Esek. 10:19 - Ebaibul

¹⁹ Apotu ŋisubuna ŋulu a ŋabebenuk kikeut ŋabebenuk kec, toporosi alokwap ete ayoŋ elosete kaapei ka ŋiboorei ŋulu ekwaan ka ŋakejen a agaari ŋul. Towua ikes alopuke a ŋolo alo Kide Akai ka Akuj, ayai kidiama kec akica ŋina ka Akuj a Ŋisirael.

Esek. 10:19 Iomraidhean Croise

Esek. 10:1

Abu nai ayoŋ eŋoliya nariwo ŋina eyai kidiama ŋakyes a ŋisubuna a ŋulu a ŋabebenuk, ayai nen ibore ŋini ekwaan ka ekicoloŋ ŋolo itiyaunitae a ŋamoru a ŋunapusiyek a ŋuna enyaritae Sapire.

Esek. 11:1

Abu nai etau okopororya ayoŋ, okoyau lopuke ŋolo alo Kide Akai ka Akuj, lopuke ŋolo iŋoliyarit Kide. Ayakasi lopuke ŋol ŋikilyok ŋatomoniarei ka ŋikan; eŋolik ayoŋ alokilyok a ŋul Yaasania lokoku ka Asur ka Pelatia lokoku a Benaia ta ŋikarikok a ŋituŋa.

Esek. 43:1

Abu ekile ŋol okoya ayoŋ lopuke ŋolo eŋoliyarit lowae ŋolo alo Kide,

Esek. 43:2

eŋolik ayoŋ a nen akica ŋina ka Akuj a Isirael ebunit alo Kide. Ekwaan eruye keŋ ka ŋolo a ŋakipi a ŋuna alalak a ŋuna ipumasi, abu akica ŋina ka Akuj kinwak akwap.

Esek. 43:4

Ani elomari akica ŋina a Ekapolon Kai ka Akuj alopuke a ŋolo eŋoliyarit lowae ŋolo alo Kide,

Esek. 8:16

Abu nai Akuj okoyau ayoŋ nalapatu ŋina alotooma Akai ka Akuj, ayakasi diyete epuke ŋolo ka Akai ka Akuj, kidiŋ ebarasan ka namuroet ŋikilyok ŋulu aapiyarit ekimar kec ŋatomoniarei ka ŋikan. Amulenito ikes Akai ka Akuj, eŋoliyarito lowae ŋolo alo Kide, ejuuruyete ikes iŋoliyarito Kide, ilipete neni ka akoloŋ.