Esek. 12:11 - Ebaibul

¹¹ tolimok ikes atemar itoodiunito ŋuna itiya iyoŋ ŋuna itiyakinosi neni kec, edokinete ikes nakwapin ka ikamaryo ikes.

Esek. 12:11 Iomraidhean Croise

2 Ŋirw. 25:11

Tosodi Nebusaradan toriko ŋituŋa ŋulu edoŋito lotaun kaapei ka ŋulu aris kecamut akiri ka erwosit a Babilon.

2 Ŋirw. 25:7

Aponi toarae ŋidwe a Sedekia ite elope. Ani ekaku togoronoroe ŋakonyen keŋ toenae iŋes a ŋiriko, yaarae Babilon.

Yer. 10:17

Okoe ŋituŋa a Yerusalem, tocunakisi ŋiboro kus, iyes ŋulu adaun akirikaun,

Yer. 15:2

Ani kikiŋita ikes iyoŋ ebe, ‘Ai ikilosi isua?’ Tolimok ikes ebe, Irworo Ekapolon ebala, ‘Ŋulu atubokin atwanare a edeke, toloto ikiar edeke, ŋulu atubokin atwanare a ekileŋ, toloto ikiari a ekileŋ, ŋulu atubokin atwanare a akoro, toloto ikiar akoro, ido ŋulu atubokin arikoro, toloto ikirikor.’”

Yer. 52:15

Abu Nebusaradan, ekapolokiniton a ŋasigarya a ŋuna eyokiyete erwosit a Babilon toriko ŋituŋa ŋice ŋulu akulyakakaka akilo ŋuluce ka ŋituŋa daadaŋ ŋulu edoŋito lotaun ta ŋulu kepotu tocamut akirii ka erwosit a Babilon kaapei ka ŋituŋa ŋulu ayenete akitiyaunun ŋiboro.

Esek. 12:3

Aŋun, lokoku a ituŋanan, kitemonok ŋiboro kon ikwapei ituŋanan ŋini ikiritaritae iwace, ido emaikina torotok eriŋa akoloŋ nyedoiyoro ka ikiteete iyoŋ ŋituŋa. Emaikina iyoŋ torotok anakibois kon tolot nakibois ace ikoni ituŋanan ŋini iritaritae anakibois keŋ. Acepaki eyenunete ikes ŋuna ikitorotokis iyoŋ tari daŋ kerae ikes ŋituŋa ŋulu nyiwuapito ŋuna abala ayoŋ.

Esek. 12:6

Tonap ŋiboro kon aloseketa kon iteete ikes tolomarya kiŋa nakiryonut; emaikina iyoŋ torap eeret kon, ikotere nyiŋolik iyoŋ neni ipudae, anerae eketuruwo ayoŋ iyoŋ akitoodikinet ŋina einakini Ŋisirael atamatam ŋuna kitiyakina.”

Esek. 4:1

Tema Akuj neni kaŋ, “Lokoku a Ituŋanan, tolemu amatapal, kiwuak kiŋaren kon toramak kidiama keŋ etorube ŋolo ke etaun a Yerusalem.

Esek. 4:3

Tolemu asaani ŋina erae asuwat kiwuak kidiŋ kon ke etaun erae arwatata ŋina eyai kidiŋ iyoŋ ke etaun. Emaikina iyoŋ kiŋoliya lotaun, kiŋolik iŋes erae ŋolo irikaunitae, torae iyoŋ pei irikaunit iŋes. Erae ŋol epite ŋolo itoodikinitere Ŋisirael ŋakiro ŋuna itiyakin.

Sakar 3:8

Topupok tokona, iyoŋ Yosua ŋolo irae esacaradoti ŋolo Apolon nooi, iyoŋ kaapei ka ŋirukitos kon ŋulu iboiyete alokiŋaren kon, ŋulu erae akitoodiunet a ŋakiro a ŋuna ajokak a ŋuna eponito. Alosi ayoŋ ayaun eketiyan kaŋ ŋolo enyaritae Ateni.