Esek. 1:22 - Ebaibul

²² Kidiama ŋakyes a ŋisubuna a ŋul, apetakina ibore ŋini ekwaan ka ariwo ŋina alokidiama ka anwakinwaki ekoni amoru ŋina aliban nooi ŋina enyaritae Karisolite, arae ŋini ikitubuli.

Esek. 1:22 Iomraidhean Croise

Yob 37:22

Ebunit Akuj alo Kuju, emilimili ikwa egolid, eyai nawaetin ka Akuj ailiil ŋina ikitubuli.

Awos. 24:10

Kiŋolikis a nen Akuj a Ŋisirael. Kwap ŋakejen keŋ, ayai ibore ŋini enaminamakina neni pus ŋini ekwaan ka amoru ŋina enyaritae Sapire. Eleere nen epusiyana ikoni kidiama eliilii.

Esek. 1:25

Bu nai etoil alokidiama ayaye ariwo ŋina ayai kidiama ŋakyes kec apaki ŋina awuatar ikes etiyaunito ŋabebenuk kec kwap.

Esek. 1:26

Yaye ariwo ŋina ayai kidiama ŋakyes kec, ayai ibore ŋini ekwaan ka ekicoloŋ ŋolo ka apolou, atakani itiyaunitae a amoru a ŋinapus a ŋina enyaritae Sapire. Eboi alokicoloŋ a ŋol etorube ŋolo ekwaan ka ŋolo a ituŋanan.

Esek. 10:1

Abu nai ayoŋ eŋoliya nariwo ŋina eyai kidiama ŋakyes a ŋisubuna a ŋulu a ŋabebenuk, ayai nen ibore ŋini ekwaan ka ekicoloŋ ŋolo itiyaunitae a ŋamoru a ŋunapusiyek a ŋuna enyaritae Sapire.

Esek. 10:20

Arae ŋul ŋisubuna ŋulu a ŋabebenuk ŋulu sek eŋolikinit ayoŋ alodiyete aŋolol Kebar, eyakasi kwap Akuj ŋina a Ŋisirael, ido ayeni ayoŋ atemar arae ikes ŋisubuna ŋulu a ŋabebenuk.

Akis. 21:11

tocai aŋuna ka akica a ŋina ka Akuj. Tocai etaun ŋol ikwa amoru ŋina epol egyelit, ikwa Yaspa, kileereu ikwa ŋakalilii.

Akis. 4:3

Amilimili ituŋanan ŋini eboi a nen, ekwaan ka amilimil a ŋamoru a ŋuna enyaritae Yaspa ka Karanelia. Erikaunit ekicoloŋ alokakinet ŋina ekwaan ka amoru ŋina aliban nooi ŋina enyaritae Emeral.

Akis. 4:6

Ayai nabo kiŋaren ekicoloŋ ŋol ibore ŋini ekoni anam ŋina a ŋakalilii, ŋini alilii ikwa aroet. Nawaetin ke ekicoloŋ, ayakasi ŋisubuna ŋiomwon ŋulu ayarete, ŋulu eryamito ŋakonyen kiŋaren ka kaku daŋ.