Esek. 16:10 - Ebaibul

¹⁰ Abu ayoŋ eketanapik iyoŋ elou ŋolo esibusitae a ŋiboro a ŋice ka eketanapik ŋamuk ŋunabaren. Abu ayoŋ eketanapik iyoŋ ŋilowi ŋulu ajokak ŋulu amilimilak ŋulu epol nooi egyelit.

Esek. 16:10 Iomraidhean Croise

Akisy. 41:42

Tosodi nai Parao tolacu ekaboboot keŋ ŋolo a etal alokimoin keŋ, kitanapik lokimoin a Yosepu. Kitanap ŋilowi ŋulu aoyak ŋulu amilimilak, kitanapik lodokole a Yosepu erikot ŋolo a egolid.

Ŋikiru. 45:15

Elosete ikes elelyanete ka elakara, apaki ŋina elomareta kai ŋina ka apukan.

Awos. 25:5

Kijaununu ikes ŋilowi a ŋimeesekin ŋulu imanyimanyitae, ŋijamu a ŋaatuk ŋulu edaitae, ŋakito ŋuna a ŋiwo,

Awos. 26:14

Kitiyau ŋilowi ŋulurapakina kidiama Eema ŋolo iryamununoi, elou epei alolowi a ŋimeesekin ka ŋoloce ŋolo emaikina kiwasi alokidiama kitiyau a ŋijamu a ŋulu edaitae.”

Awos. 26:36

“Kitiyau anaŋga ŋina ke epuke a Eema a ŋolo iryamununoi a ŋiraŋgi a lu: A ŋolopus, a ŋolokipurat-areŋan ka a ŋolo areŋan ta ŋina edonyuno ejok a ŋiusyo a ŋulu amilimilak, todonyonokinitetei ŋitorubei ŋulu isibusitere.

Awos. 28:5

Emaikina ikes kiwuakis lolowi ŋul egolid, kitiyaut a ŋanaŋgae a ŋunapusiyek, a ŋunakipura-areŋak ka a ŋuna areŋak, ido torae ŋuna amilimilak.”

Ŋakit. 31:22

Edonyununui iŋes ŋanaŋgae ŋuna epesi lokitaada keŋ, enapit iŋes ŋilowi ŋulu amilimilak ŋulu kipura-areŋak.

Isa. 3:23

ŋilowi kec ŋulu ecayete, ŋilowi ŋulu amilimilak, ŋakitambarae ŋuna enapitae alodokolei ka ŋakitambarae ŋuna itukitukitae nakyes.

Isa. 61:10

Alelyani ayoŋ nooi alotooma Ekapolon, itopoloori akiyar kaŋ daadaŋ Akuj kaŋ; anerae eketanap iŋes ayoŋ elou ŋolo ka aiuno, ekemuko iŋes ayoŋ a elou a ŋolo ka akiyookino, lopite ŋolo ilelebar alakara lotau a eteran ka lopite ŋolo esiryo ateran a ŋinapen a ŋulu ebusak.

Isa. 61:3

ainakin neni a ŋulu iyaloloŋete alo Sion ebokot ŋolo ka alelyanu akilo akipurupura ekuron, akimyet ŋina ka alakara akilo akigworo, ainakin ikes ŋilowi ŋulu ipurore Akuj akilo ŋitai ŋulu iyalaara. Enyarao ikes ŋikuyono ŋulu ka akiyookino, ŋidupakina ŋulu a Ekapolon aŋuna ka akitoodiun apolou a Ekapolon.

Esek. 16:13

Aponi ikisibusi iyoŋ a egolid ka esilipa, ibu iyoŋ tonap ŋilowi ŋulu ajokak ŋulu amilimilak, ŋulu epol nooi egyelit, ido torae ŋulu esibusitae a ŋiboro a ŋice. Imuji iyoŋ akimuj ŋina ajokan nooi ka akimyet ŋina ka ao ta ŋamyeta ŋace. Ibu iyoŋ topolou irae ŋina ebusan nooi, ŋina emaikina iruwor arwosit.

Esek. 16:18

Ibu iyoŋ ya ŋilowi kon ŋulu esibusitae ŋul kitanapik nakujo ŋun, ido ibu iyoŋ ya akimyet kaŋ ka ekinyate kaŋ kiwuak kiŋaren kec.

Esek. 16:7

Abu ayoŋ ekeŋarak iyoŋ Yerusalem topolo ikwa ekitoe ŋolo edupakinitae lomanikor. Ibu iyoŋ topolou tooyaar todol lotyae ŋolo ka aberu, apotu tari ŋikisin kon topolout ka apotu ŋitim kon daŋ topolout, nai ariŋa iyoŋ ileri ka imamukatar ibore idio.

Esek. 26:16

Apaki ŋin, eŋerete ŋirwosi daadaŋ ŋulu a ŋiculeta ka anam araakau ŋirwosi, elacarete ŋikaasoi kec ŋulu eraakatar ŋirwosi, elacarete ŋilowi kec ŋulu isibusitae. Emaranikinete ikes ebulit nooi ka iboikinosi kwap; emini amaran neni kec a ŋinapaki iŋolikinete ŋican ŋulu iryamut iyes.

Esek. 27:16

Apotu ŋituŋa a Edom kicurutata kaapei ka iyoŋ aŋuna alalata nooi ŋiboro kon; apotu ikes yaasi ŋiboro kon, ikiinakis iyoŋ ŋamoru ŋuna inyalal ŋiraŋgi ŋuna enyaritae Yasiper, ŋilowi ŋulu kipura-areŋak, ŋiboro ŋulu esibusitae, ŋilowi ŋulu ajokak ŋulu amilimilak, ŋiboro ŋulu epol egyelit nooi ka ŋinapito ŋulu amilimilak nooi.

Esek. 27:7

Arae Ijipit iryamunitor iyoŋ ŋanaŋgae ŋuna esibusitae ŋuna amilimilak ŋuna emetor ekuwuam atuba ananam, etoodiunito ŋanaŋgae ŋun atemar ŋatubae a Tiro ŋun. Arae nakwapin ŋuna eya Elisa diyete anam, iyaununuya iyoŋ ŋiraŋgi lu: ŋolopus ka ŋolo kipurat-areŋan, ŋulu alimorito ŋakiro kon.

Luk. 15:22

Nai tolimok papa keŋ ŋiketiyak keŋ tema, ‘Apesi atipei yautu elou ŋolo ajokan kitanapa. Kiwuakisi ekaboboot lokimoin keŋ ka kitanapa ŋamuk.

Akis. 18:12

Emam ŋini egyeli egolid kec, esilipa, ŋamoru ŋuna ajokak ka ŋakamilimili, ŋilowi kec ŋulu amilimilak, ŋulu kipura-areŋak, ŋuludelet ka ŋulu areŋak; ŋabaoi ŋuna egelegelya, ŋuna akukunyok, ŋiboro ŋulu egelegelya, ŋulu itiyaunitae a ŋikyal a ŋitome, ŋiboro ŋulu itiyaunitae a ŋabaoi a ŋuna epol egyelit, ŋulu itiyaunitae a eburonis, ŋasuwa ka ŋamoru ŋuna iceo ŋiboro;

Akis. 19:8

Ainakin iŋes ŋilowi ŋulu ajokak ŋulu amilimilak ŋuludelet.” (Ŋilowi ŋulu ajokak ŋul, ikes erae ŋiticisyo ŋulu ka akiyookino a ŋituŋa a ŋulu ka Akuj.)

Akis. 21:2

Abu oanyuwa Etaun ŋolo apolon ŋolo ka Akuj, Yerusalem ŋolokitete, ebunit alokidiama aneni ka Akuj, itemokino ikwa ateran ŋina esirit aŋuna ka akisiryam lokile keŋ.