Esek. 14:7 - Ebaibul

⁷ Ani kelot aneni kaŋ Esiraelit edio, kori ituŋanan ŋinigelaanot ŋini iboi alo Isirael, kiwuak etau keŋ neni a ŋakujo ka kimyek aronis erikori iŋes nasecit, ido ani kitiya ŋun, tolot neni a ekadwaran, akiŋit ŋuna abala ayoŋ, ayoŋ Ekapolon elope aboŋokini iŋes.

Esek. 14:7 Iomraidhean Croise

Awos. 12:48

Itemokino igelaanot daadaŋ ŋini iboiyete ka iyes ŋini ecamit akitiya ŋasuban ŋun, kileŋer ŋisapa alokal keŋ daadaŋ, tosodi kitiya ŋasuban ŋun esibit ituŋanan ŋini ka akwap kus. Nai nyemaikina ituŋanan ŋini nyileŋeritae enyami ŋasuban ŋun.

Awos. 20:10

Nai akoloŋit ŋina a ŋakanikaarei erae Sabato, akoloŋit ŋina ke Ekapolon Akuj kus; akoloŋit ŋin, nyitiyata etic edio: Nyitiyata iyes, nyitiyaete tari ŋidwe kus ŋulusapa, kori ŋulupesur, ŋiketiyak kus, kori ŋaketiyak kus, ŋibaren kus, kori ŋituŋa ŋulugelae ŋulu iboiyete alotaun kus,

Isa. 63:17

Kaanukiro, okoe Ekapolon ikiinakinia iyoŋ isua aoliyor anakiwuapit iyoŋ, itogogoŋio iyoŋ ŋitai kosi, ido nyeriŋa isua ikitopoloorit iyoŋ? Toboŋu Ekapolon aŋuna a ŋiketiyak kon ka aŋuna a ŋikabilae a ŋulu erae ŋulu kon.

Yer. 37:17

Abu nai erwosit Sedekia kiyakiya tonyaraunae Yeremia, ido abu iŋes kijau iŋes. Abu erwosit kiŋitiŋit Yeremia alokai keŋ anakimunono tema, “Eyai akirot adio aneni ke Ekapolon a?” Toboŋok Yeremia tema, “Eyai!” Tolimok erwosit iŋes tema, “Aŋun, ikiinakinio iyoŋ neni a erwosit a Babilon.”

Esek. 3:20

Ŋace nu, ani keesikis ŋituŋa ŋulu iyookino akiyookino kec, ido kitiyata ŋuna aronok, ido ewuak ayoŋ ibore ŋini itukuruwori ikes akitiya ŋuna aronok, etwakete ŋituŋa ŋul, anerae nyelimokina iyoŋ ikes aesikin akitiya ŋuna aronok, etwakete ikes aŋuna ka asecit kec, nyetamunio nabo jik ŋuna ka akiyookino a ŋina sek etiyato ikes, nai emarakini ayoŋ atwanare kec nakou kon.

Osea 4:14

Nyesicani ayoŋ ŋidwe kus aŋuna itiyaata amalao, kori ŋaterak kus ŋuna elomianeneeta ikes, anerae ŋikilyok ŋikulepek ikes eloseneneete namalaae, einanakinete kaapei ka ŋamalaae ŋuna ka akai ka akuj ŋamuronisya. Aŋun, emunyar ŋituŋa ŋulu emam aosou.

Osea 4:5

Ikibuli iyes naparan, ŋikadwarak daŋ ebuli kaapei ka iyes nakwaare, ido enyasuni ayoŋ isirael akwap kus.

Osea 9:10

Apaki ŋina arukaunia ayoŋ Ŋisirael abu ayoŋ orukau ikes lopite ŋolo erukaunere ŋikito a epiini analoŋisat, abu daŋ orukau atapapaa kec lopite ŋolo erukaunere ŋaboboryo ŋuna esyaunak ekokito alokitoe. Nai ani edolete ikes Baal-Peor, tosodi kitaleikinos nibore ŋinicaryoit ŋini a ŋileec, apotu Ŋisirael toroketa a nen atipei, kikwaanikin aronis kec ka ŋina a ŋakujo a ŋuna apotu ikes tominakis.

Ŋilep. 16:29

“Emaikina iyes kiwuapa ŋakiro ŋuna etubunitoe nu ŋikaru ka ŋikaru: Ani edoli ŋirwa ke elap ŋitomon, elap ŋolo a ŋikanikaarei, emaikina iyes kiredakis akiron, ido nyitiyata etic edio; kiraakasi Ŋisirael ŋulu ikiurito Ŋisirael, kori ŋigelanotin ŋulu iboiyete kaapei ka Ŋisirael;

Ŋilep. 20:2

“Tolimok Ŋisirael ebe, ‘Esiraelit daadaŋ, kori igelaanot daadaŋ ŋini iboiyete ka Ŋisirael ŋini einakini ikoku keŋ idio neni a akuj a ŋina enyaritae Molek, emaikina ituŋanan ŋin toarae. Emaikina ŋituŋa daadaŋ tocaka iŋes a ŋamoru.’ ”

Ŋilep. 24:22

Erae ekisil epei aŋuna a ŋigelaanotin ka Ŋisirael kaapei; anerae arae ayoŋ Ekapolon Akuj kus.’ ”

Ekim. 15:15

Nai aŋuna ka atukot, erae ekisil epei aŋuna kus a daadaŋ Ŋisirael ka ŋigelaanotin ŋulu iboiyete ka iyes, erae ekisil ŋolo a ŋikaru ka ŋikaru ananyameta kus a daadaŋ; iruworosi iyes Ŋisirael ka ŋulugelaanotin ŋipei alokiŋaren Ekapolon.

Ekim. 15:29

Aŋuna a ŋinituŋanan daadaŋ a ŋini eseci pa eyeni, kerae Esiraelit, kori igelaanot erae ekisil epei ŋolo emookunere ituŋanan ŋini edyakarit.

Ŋikis. 29:19

Ŋulu daadaŋ iirarete ŋakiro a akikoŋiet a na, ido kitojokas make etamete alotai kec ebe, ‘Mam ŋace apote neni yok, tari kikiwuapit iwon ŋipitesyo yok ŋulu aronok.’ (Eyaunete ŋul ŋican neni a ŋulu iyookino ka ŋulu nyiyookino),

Yud. 1:19

Ŋul ikes ŋulu eyaunito atyakatyaka, ikes ŋulu iricakinito ŋiboro ŋulu ka akwap bon; emamukatar ikes Etau ŋolo ka Akuj.