Esek. 10:2 - Ebaibul

² Tema Akuj neni a ekile a ŋolo anapit ŋilowi ŋulu amilimilak, “Ape toloma kidiŋ ŋiboorei ŋulu ikwaan ka ŋakejen a agaari ŋulu eyakasi kwap ŋisubuna ŋulu a ŋabebenuk kilelebik a nen alokidiŋ ŋisubuna ŋulu a ŋabebenuk, ŋatotol nakan kon, ido kielak lotaun.” Abu ayoŋ eteo ekile ŋol elosi alomar Kai ka Akuj.

Esek. 10:2 Iomraidhean Croise

2 Ŋirw. 25:9

Kicunyak Nebusaradan Akai ka Akuj ka akai ŋina a erwosit ta ŋakais daadaŋ ŋuna aya Yerusalem. Kicunyak iŋes ŋakais daadaŋ ŋuna a ŋikapolok.

Ŋikiru. 140:10

Kimyek ŋatotol ŋuna eriraete tobukokin neni kec; kimyek ikes kimasakinae, napanya ŋuna nyelomuniata nabo jik.

Ŋikiru. 18:10

Abu iŋes todokak esubuna ŋolo a ŋabebenuk kiwuwaun kwap; abu iŋes kiwonyu atipei alokuwuam.

Awos. 25:18

Kitiyau ŋitorubei a Ŋisubuna

Isa. 30:30

Isiirari Ekapolon ŋituŋa etoil keŋ ŋolo ailiilon ka iŋolikinete ŋituŋa apedor a Ekapolon ebuni kwap, ebuni apedor ŋin eyakar aŋoit ka akim ŋina ikimunyari, ebuni eyakar ŋidouwon, akiru ŋina ireta egiro ka ŋakako.

Esek. 1:13

Kidiŋ ŋisubuna ŋul ŋulu ayarete, ayai ibore ŋini anoki ikwa ŋatotol, kori ŋatocyo. Alosi akica ŋin kaku ka kiŋaren alokidiŋ ŋisubuna ŋul; akwaŋ akica ŋin kya ka atakanunui akimilyaa anakica a ŋin.

Esek. 10:16

apaki ŋina arotokinioto, apotu ŋiboorei ŋulu ekwaan ka ŋakejen a agaari daŋ ŋul toloto ka ikes ibakarito kaapei. Ani epororete ŋisubuna ŋulu a ŋabebenuk alokwap, apotu ŋiboorei ŋulu ekwaan ka ŋakejen a agaari daŋ ŋul torukosi kaapei ka ikes.

Esek. 9:11

Abu nai ekile ŋolo anapit ŋilowi ŋulu amilimilak toyakar nawae keŋ ibore ŋini aya ŋiboro ŋulukigiret ya ŋakiro neni ka Akuj tema, “Adau ayoŋ akitiya lopite ŋolo ikicikitor iyoŋ ayoŋ.”

Dan. 7:9

“Ani eriŋa ayoŋ ete, aponi kiwuakinae nen ŋikicoloŋo ŋulukipukaet, ido abu ŋolo iboit ŋikaru ka ŋikaru kiboikin lokicoloŋ keŋ, akwaŋak ŋilowi keŋ ekwaan ka ŋalepan, akwaŋak ŋitim a akou keŋ ekwaan ka ŋajul a ŋamesekin a ŋuna ekwaŋak kya. Acai ekicoloŋ keŋ ekwaan ka arira a akim ka acai neni irimi anakejen a ekicoloŋ keŋ ekwaan ka akim ŋina enepi.

Akis. 8:5

Abu emalaika tolemu abakule, kilelebik akim ŋina Namuroet, kimasu nakwap. Totakanu agiro ŋina ereta, ŋitoilon, akimilyaa ka amaran ŋina ka akwap.