Esek. 1:4 - Ebaibul

⁴ Abu ayoŋ eŋoliya Kuju, eŋolik ekuwuam ŋolo apolon ebunit, toyai edou ŋolo apolon nooi ŋolo emilyaa jik pa ajoŋoenene, kidiŋ neni anoki ikwa akim ayai ibore ŋini amilimilan ikwa eburonis.

Esek. 1:4 Iomraidhean Croise

1 Ŋirw. 19:11

Tema nai Ekapolon neni ke Eliya, “Toloma kiŋa, towo alomoru alokiŋaren Ekapolon anerae eapi Ekapolon atubor a nen.” Apaki ŋin tokut ekuwuam ŋolo apolon, agogoŋ ekuse keŋ, acilicili ŋimukura ka atubutubui ŋamoru ekusi alokiŋaren Ekapolon, nai amam Ekapolon alokuwuam. Ekaku ke ekuwuam, toyakaun amaran ka akwap, nai amam Ekapolon anamaran ka akwap.

2 Ŋirw. 2:11

Apaki ŋin, ŋina erworotor ikes tolosete, apotu ŋagaari ka ŋaŋolei ŋuna anepete ikwa arira totyaka ikes, ya ekuwuam ŋolo epiripiri idirisiriyarit kidiama Eliya nakuj.

2 Ŋakiro a ŋirwa 5:13

Toeikis kaapei ejok nooi ŋulu akusete ŋarupepe ka ŋikaeok ŋuluce ipurosi ka elakara neni ke Ekapolon. Ani ikeunete ikes eete eosi a ŋarupepe, a ŋitworoi ka ŋiboro ŋice ŋulu eore, apotu kipuro Ekapolon ebasi: “Ejok Ekapolon, anerae erubakinit amina keŋ ŋina nyiryaŋiryaŋa eyai ŋikaru ka ŋikaru.” Aneni pei, toburusiya adis Akai ke Ekapolon,

Yob 38:1

Toboŋok nai Ekapolon Yob, kirworik etoil a Ekapolon alokuwuam a ŋolo epiripiri tema,

Ŋikiru. 50:3

Ebunit Akuj yok, ido nyililiŋi iŋes; eyai akim kiŋaren keŋ ŋina enyamuwari ŋinibore, eyai ekuwuam nawaetin keŋ ŋolo ekusi nooi.

Awos. 9:24

Kilim akiru ŋina a ŋakako nen, torubak agiro ka akimilyaa irimirimi nen. Arae ŋin akiru ŋina alalan nooi anakwap a Ijipit ŋinapei kipukakinet iŋes bon.

Isa. 19:1

Ŋakiro ŋuna adwarit Ekapolon aŋuna a Ijipit ikes nu: “Kiirasi, ebunit Ekapolon eyai kidiama edou ŋolo apiranan, ebunit iŋes Ijipit; emaranikinete ŋakujo a Ijipit alokiŋaren keŋ ka iyalaar ŋitai a ŋituŋa a Ijipit.

Isa. 21:1

Ŋakiro ŋuna adwarit Ekapolon aŋuna ka aloŋisat a ŋina alodiyete anam. Ebuni ekenyasunan analoŋisat anakwap a ŋina adedeŋan, lopite ŋolo ekutunia ekuwuam ŋolo ekusi egogoŋ nooi kipiripiri epye akwap alo Negeb.

Yer. 23:19

Kiŋolikisi, ebunit aŋoit a Ekapolon, ebunit anyunyura, ebunit egogoŋ ikwa ekuwuam ŋolo agogoŋon, emini aŋoit a Ekapolon neni a ŋulu itiyaete ŋuna aronok.

Yer. 25:32

Alimu Ekapolon ŋolo a ŋajoresyo ebe, “Kiirasi, elosete ŋican anakwap a apei, kiroposi nakwap ŋinace ka ebunit ekuwuam ŋolo agogoŋon anakisaleta a akwap!

Yer. 25:9

Anyarauni ayoŋ ŋituŋa a ŋikabilae a ŋulu a lo Kuju ka a eketiyan kaŋ Nebukadinesar ŋolo a Babilon, ayauni ayoŋ ikes kitijioto akwap na anyarauni ayoŋ ikes kitijioto ŋituŋa a Yudaya ka ŋituŋa a ŋakwapin a daadaŋ a ŋuna idunyatar ikes. Amunyari ayoŋ ikes jik, eturuwo ikes ŋulu ebulit ka ŋulu irumito ŋileec ta ŋulu inyasuna ŋikaru ka ŋikaru.

Yer. 4:6

Tododasi abendera Sion toema, ikotere iunosi, nyididyoto, anerae ayaunit ayoŋ aronis alo Kuju ka akinyasuno ŋina alalan nooi.

Yer. 6:1

Okoe ŋituŋa a Benjamin toema ikotere iunosi, toema alotooma Yerusalem! Tokutakisi amomwara a emesek alo Tekoa ka kikyaasi alo Bes-Akerem ibore ŋini itoodikini ŋituŋa atemar totena, anerae ebunit aronis alo Kuju ileere nooi, ebunit akinyasuno ŋina apolon nooi.

Esek. 1:27

Abu ayoŋ eŋolek ibore ŋini asibit acir keŋ alokidiama anakuwan a etorube a ŋol, atakani ikwaan ka asuwat ŋina enepi ŋina eyai nakim; ameun a nen tari kwap keŋ, atakani esibit akim. Ayai etorube ŋol kidiŋ akica ŋina akwaŋan kya.

Esek. 13:11

Tolimok ŋikadwarak ŋul atemar eritakin arwatata ŋin, eyakuuni ayoŋ akiru ŋina alalan, aritauni ayoŋ ŋakako ka ekuwuam ŋolo ekusi nooi.

Esek. 13:13

Aŋun, irworo Ekapolon Akuj ebe, ‘Ananyunyura kaŋ etukutuni ayoŋ ekuwuam ka anaŋoit kaŋ, eyakaun akiru ŋina alalan ka ŋakako ŋuna eritakinete arwatata ŋin.

Esek. 43:3

Akitoodikinet ŋina abu ayoŋ eŋolik ŋin, ekwaan ka ŋina sek abu ayoŋ eŋolik apaki ŋina abunio Akuj amunaar etaun ka ekwaan ka ŋina eŋolikinit sek ayoŋ alodiyete aŋolol Kebar; abu ayoŋ oramakin kwap obuburiyar.

Esek. 8:2

Abu ayoŋ eŋoliya kidiama, eŋolik etorube ŋolo ekwaan ka ituŋanan. Atakani iŋes anacir tari nakejen ikwaan ka akim ka ameun anacir tari nakou anwakinwaki ekoni asuwat ŋina epwasitae.

Sakar 6:6

Ŋolo eyakar ŋaŋolei ŋunakiryonok, elosi nakwap ŋina alo Kuju, ŋolo eyakar ŋaŋolei ŋuna akwaŋak, elosi nakwap ŋina alo To, ido ŋolo eyakar ŋaŋolei ŋunameriyek-pusiyek, elosi nakwap ŋina alokwap.”

Ŋibur. 12:29

anerae ikwaan Akuj yok ka akim ŋina ikinyamuwari.

Akis. 1:15

Acayete ŋakejen keŋ ikwa asuwat ŋina epwasitae ka erurumae etoil keŋ ikwa ŋakipi ŋuna ipumasi.