Esek. 11:16 - Ebaibul

¹⁶ Aŋun tolimok ikes atemar ŋakiro ŋuna irworo Ekapolon Akuj ikes nu, ‘Tari daŋ keritarit ayoŋ ikes nakwapin ŋuna alalak, eruwor ayoŋ aiunit ikes apaki ŋina euruwuana ŋina eyakatar ikes nakwapin ŋuna alwanak ka tari daŋ keelarit ayoŋ ikes nakwapin ŋuna alalak, eruwor ayoŋ aiunit ikes apaki ŋina eyakatar nakwapin ŋun.’

Esek. 11:16 Iomraidhean Croise

Ŋikiru. 31:20

Ibu iyoŋ kiwua ikes anakibois a ŋina iyai iyoŋ, ikotere nyeryamut ŋuna aronok etukete ŋituŋa akitiya neni kec; ibu iyoŋ kiwua ikes anakibois a ŋina ajokan, ikotere nyeryamut ŋiyany alomoe kec.

Ŋikiru. 44:11

Ibu iyoŋ ikimyek isua ikiŋolyo ikwa ŋamesekin, ido ikiela isua nakwapin.

Ŋikiru. 90:1

Ekapolon, irae iyoŋ neni iboiyere isua ŋinapei ananyameta a daadaŋ.

Ŋikiru. 91:1

Ituŋanan daadaŋ ŋini elosi aiuno neni ka Akuj a ŋina alokidiama nooi, erubakini eyai nakiuryaro ŋina ka Akuj a ŋina etiron.

Ŋakit. 18:10

Eyai agogoŋu ŋina apolon nooi lokiro ŋolo a Ekapolon, ekerete ŋulu iyookino lokiro a Ekapolon, ido eiuna.

Isa. 4:5

Iwuakini nai Ekapolon edou ka apuru naparan ta akica a akim a ŋina enepi nakwaare kidiama emoru Sion ka kidiama ŋakiboisyo daadaŋ ŋuna ecunanakin ŋituŋa. Kire, erapuwari Ekapolon etaun keŋ daadaŋ.

Isa. 8:14

Ekapolon iŋes eruwor asegis, amoru ŋina iguwanakini ŋituŋa a Yudaya ka Isirael ka ataaba ŋina ibusonokini ikes. Eruwor iŋes aloc ka auno ŋinakisurumet ŋituŋa ŋulu iboiyete alo Yerusalem;

Yer. 26:11

Temasi nai ŋisacaradotin ka ŋikadwarak neni a ŋikapolok ka ŋituŋa daadaŋ, “Emaikina ekile lo totubokinae atwanare, anerae adau iŋes akidwar ŋuna aronok aŋuna a etaun a lo, lopite ŋolo iiraryata iyes a ŋaki kus.”

Yer. 26:7

Apotu ŋisacaradotin ka ŋikadwarak ta ŋituŋa daadaŋ kiirasi Yeremia irworo ŋakiro ŋun alo Kai ka Akuj.

Yer. 29:11

Kire jik, ayeni ayoŋ ŋakiro ŋuna ayeunit aŋuna kus, ŋayeuniata ŋuna ka ajokis kus, meere ŋuna ka akiwan iyes, akainakini ayoŋ iyes akigeno ŋina ka akiyar a ŋina arwanu.

Yer. 29:7

Nai kitiyata ŋuna itopoloorete etaun ŋolo adau ayoŋ akiyakiyar iyes irae ŋirikon ka kilipete neni ke Ekapolon aŋuna ke etaun a ŋol, anerae anakitopoloorit kus etaun ŋol, ikitopolooryo iyes daŋ.”

Yer. 30:11

Ikirukit ayoŋ ka iyes ikotere akaiuni iyes. Amunyari ayoŋ ŋituŋa a ŋakwapin a ŋuna abu ayoŋ ekeelak iyes, nai nyakamunyari ayoŋ iyes. Ekesicani ayoŋ iyes alotooma akiyookino, nai nyekemyekini ayoŋ iyes nyisicana.”

Yer. 31:10

Iyes ŋituŋa a ŋakwapin, kiirasi ŋakiro a Ekapolon, tolimosi ŋakiro ŋun anakwapin a ŋuna alodiyete anam, anakwapin a ŋuna alwanak. Temasi iyes, “Ecunakini nabo Ŋisirael ŋolo sek eelari ikes, iyoki ikes lopite ŋolo iyokiyo ekeyokon ŋamesekin keŋ.

Yer. 42:11

Nyikuryaketa aŋuna ke erwosit a Babilon, lopite ŋolo sek ikuryaketa iyes, nyikuryaketa aŋuna keŋ, anerae ikirukit ayoŋ ka iyes, aŋuna ka aiun iyes ka alakun iyes anapedor keŋ.

Esek. 20:23

Abu daŋ ayoŋ ekoŋ neni kec analoŋisat, olimok atemar ekeelari ayoŋ iyes lotuŋa a ŋakwapin ka akakorari ayoŋ iyes nakwapin.

Ŋilep. 26:44

Tari daŋ kikote ŋakiro nen, ani apaki ŋina eyakatar ikes nakwapin a ŋimoe kec, nyawouni ayoŋ ikes, oŋer ikes ikotere amunyarya ikes daadaŋ, todaunor acamunet kaŋ ka ikes. Arae ayoŋ Ekapolon Akuj kec.

Sakar 2:6

Tolimok Ekapolon ŋituŋa keŋ tema, “Potu! Potu! Tomotunos anakwap a ŋina alo Kuju, anerae abu ayoŋ ekeala iyes lowaetin ka akwap daadaŋ.

Ŋikis. 4:27

Ikielari Ekapolon iyes nakwapin a ŋituŋa a ŋulugelae, ŋidikudyo bon alotooma kus idoŋete nakwapin ŋuna ikirikori Ekapolon iyes.