Esek. 10:15 - Ebaibul

¹⁵ Arae ŋul ŋisubuna ŋulu a ŋabebenuk ŋulupei sek eŋolikinit ayoŋ alodiyete aŋolol Kebar. Ani enyounete ŋisubuna ŋulu a ŋabebenuk,

Esek. 10:15 Iomraidhean Croise

Esek. 1:1

Alokaru a ŋolo a ŋatomoniuni, elap ŋolo a ŋiomwon, ŋirwa ke elap ŋikan, eriŋa ayoŋ ikiya ka ŋirikon ŋuluce diyete aŋolol Kebar neni aponi itorikor, abu kidiama toŋaar, eŋolik ayoŋ ŋatakanikineta ŋuna aponito aneni ka Akuj.

Esek. 1:3

abu akirot ke Ekapolon bu neni kaŋ a Esekiel a esacaradoti a ŋolo arae lokoku a Busi, eriŋa ayoŋ ayai Babilon diyete aŋolol Kebar. Abu ayoŋ oryamu apedor ŋina ka Akuj a nen.

Esek. 1:5

Kidiŋ neni anoki ikwa akim, ayakasi ŋitorubei ŋiomwon ŋulu asibito ŋulu a ŋisubuna a ŋulu eyarete. Atakanete ikes ikote ne: Ekwaan ka ŋituŋa,

Esek. 10:16

apaki ŋina arotokinioto, apotu ŋiboorei ŋulu ekwaan ka ŋakejen a agaari daŋ ŋul toloto ka ikes ibakarito kaapei. Ani epororete ŋisubuna ŋulu a ŋabebenuk alokwap, apotu ŋiboorei ŋulu ekwaan ka ŋakejen a agaari daŋ ŋul torukosi kaapei ka ikes.

Esek. 11:22

Apotu nai ŋisubuna ŋulu a ŋabebenuk ŋul toporosi ka apotu ŋiboorei ŋulu ekwaan ka ŋakejen a agaari torukosi ka ikes. Toyakaun akica ŋina ka ayau a Akuj a Isirael kidiama kec.

Esek. 43:3

Akitoodikinet ŋina abu ayoŋ eŋolik ŋin, ekwaan ka ŋina sek abu ayoŋ eŋolik apaki ŋina abunio Akuj amunaar etaun ka ekwaan ka ŋina eŋolikinit sek ayoŋ alodiyete aŋolol Kebar; abu ayoŋ oramakin kwap obuburiyar.

Esek. 8:6

Tema nai Akuj neni kaŋ, “Lokoku a ituŋanan iŋolik iyoŋ ibore ŋini itiyaete ikes a? Iŋolik iyoŋ ŋakiro ŋuna ka asiilyo ŋuna itiyaete Ŋisirael a ne aŋuna ka akiritar ayoŋ anakibois kaŋ a ŋina asegan a? Iŋolikini daŋ iyoŋ ŋace ŋuna ka asiilyo a ŋina apolon nooi.”

Osea 9:12

Tari kitopolout ikes ŋidwe kec, eturuwori ayoŋ ikes ŋulu emam ikoku ipei daŋ. Ŋuna kec ŋun, epote ŋican ŋulu apolok neni kec apaki ŋina emyekinia ayoŋ ikes.