Esek. 14:6 - Ebaibul

⁶ “Aŋun, tolimok Ŋisirael atemar ŋakiro ŋuna irworo Ekapolon Akuj ikes nu, ‘Tokiwa asecit kus, ido toboŋutu aneni aŋakujo kus ka kikoŋosi akitiya ŋuna ka asiilyo daadaŋ ŋuna itiyaete iyes.

Esek. 14:6 Iomraidhean Croise

2 Ŋakiro a ŋirwa 29:6

Apotu atapapaa yok toruworos ŋulu pa ekinyomito Akuj yok, apotu kitiyata ŋuna pa etalakarito iŋes, ido apotu toŋero iŋes, nyemitakis akibois ŋina iboiyo Ekapolon.

Isa. 2:20

Akoloŋit ŋin, imasarete ŋituŋa neni a ŋisolimae ka neni a ŋimenwae ŋitorubei a ŋakujo kec ŋulu itiyaunitae a esilipa ka egolid, ŋitorubei a ŋakujo ŋulu sek etiyaunete ikes aŋuna ka akilip neni kec.

Isa. 30:22

Tosodi nai, inyasunete iyes ŋitorubei a ŋakujo kus ŋulu eburusiyaritae a esilipa ka ŋitorubei ŋulu eburisikinitae egolid. Icakarete iyes ikes esibito ŋaraco ŋuna asiilyanak, itemarete iyes neni kec, “Nyikicamit isua iyes!”

Yer. 13:27

Adau ayoŋ akiŋolikin ŋiticisyo kus ŋulu aronok, epite ŋolo iloseneneoto iyes akilip neni a ŋitorubei aŋakujo alomoru ka anakadipaalae ikerete isibito ekile ŋolo imunit aberu a ekidunyet keŋ kori ikwa

Esek. 14:4

Aŋun, kirwor neni kec tolimok ebe, ‘Alimu Ekapolon Akuj ŋakiro nu atemar ani kiwuak ituŋanan idio etau keŋ neni a ŋakujo ka kimyek aronis erikori iŋes nasecit, ido ani kitiyata ŋun, tolot neni a ekadwaran, ayoŋ Ekapolon aboŋokini iŋes ŋini ebuni, aboŋokini ayoŋ iŋes alotyae a ŋolo a ŋakujo keŋ.

Esek. 16:63

Ani nai esyoni ayoŋ ŋuna daadaŋ itiya iyoŋ, itamuni iyoŋ ŋuna itiya ka ikirumete ŋileec nyirworik nabo jik aŋuna a ŋileec kon.”

Esek. 18:30

“Aŋun, okoe Ŋisirael, akatubokini ayoŋ iyes daadaŋ anakiro a ŋuna iwuapito iyes. Tokiwa! Toŋero aronis daadaŋ ŋina itiyaete iyes, ani kemam ikimunyari iyes asecit.

Esek. 8:16

Abu nai Akuj okoyau ayoŋ nalapatu ŋina alotooma Akai ka Akuj, ayakasi diyete epuke ŋolo ka Akai ka Akuj, kidiŋ ebarasan ka namuroet ŋikilyok ŋulu aapiyarit ekimar kec ŋatomoniarei ka ŋikan. Amulenito ikes Akai ka Akuj, eŋoliyarito lowae ŋolo alo Kide, ejuuruyete ikes iŋoliyarito Kide, ilipete neni ka akoloŋ.

Esek. 8:6

Tema nai Akuj neni kaŋ, “Lokoku a ituŋanan iŋolik iyoŋ ibore ŋini itiyaete ikes a? Iŋolik iyoŋ ŋakiro ŋuna ka asiilyo ŋuna itiyaete Ŋisirael a ne aŋuna ka akiritar ayoŋ anakibois kaŋ a ŋina asegan a? Iŋolikini daŋ iyoŋ ŋace ŋuna ka asiilyo a ŋina apolon nooi.”

Osea 14:8

Okoe Epuraim, ŋikai kaŋ ŋitorubei a ŋakujo? Erae ayoŋ akaboŋokini iyoŋ ka ekeyoki iyoŋ, ikikwaanikin ayoŋ ka ekitoe ŋolo a Cipres ŋolo elibit jik, ebunit akikinyoma kon aneni kaŋ.

Sepan. 3:11

“Akoloŋit ŋin, nyikisurumyo iyes ŋileec aŋuna a ŋipegeta a ŋulu iponiata iyes ikiŋierioto ayoŋ; anerae alemari ayoŋ aneni kus ŋituŋa ŋulu elelyanete aŋuna ka akituro kec. Nyiboŋokinete nabo iyes akiŋer ayoŋ alomukura kaŋ a ŋolo asegan.

Sakar 1:4

Nyikwaanikinosi ka atapapaa kus, a ŋulu apotu ŋikadwarak paaran kiserakis ŋakiro nu ebe, ‘Ebala Ekapolon ŋolo Etiron, toboŋutu alopitesyo kus a ŋulu ka aronis ka anakitiya aronis. Nai apotu ikes nyiirasi ŋun, kori nyiwuapakis ŋakiro kaŋ.’

Ŋitic. 17:30

Akitodol apaki na, abu Akuj nyimaraki ŋapakio ŋuna pa ayeniata ŋituŋa iŋes, nai tokona ecikak ŋituŋa anakwapin a daadaŋ akibelekin neni keŋ.

Ŋitic. 26:20

Nai abu esileereu nu, neni a ŋituŋa a daadaŋ akisyakin mono alo Damasko, tosodi nai alo Yerusalem ka akwap daadaŋ ŋina a Yudeya tari lobukui ŋulu nyerae Ŋiyudayan. Abu olimonok atemar itemokino ikes tokiwa ŋakecesecisya kibelekinos neni ka Akuj, kitiyata ŋuna itoodiunete atemar kekiwa ikes.

Ŋitic. 3:19

Tokiwa nai, kibelekinos neni ka Akuj, ikotere ikisari iŋes ŋasecisya kus. Kitiyata ŋun, ikotere epote aneni ke Ekapolon ŋarwa ŋuna itogogoŋere ŋitai kus.

Ŋirom. 6:21

Nyo nai ipotu iyes toryamut apaki ŋina itiyaata iyes ŋakiro ŋun ŋuna tokona ikirumitotor iyes ŋileec? Atwanare iŋes abu bu anakiro a ŋun!

1 Sam. 7:3

Abu nai Samuel tolimok Ŋisirael tema, “Ani kiboŋunito iyes neni ke Ekapolon a ŋitai kus a daadaŋ, tolemasi nai alokidiŋ kus ŋakujo ŋunagelae, ikwapei Asitaros. Totama alotai kus ŋuna ke Ekapolon, kitiyanakisi iŋes bon, ido ikiuni iŋes iyes anakan a Ŋipilistin.”