Esek. 14:18 - Ebaibul

¹⁸ alimu Ekapolon Akuj atemar ikwapei kire jik ayarya ayoŋ, kerae tari toriŋa ŋikilyok ŋuluuni ŋul eyakasi nakwap ŋin, pa keiunito ŋidwe kec ŋulusapa, kori ŋulupesur, nai kerae ikes bon ŋikulepek eiuna.

Esek. 14:18 Iomraidhean Croise

Yer. 27:18

Ani kire kerae ikes ŋikadwarak ka ani kire keya ŋakiro a Ekapolon neni kec, emaikina ikes kilipa Ekapolon ŋolo erae Ekapolon ŋolo a ŋajoresyo ikotere nyimyek yaarae Babilon ŋiboro ŋulu idoŋito Kai ka Akuj ka kai a erwosit a Yudaya ta Yerusalem;

Esek. 12:15

Apaki ŋina eritarya ayoŋ ikes lotuŋa a ŋakwapin, eelak nakwapin ŋunagelae, eyenunete nai ikes atemar arae ayoŋ Ekapolon.

Esek. 14:14

kerae toriŋa tari ŋikilyok lu ŋiuni Noa, Daniel ka Yob iboiyete anakwap a ŋin, keiuna ŋuluuni ŋul aŋuna ka akiyookino kec.

Esek. 14:16

alimu Ekapolon Akuj atemar, ikwapei ayarya ayoŋ, kerae tari toriŋa ŋikilyok ŋuluuni ŋul eyakasi nakwap ŋin, pa keiunito ŋidwe kec ŋulusapa, kori ŋulupesur. Kerae ikes bon ŋikulepek eiuna, nai toris akwap kec asilu.

Esek. 14:17

Kori ani kayau ayoŋ ŋimoe toremo akwap ŋin, otema ayoŋ, ‘Emaikina ŋimoe kikamasi akwap ŋin daadaŋ,’ ido oar ayoŋ anakwap a ŋin ŋituŋa ka ŋibaren,

Esek. 14:19

Kori ani keyakiya ayoŋ edeke nakwap ŋin, obuko anakwap a ŋin ŋaokot alotooma anyunyura kaŋ, oar ŋituŋa ka ŋibaren a akwap a ŋin,