Esek. 12:12 - Ebaibul

¹² Eryoŋi aloseketa keŋ erwosit ŋolo ipukat ikes ŋiboro keŋ tolomarya nakiryonut, tosi, kitor loole ŋolo epedokinete ŋituŋa narwatata a ŋuna keŋ. Erapi iŋes ŋakonyen keŋ, ikotere nyiŋolik neni ipudae iŋes.

Esek. 12:12 Iomraidhean Croise

2 Ŋirw. 25:4

Aponi topedoi arwatata ŋina ke etaun, ido toema erwosit ka ŋasigarya daadaŋ nakwaare, kitoro ikes lopuke ŋolo apedokinete ikes kidiŋ ŋarwatatain ŋuna edunyasi ka emanikor ŋolo ke erwosit, tari daŋ ŋina erikaunitotor Ŋibabiloniyae etaun. Apotu ikes toema lowae ŋolo ka Araba.

2 Ŋirw. 7:5

Ani ŋinibore ikaikakinia akwap eboŋ, tonyout ŋikilyok ŋul, toloto neni aya ŋasigarya ka Aram, nai ani eapikinete ikes neni eboiyoto ŋasigarya ŋun, toryamut akwap esil emam ituŋanan eyai.

Yob 24:16

Epedepedeete ŋikokolak ŋarwatatain a ŋakais nakwaare, ani naparan togolokinos neni eŋopyata; nyeyenete ikes akica ŋina ka apaaran.

Yer. 24:8

“‘Tosodi lopite ŋolo eyakatar ŋaboboryo ŋuna aronok, ŋuna aronok nooi ŋuna nyepedori ituŋanan akinyam, epite ŋol iŋes esicania ayoŋ erwosit Sedekia ŋolo a Yudaya, ŋikapolok ŋulu ipukatotor iŋes ka ŋipiya a ŋituŋa a Yerusalem ŋulu idoŋete nakwap na ka ŋulu eya nakwap a Ijipit.

Yer. 32:5

erikori erwosit a Babilon Sedekia Babilon, erubakini iŋes iboi a ina tari ŋina atamunia ayoŋ iŋes, tari kitiji iyoŋ Ŋibabiloniyae, nyilouni iyoŋ ikes.’ ”

Yer. 37:17

Abu nai erwosit Sedekia kiyakiya tonyaraunae Yeremia, ido abu iŋes kijau iŋes. Abu erwosit kiŋitiŋit Yeremia alokai keŋ anakimunono tema, “Eyai akirot adio aneni ke Ekapolon a?” Toboŋok Yeremia tema, “Eyai!” Tolimok erwosit iŋes tema, “Aŋun, ikiinakinio iyoŋ neni a erwosit a Babilon.”

Yer. 39:4

Ani iŋolikinete erwosit Sedekia ŋolo a Yudaya ka ŋasigarya a Yudaya daadaŋ ŋikapolok a erwosit a Babilon, apotu toema nakwaare alotaun, kitoro ikes lopuke ŋolo apedokinitoe kidiŋ ŋarwatatain ŋuna edunyasi ka emanikor ŋolo ke erwosit, tari daŋ ŋina erikaunitotor Ŋibabiloniyae etaun. Apotu ikes toema lowae ŋolo ka Araba.

Yer. 42:7

Ani elunyar ŋirwa ŋitomon, kirwor Ekapolon neni a Yeremia.

Yer. 52:7

Aponi topedoi arwatata ŋina ke etaun, ido apotu ŋasigarya daadaŋ toema nakwaare alotaun, kitoro ikes lopuke ŋolo apedokinitoe kidiŋ ŋarwatatain ŋuna edunyasi ka emanikor ŋolo ke erwosit, tari daŋ ŋina erikaunitotor Ŋibabiloniyae etaun. Apotu ikes toema lowae ŋolo ka Araba.

Esek. 12:4

Yau ŋiboro kon kiŋa naparan iteete ŋituŋa, ikotere kiŋolikis ikes atemar idokinit iyoŋ iwace. Ani nai edoli ŋisaae ŋulu ke eboŋ, emaikina iyoŋ torotok ikiteete ikes, towotok ikwa ituŋanan ŋini edokinit iwace.

Esek. 12:6

Tonap ŋiboro kon aloseketa kon iteete ikes tolomarya kiŋa nakiryonut; emaikina iyoŋ torap eeret kon, ikotere nyiŋolik iyoŋ neni ipudae, anerae eketuruwo ayoŋ iyoŋ akitoodikinet ŋina einakini Ŋisirael atamatam ŋuna kitiyakina.”