Esek. 12:16 - Ebaibul

¹⁶ Nai emyekini ayoŋ ŋidikudyo kec nyeari ka nyear akoro ka ŋidekesyo, ikotere nai ŋul elimokinete ŋituŋa a ŋakwapin a ŋuna iboiyoto ikes asiilyo ŋina apotu ikes kitiyata ka ecamunete atemar arae ayoŋ Ekapolon.’ ”

Esek. 12:16 Iomraidhean Croise

Akisy. 13:16

Etipituni ayoŋ ŋiletok kon tolalata ikwa apuwa ŋina ka akwap, ani kepedori ituŋanan akimar apuwa, iŋes atemar epedor ŋiletok kon daŋ akimarun.

Ŋikiru. 59:12

Aŋuna ka asecit a ŋina ke erwor kec ka aŋuna a ŋakiro aŋuna irworosi ikes, kimyek ikes kikamunae aŋuna ka akituro kec. aŋuna a ŋicen kec ka alyokonu ŋina irworosi ikes,

Isa. 1:9

Ani kerae nyikiesikinitor iwon Ekapolon ŋolo a ŋajoresyo ŋipiya yok ŋidi, kikikokinit iwon Sodoma ka kikikwaanikina ka Gomora.

Isa. 10:19

Idoŋete ŋipiya a ŋikito a ŋulu a amoni keŋ ekudyoko erae ŋulu epedori tari ikoku akimarun.

Isa. 10:22

Tari ŋina sek alalaata ŋituŋa a Isirael atyaakatar elalak asinyon alokipetot a anam, ŋituŋa ŋulu erae ŋipiya bon eboŋunete. Alimun ŋuna ka amunyaro, ido acamut ŋituŋa akisicanio anakiyookino;

Isa. 24:13

Itiyakin nu nakwap ka nakwapin daadaŋ, ikwaanikin ŋun ka apaki ŋina eraraunere ŋaraito alokito ka olipa, ikwaanikin ŋun ka apaki ŋina isokotaere ŋaraito a epiini kedaun akilem.

Isa. 6:13

Tari kidoŋ ituŋanan ipei alotooma ŋitomon nakwap earyo ŋini daŋ ikwaanikin iŋes ka apuŋure a ekwaakwaa, kori ŋina a ekuyon ŋina idoŋi kedaun ayepar ekitoe.” Apuŋure ŋin erae akisyakinet ŋina kitete ŋina a ŋituŋa a ŋulu ka Akuj.

Yer. 30:11

Ikirukit ayoŋ ka iyes ikotere akaiuni iyes. Amunyari ayoŋ ŋituŋa a ŋakwapin a ŋuna abu ayoŋ ekeelak iyes, nai nyakamunyari ayoŋ iyes. Ekesicani ayoŋ iyes alotooma akiyookino, nai nyekemyekini ayoŋ iyes nyisicana.”

Yer. 4:27

Erae ŋun ŋuna irworo Ekapolon ebe, “Eruwor akwap daadaŋ ereŋorot, kikote neni daŋ, etasaluni ayoŋ akwap jik.

Esek. 12:15

Apaki ŋina eritarya ayoŋ ikes lotuŋa a ŋakwapin, eelak nakwapin ŋunagelae, eyenunete nai ikes atemar arae ayoŋ Ekapolon.

Esek. 12:17

Abu Ekapolon kirwor neni kaŋ tema,

Esek. 14:21

“Ŋuna iŋita Ekapolon Akuj ikes nu, ‘Etya nai ai epite ŋolo erokyarotor ŋakiro alo Yerusalem apaki ŋina eyakuunia ayoŋ ŋakisicaneta kaŋ ŋuna apipilak ŋaomwon? Ŋimoe, eron ka ŋityaŋ ŋulu anyamak ta ŋidekesyo, tomunyasi ŋul ŋituŋa ka ŋibaren a Yerusalem.’

Esek. 36:20

Nai apotu ikes tojamuwasi ekiro kaŋ ŋolo asegan aneni daadaŋ apotu ikes toloto anakwapin, anerae abasi ŋituŋa ikes, ‘Erae lu ŋituŋa ŋulu ke Ekapolon, nai eritar ikes anakwap a Ekapolon.’

Esek. 36:31

Itamunete nai iyes aronis ŋina ipotu iyes kitiyata ka ŋiticisyo kus daadaŋ ŋulu pa ajokak, ido iluŋete iyes ŋawat kus aŋuna a ŋasecisya ka asiilyo ŋina ipotu iyes kitiyata.

Esek. 7:15

Eriŋa ŋikaarak ŋulu isitiyaete ekileŋ eyakasi kiŋa, nai adaut akoro ka edeke alomun tooma, ikiaryo iyes ŋulu iyakasi kiŋa a ekileŋ; ikiaryo iyes ŋulu iyakasi tooma etaun a akoro ka edeke.

Mat. 24:22

Nai etuuruwuan Akuj ŋirwa ŋul. Kerae nyituuruwuanit, kemam ituŋanan epuun. Nai aŋuna aminar Akuj ŋulu aseunit iŋes, abu kituuruwuan ŋirwa ŋul.

Mat. 7:14

Nai edidiŋ ekek ŋolo elosi nakiyar ka etyono erot ka ekudyoko ŋituŋa eryamunete.

Ŋirom. 9:27

Abu ekadwaran Isaya kisileereu ŋakiro a Ŋisirael tema, “Tari kelalak ŋituŋa ŋulu a Isirael ketya asinyon ŋina ka anam, ŋidikudyo bon eiunio;