Esek. 13:2 - Ebaibul

² “Lokoku a ituŋanan, todwar itoroniyarit ŋikadwarak a Isirael ŋulu tokona edwarete. Tolimok ŋikadwarak ŋulu edwarete ŋuna etamununeete ikes ŋikulepek ebe, ‘Kiirasi akirot ŋina a Ekapolon,’

Esek. 13:2 Iomraidhean Croise

1 Ŋirw. 22:19

Tema nai Mikaia neni keŋ, “Kiira ŋakiro ke Ekapolon nu, abu ayoŋ eŋolik Ekapolon iboi alokicoloŋ keŋ a ŋolo ka apedor, ewuasi ŋimalaikan ŋulu anakuj daadaŋ irimokinito iŋes kidiŋ aloteten ka alokedyeny keŋ.

Isa. 1:10

Kiirasi ŋakiro ŋuna irworo Ekapolon, iyes ŋikepukak a Sodoma! Topupokisi ŋakiro ŋuna itatami Akuj kosi, iyes ŋituŋa a Gomora!

Isa. 28:14

Aŋun, kiirasi ŋakiro a Ekapolon iyes ŋulu ijamuwarito ŋakiro a Ekapolon, iyes ŋulu ipukato ŋituŋa lu alo Yerusalem;

Isa. 9:15

Anyaritae ŋikasikou ka ŋikapolok akou a ŋituŋa, anyaritae ŋikadwarak ŋulu etatamete alyokonu kaku a ŋituŋa,

Yer. 23:2

Aŋun, ŋakiro nu irworo Ekapolon Akuj a Ŋisirael aŋuna a ŋikepukak a ŋulu ipukato ŋituŋa keŋ, “Iyes ŋikepukak ŋulu ipukato ŋituŋa kaŋ, iyes ielasi ŋituŋa kaŋ ka iritasi ikes nariet ka nyiyoko iyes ŋituŋa kaŋ, aŋun ekesicani ayoŋ iyes aŋuna a ŋiticisyo kus a ŋulu aronok.

Yer. 27:14

Nyiwuapa ŋakiro a ŋikadwarak a ŋulu ikilimonokinete iyes atemar nyitiyanakis erwosit a Babilon, anerae edwarete ikes neni kus ŋuna ka alyokonu.

Yer. 27:18

Ani kire kerae ikes ŋikadwarak ka ani kire keya ŋakiro a Ekapolon neni kec, emaikina ikes kilipa Ekapolon ŋolo erae Ekapolon ŋolo a ŋajoresyo ikotere nyimyek yaarae Babilon ŋiboro ŋulu idoŋito Kai ka Akuj ka kai a erwosit a Yudaya ta Yerusalem;

Yer. 37:19

Ai eya ŋikadwarak kon ŋulu adwarete aŋuna kon ebasi, ‘Nyebuni erwosit a Babilon akitijiore iyoŋ ka ŋituŋa a akwap a na?’

Yer. 5:31

edwarete ŋikadwarak alyokonu ka ipukato ŋisacaradotin lopite ŋolo elimokiniata ŋikadwarak ikes, italakarito ŋakiro ŋun ŋituŋa kaŋ, nai anu itiyaete iyes apaki ŋina ebunio asalunet?”

Yer. 8:10

Aŋun, ainakini ayoŋ ŋaberu kec neni a ŋituŋa a ŋice ka ainakini ŋimanikorin kec neni a ŋulu ilounete ikes alojie, anerae itiyaete ŋituŋa daadaŋ ŋuna nyiyookino, ŋulu apolok ka ŋulucaryo, ameun alokadwarak tari losacaradotin itiyaete daadaŋ ŋuna ka alyokonu.

Aum. 4:13

Nai apotu ŋimoe topedosi, anerae apotu ŋikadwarak keŋ ka ŋisacaradotin keŋ toseca aŋuna aaryata alotooma etaun ŋituŋa ŋulu pa asecito.

Esek. 13:1

Abu Ekapolon kirwor neni kaŋ tema,

Esek. 13:17

“Nai iyoŋ lokoku a ituŋanan, kitoronia ŋaberu ŋuna erae ŋidwe a ŋituŋa kon, ŋaberu ŋuna edwarete ŋakiro ŋuna etamete ikes ŋakulepek. Todwar ŋakiro ŋuna itoroniaritor iyoŋ ikes.

Esek. 13:3

irworo Ekapolon Akuj atemar, okoe iyes ŋikadwarak ŋulu irae ŋibaŋaanotin, ŋulu iwuapito ŋuna a ŋitai kus a ŋikulepek ka emam ŋuna iŋolikis!

Esek. 16:35

“‘Aŋun nai, okoe amalaat, kiira ŋakiro nu ŋuna irworo Ekapolon,

Esek. 22:25

Ekwaanikin ŋikarikok a akwap kec ka ŋiŋatunyo ŋulu irurumaete apaki ŋina enyamyata etyaŋ; adaut ŋikarikok kec amunyar ŋituŋa, alemasi ebari ka ŋiboro ŋulu epol egyelit, etalalata anakwap kec ŋapuseru.

Esek. 22:28

Imunonito ŋikadwarak keŋ ŋakiro ŋuna itiyao a nen, elimonokinete ŋituŋa ŋakitoodyanakineta ŋuna ka alyokonu ka edwarete ŋakiro ŋuna erae alyokonu. Ebasi, ‘Ŋakiro ŋuna irworo Ekapolon Akuj ikes nu. Tomam bo ŋuna elimunit Ekapolon.

Esek. 34:7

“Aŋun, iyes ŋikeyokok, kiirasi ŋakiro a Ekapolon nu ebe,

Esek. 34:9

aŋun, iyes ŋikeyokok, kiirasi ŋakiro nu ŋuna a Ekapolon,

Mika 3:11

Etubete ŋikepukak a Yerusalem ŋakiro aŋuna a ŋakaluŋuluŋui, itatamete ŋisacaradotin keŋ ŋikisila aŋuna ke etacit, edwarete ŋikadwarak keŋ ŋakiro aŋuna a ŋisiliŋa; torae bo neni ke Ekapolon eyarikinito ebasi, “Kire jik, ikirukit iwon ke Ekapolon, emam awana ebuni neni yok.”

Mika 3:6

Aŋun, ŋikadwarak, eapi apaki kus adaun; edoiyori akoloŋ aneni kus, anerae ipotu kitooliyosi ŋituŋa kaŋ, mam nabo iyes akidwar ace, mam nabo nyipedorete iyes ayenun ŋuna eponito.”

Sepan. 3:4

Nyemukyaka ŋikadwarak keŋ, mam anupit eyakatar ikes; etisiilyan ŋisacaradotin keŋ akibois ka Akuj. Abila ŋikisila ka Akuj emam ŋileec.