Esek. 12:2 - Ebaibul

² “Lokoku a ituŋanan, iboiyete iyoŋ ka ŋituŋa ŋulu akaŋerito ayoŋ. Eyakatar ikes ŋakonyen akiŋolikinia, nai nyiteete, eyakatar ikes ŋaki akiirarya, nai nyepupete, anerae erae ikes ŋituŋa ŋulu nyiwuapio ŋuna abala ayoŋ.

Esek. 12:2 Iomraidhean Croise

2 Ŋirw. 17:14

Nai apotu nyiirasi, towout icasito lopite ŋolopei ecasitotor atapapaa kec akiirar. Apotu atapapaa kec towout akinup ŋakiro ŋuna ke Ekapolon Akuj kec.

2 Ŋirw. 17:15

Apotu tojamuwasi ŋikisila a Ekapolon ka acamunet ŋina acamunotor iŋes ka atapapaa kec ta ŋakiyayanakineta ŋuna aris kisiirar ikes. Kiwuapa ikes ŋakujo ŋuna koŋinae toruworos ikes ŋikoŋinae. Kiwuapa ikes ŋipitesyo a ŋituŋa a ŋulu ebakito ka ikes, a ŋulu aris Ekapolon Akuj kicik ikes nyiwuap ŋipitesyo kec.

Ŋikiru. 78:40

Apotu ikes toŋero Akuj ŋapakio ŋuna alalak analoŋisat, apotu kitoŋoa Akuj ŋapakio ŋuna alalak analoŋisat.

Isa. 1:23

Aruworosi ŋikapolok kon ŋikaŋerok, ido aruwor ŋirukitos a ŋikokolak. Emina ŋinituŋanan akaluŋuluŋut ka iwarito aryamun ŋainakineta. Nyeikinito ikes ŋikokyok ka nyetamunito ikes akitub ŋakiro a ŋapuseru aloikiikoe.

Isa. 30:1

Irworo Ekapolon ebala, “Okoe iyes ŋidwe ŋulu aŋerok, ŋulu eyeete ŋakiro, nai meere ŋuna kaŋ, iyes ŋulu icamununosi, nai anakimanit ŋuna acamit ayoŋ;

Isa. 30:9

anerae erae ikes ŋituŋa ŋulu aŋerok, ŋidwe ŋulu emam akikinyomit eyakatar, ŋidwe ŋulu nyepupete ŋakiro ŋuna itatami Ekapolon,

Isa. 43:8

Yautu kiŋaren ŋituŋa ŋulu emudukaka toyakatar bo ŋakonyen, ŋulu ekiŋimaka, toyakatar bo ŋaki!

Isa. 44:18

Ŋituŋa ŋulu itiyaete ŋun, emam ŋakiro eyenete, nyeyenete tari ŋakiro ŋuna kitiyaete ikes, anerae egolitoe ŋakoŋen kec, ikotere ikes nyepedosi akiŋolikin, ŋatameta kec daŋ, egolitoe, ikotere ikes nyepedosi ayenun.

Isa. 6:5

Otema nai ayoŋ, “Oitakoi! Acakar bare ca, anerae arae ayoŋ ituŋanan ŋini nyerworo ŋakiro ŋuna ajokak ka ikiboi ayoŋ ka ŋituŋa ŋulu nyirworosi ŋakiro ŋuna ajokak, nai adau ayoŋ akiŋolikin erwosit, Ekapolon ŋolo a ŋajoresyo!”

Isa. 65:2

Ŋapakio daadaŋ, abu ayoŋ ebaki ŋakan kaŋ neni a ŋituŋa a ŋulu akaŋerito ayoŋ; a ŋulu nyiwuapito ŋipitesyo ŋulu ajokak; a ŋulu iwuapito ŋuna kec a ŋilopeyek,

Yer. 4:17

Irikaunete ikes Yerusalem lopite ŋolo irikaunitotor ŋiketeok emanikor, anerae akaŋero ayoŋ ŋituŋa a Yerusalem.

Yer. 5:21

Okoe iyes ŋituŋa ŋulu ibaŋaaka ka ŋulu nyitamete, kiirasi ŋakiro nu, iyes ŋulu iyakatar ŋakonyen, nai nyiteete iyes, ŋulu iyakatar ŋaki, nai nyipupete.

Yer. 5:23

Nai eyakatar ŋituŋa lu ŋitai ŋulu esyaak ka ŋulu aŋerok; ariwo ikes nawae ka ekemyekis ayoŋ.

Yer. 7:26

nai nyepupokina ikes ŋakiro kaŋ, kori nyemitakina, nai apotu kitogogoŋo ŋakyes kec. Apotu ikes kitiyata ŋuna aronok nooi akilo ŋuna apotu atapapaa kec kitiyata.

Esek. 12:1

Abu Ekapolon kirwor neni kaŋ tema,

Esek. 12:25

Nai ayoŋ Ekapolon alimuni ŋuna alimuni, ido isiyookinio. Emam nabo nyitididiyo ŋun; nai alorwa kus iyes ŋituŋa a Isirael ŋulu ikiŋero ayoŋ, alimuni ayoŋ akirot ka esiyookini.’ ”

Esek. 17:12

“Kiŋit ŋituŋa ŋulu akaŋerito ayoŋ lu ŋakiro nu ebe, ‘Nyiyenete iyes apolou atediet a ŋin ka akitadapet ŋin a?’ Tolimok ikes ebe, ‘Abu erwosit a Babilon bu Yerusalem, ya erwosit alo Yerusalem ka ŋulu epukatotor erwosit, toriko ikes torukosi ka iŋes Babilon.

Esek. 2:3

ebala, “Lokoku a ituŋanan, ekeyakiyari ayoŋ iyoŋ neni a Ŋisirael, lotuŋa ŋulu aruwor ŋikaŋerok, ŋulu akaŋero ayoŋ; ŋinapei akitodol tokona, lopite ŋolo aponiata atapapaa kec okoŋeryoto ayoŋ.

Esek. 24:3

Tolimok ŋituŋa a Yerusalem ŋulu erae ŋikaŋerok akitadapet na ebe, ‘Alimu Ekapolon Akuj atemar, kidorokisi amot ŋina kipoet; kidorokisi iŋes nakim, ido kiwuakis ŋakipi tooma keŋ;

Esek. 3:9

Eketuruwori ayoŋ iyoŋ ŋolo igogoŋ ikwa amoru ka ŋolo nyiryaŋiryaŋa ikwa ataaba. Nyikuryaniar aŋuna a ŋituŋa a ŋul, kori nyikitubulo ikes iyoŋ iŋolikini, tari daŋ kerae ikes ekal ŋolo aŋeron.”

Esek. 44:6

Tolimok Ŋisirael, ŋituŋa ŋulu erae ŋikaŋerok ŋul atemar, alimu Ekapolon Akuj ŋakiro nu ebe, ‘Okoe Ŋisirael! Tojoŋoto akitiya ŋakiro daadaŋ ŋuna ka asiilyo a ŋina itiyaete iyes.

Mar. 4:12

ikotere ‘Ani kiŋolikis daŋ, nyeanyuwasi; ani kepuput daŋ, nyiirasi. Anerae kerae toanyuwarito ka kiirarito, keboŋorito neni ka Akuj akisyonio.’ ”

Luk. 8:10

Toboŋok Yesu ikes tema, “Ikiinakinitae iyes ayenun ŋuna imunono ŋuna ka Apukan ka Akuj, nai ŋituŋa ŋuluce elimokinio a ŋakitadapeta. Tosodi ani kiŋolikis daŋ, nyeanyuwasi; ani kepuput daŋ, nyiirasi.”

Yoa. 12:40

“Etumudukan Akuj ŋakecekonyen ka etabaŋaan ikes, ikotere nyiŋolikis a ŋakonyen kec ka nyeyenut ŋatameta kec, nyeboŋut neni kaŋ, tosodi etaŋaleu ayoŋ ikes.”

2 Ŋikor. 3:14

Apotu ŋatameta kec kiryokiata! Tari tokona daŋ, ŋina esyometa ikes ŋakiro ŋuna ka Acamunet a ŋina Ŋorot, eriŋa ŋatameta kec erapap ka akitambara a ŋinapei a ŋin. Elemanaryo akitambara ŋin apaki bon ŋina imorikinotor ituŋanan ka Kristo.

Ŋiep. 4:18

ŋulu eyakasi ŋatameta kec nakiryonut. Aŋuna eyakatar ikes amaaŋe, amudukan ikes anakiro a ŋuna ka Akuj; aŋun, atyakarosi ikes anakiyar a ŋina ikiinanakini Akuj.

Ŋikis. 29:3

ipotu iyes kiŋolikis ŋakikatanakineta ŋuna apolok, ŋakujuwuanisya ka ŋaumonokineta ŋuna apolok.

Ŋikis. 29:4

Nai akitodol nakoloŋit na eriŋa Ekapolon nyeinakina iyes aosou ka ŋatameta ŋunayenunet ŋakiro, kori ŋakonyen ŋuna kiŋolikinet ŋakiro ŋuna itiyakin, kori ŋaki ŋuna kiiraret ŋakiro ŋuna adaut akitiyakin nakiyar kus.

Ŋikis. 31:27

anerae ayeni ayoŋ nooi atemar irae iyes ŋituŋa ŋulu aŋerok ka ŋulu esyaak. Ani nai ŋina sek iŋereneneoto iyes Ekapolon eriŋa ayoŋ ayari ka ikirukit ka iyes, alipite moi iŋeryoto iyes Ekapolon atwani ayoŋ!

Ŋikis. 9:24

Iŋereneneete iyes Ekapolon ŋinapei koloŋ akayenunia ayoŋ iyes.

Ŋikis. 9:7

Totamunito ka nyikimuryak iyes epite ŋolo itoŋoitotor iyes Ekapolon Akuj kus analoŋisat, irubakinete iyes iŋereneneete Ekapolon ameun anakoloŋit a ŋina ilomuniata iyes alo Ijipit akitodol akoloŋit ŋina idolunioto iyes nakibois na.