Esek. 13:14 - Ebaibul

¹⁴ Aritakini ayoŋ arwatata ŋina ibasi iyes egogoŋ ŋin, eperikini kwap, todaun ibore ewoi anakisyakinet keŋ apaki ŋina eritaror iŋes, itwanikinete iyes tooma keŋ, ido iyenunete atemar arae ayoŋ Ekapolon.

Esek. 13:14 Iomraidhean Croise

Ŋikiru. 11:3

Ani kemunaar ŋakiro daadaŋ, nyo epedori ituŋanan ŋini iyookino akitiyakin?”

Ekal. 3:3

eyai apaki ŋinaaret ka eyai apaki ŋina kitaŋaleet; eyai apaki ŋina etiyaarere ibore min kwap ka eyai apaki ŋina edukokinere;

Isa. 28:17

Akitub ŋakiro a akiyookino iŋes eruwor akipimet a amoru a ŋin, akiyookino iŋes erikini neni emagul; Inyasunete ŋakako ŋirotin a akiyar kus ŋulu iyarikinito iyes, inyasuni akalele a ŋakipi ŋakiboisyo ŋuna iŋopitotor iyes.

Isa. 30:13

aŋun, ikokini asecit ŋin aneni kus akabaat ŋina eyai narwatata ŋina aoyan, akabaat ŋina enya, ŋina eapi aritaar arwatata, toritakin atipei alotooma apaki ŋina euruwuana.

Yer. 14:15

Aŋun irworo Ekapolon aŋuna a ŋikadwarak a ŋulu edwarete enyarito ekiro kaŋ atemar tari ŋina pa eyakitor ayoŋ ikes ŋulu ebasi, “Nyikiaryo a ekileŋ ka nyebuni eron nakwap na.” Earyo ŋikadwarak ŋul a ekileŋ ka etwakete aŋuna a eron.

Yer. 23:15

Aŋun, alimu Ekapolon ŋolo a ŋajoresyo ŋakiro nu aŋuna a ŋikadwarak ebe, “Ainakini ayoŋ ikes kimuja ŋikur ŋulu a ŋakito ka ainakini ayoŋ ikes tomata ŋakipi ŋuna eyai ibore ŋini aaran, anerae neni a ŋikadwarak a Yerusalem akoraror amamukau anupit lotuŋa a akwap daadaŋ.”

Yer. 6:15

Apotu ikes kitiyata ŋuna a ŋileec, apotu ikes kitiyata ŋakiro ŋuna asiilyanak. nai nyiruma ikes ŋileec, pa ayenete ikes epite ŋolo irumyata ikes ŋileec nooi. Aŋun, etwakete ikes daŋ lopite ŋolo atwakyata ŋuluce, apaki ŋina esicania ayoŋ ikes, eruwor ŋin adaunet kec.”

Yer. 8:12

Apotu ikes kitiyata ŋuna a ŋileec, apotu kitiyata ŋakiro ŋuna asiilyanak, ido nyiruma ikes ŋileec, pa apotu ikes toyenut epite ŋolo anyunyuratar ikes make, aŋun, etwakete ikes daŋ lopite ŋolo aponiata ŋuluce totwaka, apaki ŋina abunio ayoŋ akisican ikes, ereunio ikes.

Esek. 13:15

Ewuakini ayoŋ anyunyura kaŋ narwatata ka neni a ŋulu apotu kirworo ŋisosowae. Akalimokini ayoŋ iyes atemar adaun arwatata ka adaun ŋulu apotu kiosakis eraŋgi ŋolo akwaŋan ka adaun ŋulu apotu kirworo ŋisoswae

Esek. 13:21

Aciliciliyari ayoŋ ŋakitambarae a ŋakyes kus, oiu ŋituŋa kaŋ anapedor kus, ido nyikyenatar nabo jik iyes ikes anapedor kus, iyenunete nai iyes atemar arae ayoŋ Ekapolon.

Esek. 13:23

eketuruwori ayoŋ iyes ŋulu nyiŋolikinete nabo ŋakitoodyanakineta ŋuna ka alyokonu kus, kori ŋulu nyidwarete ŋakiro ŋadi. Aiuni ayoŋ ŋituŋa kaŋ anapedor kus, toyenut nai iyes atemar arae ayoŋ Ekapolon.’ ”

Esek. 13:9

Esicani ayoŋ ŋikadwarak ŋulu iŋolyanakinete ŋuna ka alyokonu, ido edwarete amodiyo. Nyeruwor ikes ŋituŋa ŋulu ka atukot kaŋ, kori nyigiryo ŋirorwa kec neni igiritae Ŋisirael, kori nyelomarete ikes nakwap a Isirael. Ŋun nai iyenuniata iyes atemar arae ayoŋ Ekapolon Akuj.

Esek. 14:8

Etoroniyari ayoŋ ituŋanan ŋini itiyae ŋun. Eturuwori ayoŋ ituŋanan ŋini itiyae ŋun akitoodikinet, ibore ŋinicaryoit ka alemari ayoŋ iŋes alotuŋa kaŋ; ido iyenunete iyes atemar arae ayoŋ Ekapolon.

Mika 1:6

Aŋun, eturuwori ayoŋ Samaria ereŋorot ŋolo etukotor ŋamoru anariet, akibois ŋina edupyo ŋikito ŋulu ke epiini, abukori ayoŋ ŋamoru keŋ nakadipaalat, ido emyek neni sek awuatar ŋarwatatain keŋ ileere.

Abak. 3:13

Ibu iyoŋ toloma kiŋa aiun ŋituŋa kon, aiun erwosit kon ŋolo iseunit iyoŋ. Ibu iyoŋ toar ekarikon a apukan a ŋina aronon, ido ibu tomunya apukan ŋin.

Luk. 6:49

Nai ŋini iirari ŋakaakiro nu nyitiya, ikoni iŋes ekile ŋolo aduki akai kwap emam akisyakinet ŋina ajokan. Kilap aŋolol, tonaŋ akai ŋin, toritakin daadaŋ atipei, kinyasun akai ŋin nooi.”