Esek. 11:12 - Ebaibul

¹² Ŋun nai iyenuniata iyes atemar arae ayoŋ Ekapolon ŋolo nyiwuapa iyes ŋuna atubunit ayoŋ atemar kiwuapa ka ŋolo nyiwuapa iyes ŋikisila keŋ, nai iwuapa iyes ŋikisila a ŋakwapin a ŋuna eyakasi nawaetin kus.”

Esek. 11:12 Iomraidhean Croise

1 Ŋirw. 11:33

Etiyae ayoŋ ŋun, anerae ekemyek ayoŋ, ido ilipi neni ka Asitores a akuj a ŋisidonianineni a Cemes a akuj a Ŋimoabi ka neni a Milikom a akuj a Ŋiamoni. Awou iŋes akiwuap ŋuna abala ayoŋ, nyitiya daŋ ŋuna iyookino alokiŋaren kaŋ, nyiwuapa daŋ ŋikisila kaŋ ka ŋuna atubunit ayoŋ kitiya iŋes lopite ŋolo etiyator Daudi ŋolo arae papa a Solomon.

2 Ŋirw. 16:3

nai abu iŋes kiwuap epite ŋolo a ŋirwosi a Isirael. Abu tari kisitor lokoku keŋ kidiŋ akim, iwuapit ŋitalyo ŋulu aronok ŋulu a ŋituŋa a ŋakwapin a ŋuna abu Ekapolon kirita apaki ŋina adolunioto Ŋisirael nakwap ŋina aya ikes.

2 Ŋirw. 18:12

Etiyakinosi ŋakiro ŋun, anerae apotu Ŋisirael towout akiirar ŋakiro ke Ekapolon Akuj kec. Toŋero akiwap acamunet keŋ. Ŋakiro daadaŋ ŋuna aris Moses eketiyan ŋolo ke Ekapolon kicikak ikes, apotu ikes towout akiirar, kori akiwuap.

2 Ŋirw. 21:2

Tosec Manase aneni ke Ekapolon, kiwuap ŋakiro ŋuna aronok nooi ŋuna sek etiyaete ŋituŋa a ŋakwapin ŋulu eritari Ekapolon alokiŋaren Ŋisirael.

2 Ŋirw. 21:22

Abu iŋes toŋer Ekapolon, Akuj ŋina atapapaa keŋ, toesik akiwuapit ŋakiro keŋ.

2 Ŋirw. 21:9

Nai apotu ikes towout akiirar. Abu Manase kibata ikes akitiya aronis ŋina eloit nooi ŋina a ŋakwapin a ŋuna abu Ekapolon kirita alokiŋaren Ŋisirael.

2 Ŋakiro a ŋirwa 13:9

Pa mono ipotu iyes kiritasi ŋisacaradotin ŋulu ke Ekapolon, ŋidwe ka Aron ŋulusapa kaapei ka ŋilepi, ido toseut ŋisacaradotin kus a ŋikulepek lopite ŋolo itiyaata ŋakwapin ŋunace a? Ituŋanan daadaŋ ŋini eyauni imoŋ, kori ŋimeesekin ŋikanikaarei, epedoryo akituruwor esacaradoti a ŋakujo kus a ŋun.

2 Ŋakiro a ŋirwa 28:3

ya tope ŋainakineta a nakadipaalat aŋina enyaritae ŋina alokoku a Inom. Abu tari kisitor ŋidwe keŋ ŋulusapa kidiŋ akim, iwuapit ŋitalyo ŋulu aronok ŋulu a ŋituŋa a ŋakwapin a ŋuna abu Ekapolon kirita apaki ŋina adolunioto Ŋisirael nakwap ŋina aya ikes.

2 Ŋakiro a ŋirwa 36:14

Apotu ŋisacaradotin daadaŋ ŋulu apolokinito ŋuluce kaapei ka ŋituŋa ŋuluce daadaŋ toruwor nooi ŋulu pa ekinyoma. Apotu kiwuapa ŋakiro ŋuna asiilyanak daadaŋ ŋuna etiyaete ŋituŋa a ŋakwapin a ŋunace, aŋun, apotu kitorona Akai ke Ekapolon alo Yerusalem ŋina sek aris Ekapolon kitaleu.

Esir 9:7

Ameun alorwa atapapaa kosi tari tokona, ikiya isua jik lokaile ŋolo apolon nooi aŋuna a ŋasecisya kosi, aponi ikipotokin isua ka ŋirwosi kosi ka ŋisacaradotin kosi napedor a ŋirwosi a ŋakwapin, ikotere ikiaryo a ekileŋ, ikirikoryo ikirae ŋirikon, ikidemaryo ŋiboro ka ikiteryamunio ŋileec ŋulu apolok nooi, lopite ŋolo eyakatar ŋakiro tokona.

Neem. 9:33

Iyookino iyoŋ anakiro a daadaŋ a ŋuna apotu neni kosi, anerae itiya iyoŋ ikinyoma, nai etiyae isua erono,

Neem. 9:34

nyiwuapa ŋirwosi kosi, ŋikepukak kosi, ŋisacaradotin kosi ka atapapaa kosi ŋikisila kon, nyiwuapa ikes tari ŋakiciketa kon ka ŋakiro ŋuna ilimokinit iyoŋ ikes akimyekin akitiya.

Ŋikiru. 78:10

Apotu ikes nyiricakis acamunet ŋina ka Akuj, apotu toŋero akiwuap ŋikisila ŋulu ka Akuj.

Yer. 10:2

anerae alimu iŋes ebe, “Nyiyenut ŋipitesyo a ŋituŋa a ŋakwapin, kori nyikikadak iyes aŋuna a ŋakujuwuanisya a ŋuna itiyanakin alokidiama, anerae ekadakinit ŋituŋa ŋulu a ŋakwapin aŋuna a ŋakiro a ŋun.

Yer. 6:16

Alimu Ekapolon ŋakiro nu, “Towua anakiryamiryamet a ŋirotin, ido kiŋolikis, kiŋita neni eya ŋirotin ŋuluŋorok, neni eyai erot ŋolo ajokan, ido tomekisi iŋes, iryamunete akieŋun ŋina a ŋitai kus ŋina a ajokan. Nai apotu ŋituŋa temasi, ‘Nyikimekini isua erot ŋol.’

Esek. 11:21

Nai ikes ŋulu einakina alotai kec neni a ŋiboorei a ŋulu nyenyamio ka neni a ŋakujo, esicani ayoŋ ikes aŋuna a ŋiticisyo kec a ŋul.”

Esek. 18:8

ani pa kidenionokini iŋes ŋuluce ŋisiliŋa aŋuna ka aryamunia ŋice, kori pa kiyatanakini ŋulu alalak ka keŋerit iŋes akitiya aronis, totubi aloikiiko a ŋolo iburatotor ŋituŋa ŋakiro ŋuna nyeikinitor epei a ŋul,

Esek. 18:9

kiwuapite ŋuna atubunit ayoŋ ka kiricite ananupit ŋikisila kaŋ; ituŋanan ŋini ikoni ŋin, erae ŋini iyookino; eyari kire jik iŋes.

Esek. 20:16

Aŋuna aponiata ikes toŋero akiwuap ŋuna abala ayoŋ ikes kiwuapa ka apotu nyiwuap ŋikisila kaŋ, ido apotu tojamuwasi akoloŋit kaŋ ŋina a Sabato, apotu ikes kikinyoma ŋakujo.

Esek. 20:21

Nai apotu ŋidwe ŋul toŋero akiwuap ayoŋ; apotu nyiwuap ŋikisila kaŋ ka apotu nyiwuap ecoikinito nooi ŋakiro ŋuna alimokinit ayoŋ ikes ŋuna iteyarete ituŋanan erae kiwuap. Apotu ikes tojamuwasi akoloŋit ŋina a Sabato. “Abu nai ayoŋ otamak atemar emaikina anyunyura kaŋ min neni kec, emaikina ayoŋ oŋoik ikes eman analoŋisat.

Esek. 20:24

Abu ayoŋ etiya ŋun, anerae apotu ikes toŋero akiwuap ŋuna alimokinit ayoŋ ikes akiwuap, apotu toŋero akiwuap ŋikisila kaŋ ka apotu tojamuwasi akoloŋit kaŋ ŋina a Sabato, toloto akilip ŋakujo atapapaa kec.

Esek. 5:6

Nai aŋero ŋituŋa keŋ akiwuap ŋuna atubunit ayoŋ ka aŋero akiwuap Ŋikisila kaŋ, aruwor ikes ŋulu eroko nooi akilo ŋulu a ŋakwapin a ŋunace, aŋero ikes akiwuap ayoŋ, aroketa ikes akilo tari ŋulu a ŋakwapin a ŋuna eya nawaetin kec, aŋero ikes ŋuna atubunit ayoŋ, awout akiwuap Ŋikisila kaŋ.

Esek. 8:10

Abu ayoŋ oloma tooma, oŋoleŋolek; eŋolik eyakasi arwatata daadaŋ ŋitorubei ŋulu a ŋiboorei a ŋulu alyatok ka ŋulu a ŋityaŋ a ŋulu itoronitae ta ŋulu a ŋakujo a daadaŋ a ŋuna a Ŋisirael.

Esek. 8:14

Abu nai Akuj okoyau ayoŋ lopuke ŋolo ayai lowae ŋolo alo Kuju Akai ka Akuj, eboiyete a nen ŋaberu ŋuna egworosi aŋuna a Tamus.

Esek. 8:16

Abu nai Akuj okoyau ayoŋ nalapatu ŋina alotooma Akai ka Akuj, ayakasi diyete epuke ŋolo ka Akai ka Akuj, kidiŋ ebarasan ka namuroet ŋikilyok ŋulu aapiyarit ekimar kec ŋatomoniarei ka ŋikan. Amulenito ikes Akai ka Akuj, eŋoliyarito lowae ŋolo alo Kide, ejuuruyete ikes iŋoliyarito Kide, ilipete neni ka akoloŋ.

Dan. 9:10

nyiwuapa isua ŋakiro ŋuna irworo Ekapolon Akuj kosi, anakiwuapit ŋikisila keŋ ŋulu abu iŋes ikiinak isua kisitoru neni a ŋiketiyak keŋ a ŋikadwarak.

Ŋilep. 18:3

Nyitiyata ŋakiro ŋuna itiyaete ŋituŋa ŋulu a Ijipit, ŋituŋa akwap a ŋina iboitotor iyes, ido nyitiyata ŋakiro ŋuna itiyaete ŋituŋa ŋulu a Kanaan, ŋituŋa akwap a ŋina akayai ayoŋ iyes. Nyiwuapa ŋakiro ŋuna etubunito ikes.

Ŋilep. 26:40

“‘Nai ani kelimosi ikes ŋasecisya kec ka ŋuna atapapaa kec, ŋuna aponiata ikes eketepegeta ayoŋ ka okoŋero ayoŋ,