolemu daŋ ŋasuwa ŋaarei ŋuna a ŋakan, arae apotis kec ŋicekelya ŋitomon, etiyaunitae a egolid, inak apese ŋin.

Akisy. 24:47

Ekaku, abu ayoŋ eŋit iŋes otema, ‘Irae iyoŋ nakoku a ŋae?’ Toboŋok iŋes tema, ‘Arae ayoŋ nakoku a Besuel a ŋolo erae lokoku a Naor, nakoku ka aberu a Besuel a ŋina enyaritae Milika.’ Aŋun, abu ayoŋ oenik ekaboboot lokume keŋ ka ŋasuwa a ŋakan nakan keŋ.

Akisy. 24:53

Tolemu ŋinapito ŋulu etiyaunitae a esilipa ka egolid, tolemu ŋilowi daŋ, inak Rebeka; inak daŋ lokaato ka toto a Rebeka ŋinapito ŋulu epol egyelit kec.

Akisy. 35:4

Aŋun, inakis ŋituŋa ŋakujo ŋuna ayakatar ikes daadaŋ ŋunagelae neni a Yakob. Inakis ŋikadoŋidoŋ kec daŋ neni a Yakob; kiwua Yakob ŋul daadaŋ alodiyete ekuyon ŋolo ayai Sekem.

Akisy. 41:42

Tosodi nai Parao tolacu ekaboboot keŋ ŋolo a etal alokimoin keŋ, kitanapik lokimoin a Yosepu. Kitanap ŋilowi ŋulu aoyak ŋulu amilimilak, kitanapik lodokole a Yosepu erikot ŋolo a egolid.

Esta 2:17

Abu erwosit tominak Esta nooi akilo ŋaberu ŋunace daadaŋ; alokidiŋ ŋapesur ŋuna pa eryamakina ka ŋikilyok ŋuna abu erwosit taanyu, abu Esta tojoik erwosit, ido abu erwosit tominak iŋes. Aŋun, abu erwosit kiwuak ebokot nakou ke Esta, kituruwo iŋes arwosit kilunyokin neni a Basiti.

Yob 42:11

Ekaku, potu neni a Yob ŋikaitotoi keŋ, ŋakaitotoi keŋ ka daadaŋ ŋulu sek ayenete iŋes, kimuja kaapei ka iŋes alokai keŋ. Apotu kitoodiut akiyaloloŋ ŋina sek ayakatar ikes aŋuna a Yob ka apotu kisirworiut iŋes aŋuna ka aronis a daadaŋ a ŋina abu Ekapolon yau neni keŋ abu ŋinituŋanan alotooma ŋul inak Yob ŋidisiliŋa ka ekaboboot ŋolo etiyaunitae a egolid.

Awos. 32:2

Tema Aron neni kec, “Tolemutu ŋiboro daadaŋ, ŋulu itiyaunitae ke egolid, ŋulu enapito ŋaberu kus, ŋidwe kus ŋulusapa ka ŋulupesur anaki, iyaut neni kaŋ.”

Awos. 35:22

Apotu daadaŋ ŋikilyok ka ŋaberu ŋulu acamunito alotai kec, yaut ŋinapito kec ŋulu ke egolid ŋulu agelegelya, ikwapei ŋinapen ŋulu a ŋaki, ŋamarotoi, ŋikabobooe, ŋalaga ka ŋice daadaŋ ŋulu etiyaunitae ke egolid. Apotu ikes yaut ŋul inakis neni ke Ekapolon.

Ŋakit. 1:9

anerae ejokak ŋakiro ŋun aŋuna kon, ikwaan ka akopiya ŋina ikimukunit iyoŋ, kori ibore ŋini inapit iyoŋ alodokole ŋini ikisibusit iyoŋ.

Ŋakit. 25:12

Ani kikilimok ituŋanan ŋini aoson ŋakiro, ido kiira kiwuap, ejok nen nooi, ikoni neni ejokya inapit anakit ibore ŋini itiyaunitae a egolid.

Ŋakit. 4:9

Eruwor iŋes ebokot ŋolo ka ajokis kon, iwuakini aosou neni kon ebokot ŋolo ebusan nooi.”

Eete a Ŋie. 1:10

Ibusak nooi ŋikelyo kon ŋulu etapakina ŋikayeliyel a ŋaki, ibus nooi edokole kon ŋolo ileleba ŋinapen.

Eete a Ŋie. 4:9

Isupa iyoŋ etau kaŋ, iyoŋ nakaato kaŋ ka ateran kaŋ, isupa iyoŋ etau kaŋ alopite a ŋolo itakania iyoŋ ka a erikot a ŋolo inapit iyoŋ alodokole kon.

Isa. 28:5

Akoloŋit ŋin eruwor Ekapolon ŋolo a ŋajoresyo aikit a ŋatur ŋina apolon ka ebokot ŋolo ka akibuses aneni a ŋipiya a ŋituŋa keŋ,

Isa. 3:19

ŋinapen ŋulu a ŋaki, a ŋakan ka ŋikitambarae ŋulu a ŋidokolei,

Isa. 3:21

ŋikabobooe ŋulu a ŋimoyo ka ŋulu a ŋikumes,

Aum. 5:16

Adaun ibore daadaŋ ŋini sek ikituror isua. Aponi isua tosecae, ido tokona ikiryamunit isua ŋican.

Esek. 16:17

Ibu daŋ iyoŋ tolacu ŋiboro ŋulu a egolid ka esilipa ŋulu sek isibusitor iyoŋ akuwan kon, ŋulu sek abu ayoŋ okoinak iyoŋ, ido ibu iyoŋ kitiyau ŋakujo kon aloboro a ŋul ka ibu iyoŋ tomalaan anakujo a ŋun.

Esek. 23:40

“Apotu daŋ ikes kiyakiyasi ituŋanan anyarare ŋikilyok ŋulu alwanak ka apotu ŋul potu. Ipotu iyes kiloŋaros aŋuna a ŋikilyok a ŋul, kiosakis ŋiraŋgi nakiir kus ka tonapa ŋasuwa ŋuna amilimilak.

Esek. 23:42

Apupyo aneni iboiyoto iyes etoil a ŋituŋa a ŋulu alalak nooi a ŋulu acelasi ikwa acamitotor. Arae ŋul atukot a ŋikamerak a ŋulu ayaunitae analoŋisat kaapei ka ŋikilyok ŋulu eriratae alotuŋa a ŋulugelegelya. Apotu ŋituŋa ŋul toenianakis nakyes a ŋaberu ŋibokoto ŋulu ebusak.

Dan. 5:16

Nai adau ayoŋ akiirar atemar ipedori iyoŋ akisileereun ŋakiro ka ipedori alimun epite ŋolo elemarere ŋatyokisyo. Ani tokona kipedori iyoŋ asyomun ŋakiro ŋuna igiritae ŋun ka alimokin ayoŋ apolou a ŋakiro a ŋun, ikitanapikinio iyoŋ elou ŋolo kipurat areŋan ka ikienikinio iyoŋ lodokole erikot ŋolo erae egolid bon itiyaunitere, ikituruworyo iyoŋ ekapolon ŋolo a ŋiuni, ŋolo ekewuapit ayoŋ anapukan kaŋ.”

Dan. 5:29

Abu nai Belisasar tolimu ŋakiro, ido aponi kitanapikinae Daniel elou ŋolo kipurat areŋan, toenikinae erikot ŋolo itiyaunitae a egolid lodokole keŋ ka aponi tolimoroe ŋakiro nu aŋuna a Daniel atemar aruwor iŋes ekapolon ŋolo a ŋiuni ŋolo iwuapit erwosit anapukan keŋ.

Dan. 5:7

Kiworou erwosit ke etoil a ŋolo apolon irworo atemar yaunae ŋimurok ŋulu enyaraununeete ŋimuno, Ŋibabiloniyae, ŋimurok, tolimok erwosit ŋikaosok ŋulu a Babilon tema, “Ituŋanan ŋini epedori asyomun ŋakiro ŋuna igiritae ŋun, ido okolimok ayoŋ apolou kec, itanapikinio elou ŋolo kipurat areŋan ka eenikinio lodokole keŋ erikot ŋolo itiyaunitae a egolid ka ituruworyo iŋes ekapolon ŋolo a ŋiuni ŋolo ekewuapit ayoŋ anapukan kaŋ.”

Osea 2:13

Esicani ayoŋ iŋes aŋuna a ŋarwa a ŋuna etiyaa ŋasuban neni ata Baal, ŋirwa ŋulu ainanakinia iŋes ekinyate neni ata Baal, tosirite akuwan keŋ a ŋikadoŋidoŋ ka ŋinapen ŋulu epol egyelit, ido tolosenenee neni a ŋikilyok a ŋulu amina iŋes, tosodi ekemuryak ayoŋ.

Ŋilep. 8:9

Kitanapik nai Moses akopiya nakou ka Aron, ido todapak ebokot ŋolo ke egolid kiŋaren nakopiya, arae ebokot ŋol ŋolo asegan ŋolo ke etal. Abu Moses kitiya ŋun, lopite ŋolo ecikitor Ekapolon iŋes.

Ekim. 31:50

Tosodi eyaunitae isua ainakinet neni ke Ekapolon, ŋiboro lu ŋulu abu ŋinituŋanan kosi toryamu: Ŋiboro ŋulu etiyaunitae ke egolid, ŋinapen anakan, ŋiriko, ŋikabobooe, ŋikadoŋidoŋ, ŋinapen alodokolei aŋuna ka amookunor alokiŋaren Ekapolon.”

Akis. 2:10

Nyikuryaniar aŋuna a ŋican a ŋulu eapi iyoŋ aryamun. Topupok! Eapi Satan acunakin ŋice alokidiŋ kus mabus, ikikatak iyes, ido toryamut akisicanio ŋirwa ŋitomon. Torubak ananupit, erae kedolu atwanare daŋ, ido akainakini ayoŋ iyoŋ akiyar, toruwor eropit.

Akis. 4:10

eramakinosi ŋikatukok ŋulutomoniarei ka ŋiomwon kwap kiŋaren iŋes ŋini iboi alokicoloŋ ka kilipa neni a ŋolo eyari ŋikaru ka ŋikaru. Imasakinete ikes ŋibokoi kec kiŋaren ekicoloŋ eosi ebasi,

Akis. 4:4

Erikaunito ekicoloŋ ŋol ŋikicoloŋo ŋulu arae ekimar kec ŋatomoniarei ka ŋiomwon, kicoloŋito ŋikatukok ŋatomoniarei ka ŋiomwon, ŋulu anapito ŋikaasoi ŋulu akwaŋak, tonapito daŋ ŋibokoi ŋulu etiyaunitae a egolid.

Ŋikat. 8:24

Tema nai Gideon neni a Ŋisirael, “Kimyekinae ayoŋ ekeŋit iyes daadaŋ ŋakiro nu; inakinae ayoŋ ŋinapen ŋulu enapyo anaki ŋulu iŋatunete iyes aneni a Ŋimidian.” (Ayakatar Ŋimidian ŋinapito a ŋaki ŋulu etiyaunitae a egolid, anerae arae etal a Ŋimidian anapit ŋiboro ŋul ikwa Ŋisimael.)