Esek. 12:15 - Ebaibul

¹⁵ Apaki ŋina eritarya ayoŋ ikes lotuŋa a ŋakwapin, eelak nakwapin ŋunagelae, eyenunete nai ikes atemar arae ayoŋ Ekapolon.

Esek. 12:15 Iomraidhean Croise

Ŋikiru. 9:16

Eyenen Ekapolon alotooma akiyookino keŋ; ikamunete ŋulu aronok ŋakiro kec ŋuna etiyata ikes.

Yer. 29:18

Ewuapakini ayoŋ ikes a ejie, a eron ka edeke, eturuwori ayoŋ ikes ŋulu nyejokak aneni a ŋituŋa a ŋakwapin a daadaŋ anakwap, eruworosi ikes ŋulu ilamitae, ŋulu nyejokak aneni a ŋulu iŋolikinete ikes, ŋulu ejamuwaritae,

Yer. 49:32

Eŋataryo ŋikaala kec, eŋataryo ŋaatuk kec. Ealari ayoŋ lowaetin daadaŋ ŋituŋa ŋulu ebanyito ŋakyes kec, ka ayauni ayoŋ neni kec ŋican alowaetin a daadaŋ.

Esek. 11:10

Ikimunyaryo iyes a ekileŋ, akatubokini ayoŋ iyes alokukorin a ŋulu ka akwap a Isirael; ido iyenunete iyes atemar arae ayoŋ Ekapolon.

Esek. 12:16

Nai emyekini ayoŋ ŋidikudyo kec nyeari ka nyear akoro ka ŋidekesyo, ikotere nai ŋul elimokinete ŋituŋa a ŋakwapin a ŋuna iboiyoto ikes asiilyo ŋina apotu ikes kitiyata ka ecamunete atemar arae ayoŋ Ekapolon.’ ”

Esek. 12:20

Eruwor ŋitaunio ŋulu tokona eyakasi ŋituŋa ŋireŋoroto koŋin ka esiluni akwap, ido iyenunete iyes atemar arae ayoŋ Ekapolon.’ ”

Esek. 14:18

alimu Ekapolon Akuj atemar ikwapei kire jik ayarya ayoŋ, kerae tari toriŋa ŋikilyok ŋuluuni ŋul eyakasi nakwap ŋin, pa keiunito ŋidwe kec ŋulusapa, kori ŋulupesur, nai kerae ikes bon ŋikulepek eiuna.

Esek. 24:27

Akoloŋit ŋin, eŋaar etoil kon ka irworikini iyoŋ nabo, irworikinete iyoŋ ka ituŋanan ŋini abucun ŋin, irworikini iyoŋ, nyirubakini iyoŋ ililiŋi. Aŋun, iruwor iyoŋ akitoodikinet neni kec ka eyenunete ikes atemar arae ayoŋ Ekapolon.”

Esek. 25:11

Esicani ayoŋ ŋituŋa a Moab ka eyenunete ikes atemar arae ayoŋ Ekapolon.”

Esek. 26:6

ŋituŋa ŋulu iboiyete alotaunio a ŋulu eyakasi tooma keŋ daŋ, emunyaryo a ekileŋ. Ŋun nai eyenuniata ikes atemar arae ayoŋ Ekapolon.’

Esek. 28:26

Iboikinosi ikes nen emam awasya, edukokinete ikes ŋakais nen ka itakinete ŋikito a epiini nen. Iboikinosi ikes nen emam awasya apaki ŋina esicania ayoŋ ŋikidunyet kec daadaŋ ŋulu apotu kinyasa ikes imanito. Eyenunete nai Ŋisirael apaki ŋin atemar arae ayoŋ Ekapolon Akuj kec.”

Esek. 33:33

Ani apaki ŋina iyookinotor ŋakiro daadaŋ ŋuna irworo iyoŋ, ido kire jik iyookinosi ŋun, eyenunete nai ŋituŋa kon atemar ayai neni kec ekadwaran.”

Esek. 39:28

Eyenunete nai Ŋisirael atemar arae ayoŋ Ekapolon Akuj kec, anerae abu ayoŋ eela ikes nakwapin ka abu ayoŋ ocunu ikes anakwapin esiboik nakwap kec. Nyemyekini ayoŋ ikes tari ipei anakwapin a ŋunagelae;

Esek. 5:10

Kire jik, enyamete ŋikauruunak ŋidwe kec alokidiŋ kus ka enyamete ŋidwe ŋikauruunak kec; ekesicani ayoŋ iyes ka eelari ŋipiya kus iwace.

Esek. 5:13

“Apaki nai ŋin edaunor aŋoikinit kaŋ ikes ka iŋes editeunia anyunyura kaŋ aneni kec, iŋes ayenunia ayoŋ atemar etiyakin ŋuna acamit ayoŋ akitiyakin. Ekaku ketoodik ayoŋ ikes alilit kaŋ, eyenunete ikes atemar ayoŋ Ekapolon abu erworor ŋakiro ŋun alelakinit.

Esek. 6:14

Arami ayoŋ ikes a akan kaŋ, eturuwo akwap kec ereŋorot ka akoŋinait alotooma ŋakiboisyo kec daadaŋ, ameun analoŋisat tari lotaun ŋolo enyaritae Ribila. Eyenunete nai ikes atemar arae ayoŋ Ekapolon?’ ”

Esek. 6:7

Earakinio ŋituŋa kus kidiŋ kus; ŋun nai ikiteyenunete iyes atemar arae ayoŋ Ekapolon.

Esek. 7:4

Nyekemyekini ayoŋ iyes ekeŋolikini, nyekesyoni ayoŋ iyes. Ekesicani ayoŋ iyes a ŋakiro a ŋuna itiyata iyes ka aŋuna ka asiilyo a ŋina itiyaete iyes alokidiŋ kus. Ŋun nai iyenuniata iyes atemar arae ayoŋ Ekapolon.’

Ŋilep. 26:33

Ekeelari ayoŋ iyes nakwapin, ido eturubakini ayoŋ ŋimoe ikiwuapito iyes. Idoŋi akwap kus erae ŋina asilon ka eruwor ŋitaunio kus ŋireŋoroto.