Esek. 14:19 - Ebaibul

¹⁹ Kori ani keyakiya ayoŋ edeke nakwap ŋin, obuko anakwap a ŋin ŋaokot alotooma anyunyura kaŋ, oar ŋituŋa ka ŋibaren a akwap a ŋin,

Esek. 14:19 Iomraidhean Croise

2 Sam. 24:13

Aŋun, abu Gad tolot neni a Daudi kiŋit iŋes tema, “Emaikina mono yaunae ŋikaru ŋiuni ŋulu a eron nakwap kon a? Kori emaikina iyoŋ iemi anakwap kon ŋilapyo ŋiuni ikiwuapito ŋimoe kon a? Kori emaikina edeke eyakaun nakwap kon ŋirwa ŋiuni a? Totamatama mono iyoŋ ŋakiro ŋun, ido toseu ŋuna emaikina ayoŋ oboŋok ŋolo ekeyakuunit ayoŋ.”

2 Sam. 24:15

Aŋun, abu Ekapolon kiyakiya edeke neni a Ŋisirael akisyakin ataparacu ŋin akitodol apaki ŋina atubunit iŋes, ido apotu ŋituŋa ŋalipyo ŋatomonikanikaarei totwaka akisyakin alo Dan tari Beeriseba.

1 Ŋirw. 8:37

“Ani keyakaun eron nakwap, kori edeke, kori kerem ŋimanikorin, kori kelemun ŋituŋa, kori kebu emaase, kori ekutelek, kori ani kiritasi ŋimoe ikes alotaun kec idio, kori ŋulucan ca daadaŋ epote neni kec kerae edeke daŋ,

2 Ŋakiro a ŋirwa 20:9

‘Ani kepotu ŋican neni kosi, ejie, atubokino, kori ŋidekesyo, kori ŋironia, ikiwoi isua alokiŋaren Akai na ka alokiŋaren kon, anerae Kai na ikilipere iyoŋ, ikigworonokini isua iyoŋ alo Kai a na alorwa a ŋulu a ŋican, ido ikiirari iyoŋ isua itoiu’

2 Ŋakiro a ŋirwa 6:28

“Ani keyakaun eron nakwap, kori edeke, kori kerem ŋimanikorin, kori emaase, kori ekutelek; ani kiritasi ŋimoe ikes alotaun kec a edio; ŋulucan ca daadaŋ epote neni kec, kerae edeke daŋ,

2 Ŋakiro a ŋirwa 7:13

Ani pa kacamak ayoŋ akiru kilim, kori ani kayau ayoŋ emaase kirika ŋikinyom, kori ani kayau edeke lotuŋa kaŋ,

Ŋikiru. 91:3

Ikiuryari Akuj iyoŋ anatyokisyo a daadaŋ a ŋuna nyileerete ka alodekesyo a ŋulu apotyok a daadaŋ.

Ŋikiru. 91:6

kori aŋuna a ŋidekesyo a ŋulu enaŋunun nakwaare iryono akwap, kori aŋuna a ŋinyas a ŋulu etakanunete kidiŋ apaaran.

Isa. 34:3

Imasaryo kiŋa ŋituŋa kec ŋulu earyo, eremi abosis a ŋawat kec kidiama; elelearete ŋaokot kec alomoru.

Isa. 37:36

Akoloŋit ŋin nakwaare abu emalaika ke Ekapolon tolot neni aya ŋasigarya ka Asiriya toar ŋasigarya ŋalipyo amiat ka ŋatomonikanikauni ka ŋikan, ani taparacu iwalari akwap, toryamunae ikes daadaŋ erae ŋalyalin bon ayakasi nen.

Yer. 14:12

Tari kiredakis ikes akiron, nyeirari ayoŋ akigworo kec, tari keyaut ikes neni kaŋ ŋainakineta ŋuna epeyo ka ŋainakineta ŋuna a ŋikinyom, nyacamuni ayoŋ ŋainakineta kec, nai aari ayoŋ ikes a ekileŋ, a akoro ka a ŋidekesinei.”

Yer. 21:6

Aari ayoŋ ŋituŋa ŋulu iboiyete alotooma etaun lo, ŋituŋa ka ŋityaŋ daŋ, etwakete daadaŋ a edeke.

Yer. 21:9

Ŋituŋa daadaŋ ŋulu erubakinete eya lotaun lo, etwakete a ekileŋ ka akoro ta edeke, nai ŋituŋa ŋulu elomarete kiŋa tocamut akilouno aneni a Ŋibabiloniyae a ŋulu irikaunito etaun, imyekinio toyara, nai egyelunete ikes akiyar kec aŋuna ka acamun aruwor ŋirikon.

Yer. 24:10

ido eyakikini ayoŋ ikes ejie, akoro ka edeke, akitodol ŋina emunyarotor ikes jik anakwap a ŋina abu ayoŋ oinak neni kec ka neni atapapaa kec.’ ”

Esek. 14:18

alimu Ekapolon Akuj atemar ikwapei kire jik ayarya ayoŋ, kerae tari toriŋa ŋikilyok ŋuluuni ŋul eyakasi nakwap ŋin, pa keiunito ŋidwe kec ŋulusapa, kori ŋulupesur, nai kerae ikes bon ŋikulepek eiuna.

Esek. 14:20

alimu Ekapolon Akuj atemar ikwapei kire jik ayarya ayoŋ, kerae tari toriŋa Noa, Daniel ka Yob eyakasi nakwap ŋin, pa keiunito ŋidwe kec ŋulupesur, kori ŋulusapa. Keiun ŋuluuni ŋul aŋuna ka akiyookino kec.

Esek. 14:21

“Ŋuna iŋita Ekapolon Akuj ikes nu, ‘Etya nai ai epite ŋolo erokyarotor ŋakiro alo Yerusalem apaki ŋina eyakuunia ayoŋ ŋakisicaneta kaŋ ŋuna apipilak ŋaomwon? Ŋimoe, eron ka ŋityaŋ ŋulu anyamak ta ŋidekesyo, tomunyasi ŋul ŋituŋa ka ŋibaren a Yerusalem.’

Esek. 21:31

Abukuni ayoŋ neni kus anyunyura ka akakutakini ayoŋ iyes anyunyura ŋina amwanan pe. Ekepotokini ayoŋ iyes nakan a ŋiryenyaanotin a ŋulu eyenete nooi epite ŋolomunaaret.

Esek. 36:18

Aŋun, abu ayoŋ onyunyurikin ikes nooi, aŋuna a ŋituŋa a ŋulu apotu ikes toarakis nakwap kec ka aŋuna aŋakujo a ŋuna aponiata ikes tomunaaryata akwap kec.

Esek. 38:22

Esicani ayoŋ Gog a edeke ka etaari ŋimoe, eakikini iŋes akiru ŋina aryenyaanan, ŋakako ka akim ta ibore ŋini amwanan pe ŋini enyaritae Sulpa tonom iŋes ka ŋasigarya keŋ ta ŋituŋa a ŋakwapin a ŋuna alalak a ŋuna erukito ka iŋes.

Esek. 5:12

Atutubet kus apei alotooma ŋauni, emunyari edeke, kori emunyari eron alokidiŋ kus; atutubet ŋina a ŋaarei alotooma ŋauni, earakinio kiŋa ŋarwatatain a etaun kus ka atutubet ŋina a ŋauni alotooma ŋauni, eelari ayoŋ nariet, ido etutupak ikes ekileŋ kaŋ.

Esek. 7:8

Aapuu ayoŋ ayaun anyunyura kaŋ neni kus; iŋolikinete tokona iyes aŋoit kaŋ eyakaun neni kus. Akatubokini ayoŋ iyes lopite ŋolo itiyatotor iyes, ekesicani iyes aŋuna ka asiilyo kus a daadaŋ.

Amos 4:10

Abu ayoŋ ekeyakik iyes ŋakisicaneta lopite ŋolo abunio eyakikinia nakwap a Ijipit; abu ayoŋ oar ŋisorok kus a ekileŋ, abu ayoŋ emyek tomyaarae ŋaŋolei kus, ido abu ayoŋ etobos tul ŋakiboisyo kus, nai ipotu iyes nyikiwa.

Ekim. 14:12

Amunyari ayoŋ ikes a edeke, nyeruworosi nabo ikes ŋituŋa kaŋ ka etolomuni ayoŋ aneni kon ŋituŋa ŋulu egogoŋ ka eyakaunotor epedor ŋina iloit ŋina kec.”

Mat. 24:7

Ejikinosi ŋituŋa aŋakwapin, ejikin apukan ka apukan, eyakaun ŋironia ka emaranikini akwap anakiboisyo a ŋuna egelegelya.