Esek. 14:17 - Ebaibul

¹⁷ Kori ani kayau ayoŋ ŋimoe toremo akwap ŋin, otema ayoŋ, ‘Emaikina ŋimoe kikamasi akwap ŋin daadaŋ,’ ido oar ayoŋ anakwap a ŋin ŋituŋa ka ŋibaren,

Esek. 14:17 Iomraidhean Croise

Yer. 25:9

Anyarauni ayoŋ ŋituŋa a ŋikabilae a ŋulu a lo Kuju ka a eketiyan kaŋ Nebukadinesar ŋolo a Babilon, ayauni ayoŋ ikes kitijioto akwap na anyarauni ayoŋ ikes kitijioto ŋituŋa a Yudaya ka ŋituŋa a ŋakwapin a daadaŋ a ŋuna idunyatar ikes. Amunyari ayoŋ ikes jik, eturuwo ikes ŋulu ebulit ka ŋulu irumito ŋileec ta ŋulu inyasuna ŋikaru ka ŋikaru.

Yer. 33:12

“Alimu Ekapolon ŋolo a ŋajoresyo atemar, eyakaun nakibois na ŋina tokona erae ereŋorot, ŋina emam ŋituŋa ka ŋityaŋ eyakasi ka lotaunio keŋ daadaŋ neni iyokiyoto ŋikeyokok ŋamesekin kec.

Yer. 47:6

Igworosi iyes ibasi, ‘Okoe kitoron ekileŋ ke Ekapolon,’ Tari ori ieŋunia iyoŋ akiar isua? Toloma nakuraro kieŋ a nen ekililiŋat.

Yer. 47:7

Epedori mono iŋes akililiŋ ikwaani, torae bo Ekapolon alimoki iŋes akitiya ŋun? Ainakin iŋes akirem Asikelon ka ŋituŋa ŋulu iboiyete alodiyete anam.”

Esek. 14:13

“Lokoku a ituŋanan, ani keseca ŋituŋa a akwap alotooma amamukau anupit neni kaŋ, ido esican ayoŋ akwap ŋin, alemari ayoŋ akimuj oinak ikes eron tomunya ŋituŋa ka ŋibaren keŋ;

Esek. 14:18

alimu Ekapolon Akuj atemar ikwapei kire jik ayarya ayoŋ, kerae tari toriŋa ŋikilyok ŋuluuni ŋul eyakasi nakwap ŋin, pa keiunito ŋidwe kec ŋulusapa, kori ŋulupesur, nai kerae ikes bon ŋikulepek eiuna.

Esek. 21:8

Abu Ekapolon kirwor neni kaŋ tema,

Esek. 25:13

alimu tokona Ekapolon Akuj atemar esicani ayoŋ Edom emanit, aari ayoŋ ŋituŋa ka ŋityaŋ ŋulu eya nen; emyek Edom erae ereŋorot koŋin. Emunyaryo a ekileŋ ŋituŋa a Edom akisyakin alo Teman akitodol Dedan.

Esek. 29:8

“Aŋun, alimu Ekapolon Akuj ŋakiro nu ebe, ‘Iyoŋ akwap a Ijipit ayauni ayoŋ neni kon ŋikaarak ŋulu etiŋito ŋileŋia, earete ikes ŋituŋa kon ka ŋityaŋ ŋulu eya tooma kon;

Esek. 33:2

“Lokoku a ituŋanan, kirwor neni a ŋituŋa kon tolimok ikes ebe, ‘Anikayau ayoŋ ejie nakwap kus, ido toseut ŋituŋa a akwap kus ekile epei, kituruwosi eketen kec,

Esek. 5:12

Atutubet kus apei alotooma ŋauni, emunyari edeke, kori emunyari eron alokidiŋ kus; atutubet ŋina a ŋaarei alotooma ŋauni, earakinio kiŋa ŋarwatatain a etaun kus ka atutubet ŋina a ŋauni alotooma ŋauni, eelari ayoŋ nariet, ido etutupak ikes ekileŋ kaŋ.

Esek. 5:17

Eyakuuni ayoŋ neni kus eron ka ŋityaŋ ŋulu ka ariet ŋulu anyamak, ikimyekis iyes emam ŋidwe, eyakuuni ayoŋ neni kus edeke, aryenyeo ka ejie itomunyasi. Ayoŋ Ekapolon alimu ŋakiro ŋun.”

Osea 4:3

Aŋun, idoŋi Isirael emam ibore eyai, emunyar ŋituŋa daadaŋ ŋulu eya nen, kaapei ka ŋityaŋ daadaŋ ka ŋikyeny tari ŋikolya emunyarosi.

Ŋilep. 26:25

Emyekini ayoŋ ŋimoe kus itoar iyes aŋuna imyekiniata iyes acamunet kaŋ ka iyes. Ani kiema iyes tolomasi lotaunio kus, ayauni ayoŋ edeke neni kus, kitiditeu ekimar kus ikilout ŋimoe kus.

Sepan. 1:3

Amunyari ayoŋ ŋituŋa ka ŋibaren ta ŋityaŋ, amunyari ayoŋ ŋikyeny ka ŋikolya. Esipiyori ayoŋ ŋulu aronok epite ŋolo eyaryata. Amunyari ayoŋ ŋituŋa anakwap.