Esek. 12:20 - Ebaibul

²⁰ Eruwor ŋitaunio ŋulu tokona eyakasi ŋituŋa ŋireŋoroto koŋin ka esiluni akwap, ido iyenunete iyes atemar arae ayoŋ Ekapolon.’ ”

Esek. 12:20 Iomraidhean Croise

Isa. 24:12

Edoŋ ekasile lotaun, abwaŋabwaŋaar ŋipukei a etaun enyasun.

Isa. 24:3

Inyasunio akwap nooi ka emunaaryo nooi; anerae adau Ekapolon alimun ŋakiro ŋun.

Isa. 3:26

Iwololoete ka igworete ŋituŋa alopukei a Sion. Eruwor Sion etaun ŋolo a ŋican, ikwaanikin ka aberu ŋina iboi alokwap emam ŋiboro enapit.

Yer. 16:9

anerae alimu Ekapolon ŋolo a ŋajoresyo Akuj a Ŋisirael atemar, alorwa kon, alemari ayoŋ anakibois a na ite iyoŋ ecelet ŋolo ka alelyanu ka ŋolo ka alakara, ecelet ŋolo a ekeitan ka ŋolo a ateran.

Yer. 19:11

ido tolimok ikes ebe, ‘Alimu Ekapolon ŋolo a ŋajoresyo atemar, enyasuni ayoŋ ŋituŋa lu ka etaun lo, abwaŋi ikes lopite ŋolo ebwaŋia ituŋanan eborosit ŋolo eyeunit ekayan ŋamoti, eborosit ŋolo nyedonyunun jik. Enukete ikes ŋituŋa kec Topes tari ŋina emamukaunor neni enukakinio ŋituŋa.

Yer. 25:9

Anyarauni ayoŋ ŋituŋa a ŋikabilae a ŋulu a lo Kuju ka a eketiyan kaŋ Nebukadinesar ŋolo a Babilon, ayauni ayoŋ ikes kitijioto akwap na anyarauni ayoŋ ikes kitijioto ŋituŋa a Yudaya ka ŋituŋa a ŋakwapin a daadaŋ a ŋuna idunyatar ikes. Amunyari ayoŋ ikes jik, eturuwo ikes ŋulu ebulit ka ŋulu irumito ŋileec ta ŋulu inyasuna ŋikaru ka ŋikaru.

Yer. 34:22

Alimokini ayoŋ ikes toboŋut lotaun lo, itijikinete ikes ŋituŋa a etaun a lo, ido kikamasi etaun ka kicunyakis a akim. Eturuwori ayoŋ ŋitaunio a Yudaya ŋireŋoroto, neni emam ŋituŋa eya.”

Yer. 4:7

Elomunit anakibois keŋ ekenyasunan ŋakwapin lopite ŋolo elomunia eŋatuny anamoni, aloma iŋes anakibois keŋ akituruwor akwap kus acaryoit; eruwor ŋitaunio kus ŋulu inyasunitae, ŋulu emam ŋituŋa iboiyoto.

Aum. 5:18

anerae asilyor emukura ŋolo a Sion aruwor ereŋorot; irimito ŋikweei anaduketa keŋ a ŋuna eritanakina.

Esek. 12:15

Apaki ŋina eritarya ayoŋ ikes lotuŋa a ŋakwapin, eelak nakwapin ŋunagelae, eyenunete nai ikes atemar arae ayoŋ Ekapolon.

Esek. 12:21

Abu Ekapolon kirwor neni naŋ ekeŋit tema,

Esek. 15:6

Aŋun, ŋakiro ŋuna irworo Ekapolon Akuj ikes nu, “Lopite ŋolopei elemunere akitoe a epiini alokito a ŋulu ka amoni kinokae, etiyae ayoŋ ŋunapei ŋun lotuŋa ŋulu iboiyete alo Yerusalem.

Esek. 15:8

Eturuwori ayoŋ akwap kec ŋina asilon, anerae apotu ikes kitiyata pa akanupito ayoŋ.”

Esek. 36:3

Todwar tokona tolimok ŋituŋa ŋulu eyakasi lokamukumukui a Isirael atemar alimu Ekapolon Akuj ebe, ‘Aŋuna aponiata ŋimoe kon ikitisilut iyoŋ kire ka ikinyasut iyoŋ alowaetin a daadaŋ, toruwor iyoŋ akwap a ŋituŋa a ŋakwapin a ŋunace ka aŋuna ibunio iyoŋ toruwor ŋina ikirworotor ka ikiyanyete ŋituŋa a ŋakwapin,’

Esek. 5:14

Nabo daŋ eturuwori ayoŋ etaun kus ereŋorot, ibore koŋin ŋini ejamuwarito ŋakwapin daadaŋ ŋuna eya nawaetin keŋ ka daadaŋ ŋulu itorunete diyete keŋ.

Dan. 9:17

Aŋun tokona, okoe Akuj kosi, kiira akilip a eketiyan kon ka adyekitoi keŋ ka aŋuna ka akipuryo iyoŋ Ekapolon, kiŋolik anajokis kon akibois kon ŋina asegan ŋina tokona adaun akitisilun.

Ŋilep. 26:31

Eturuwori ayoŋ ŋitaunio kus ŋireŋoroto, eruwor ŋakiboisyo kus ŋuna sek ilipyata iyes ŋuna esilok, ido nyakabobokini nabo ayoŋ eure a ŋainakineta kus a ŋuna epeyo

Ŋilep. 26:33

Ekeelari ayoŋ iyes nakwapin, ido eturubakini ayoŋ ŋimoe ikiwuapito iyes. Idoŋi akwap kus erae ŋina asilon ka eruwor ŋitaunio kus ŋireŋoroto.