Esek. 1:16 - Ebaibul

¹⁶ Atakanete ŋiboorei ŋul ikote ŋakejen a agaari ka etiyaunitae ikote ne: Anwakinwakete ikwa amoru ŋina aliban nooi ŋina enyaritae Karisolite ka ekwaan ŋunaomwon ŋun daadaŋ. Etiyaunitae ikes daadaŋ ikwaan ka ibore ŋini ikoni ŋakejen ŋuna ka agaari ka ayakasi tooma ŋakejen ŋun ŋakejen ŋace ŋuna ekote ŋunapei ŋun.

Esek. 1:16 Iomraidhean Croise

1 Ŋirw. 7:33

Etiyatae ŋakejen ŋun, esibit ŋuna ka agaari a ŋina iritae a ŋaŋolei; ayakasi ŋasuwa ŋuna irimyoto ŋakejen, ayai ŋasuwa ŋun neni luluŋ, aya ŋipagi ka aya ŋaabwa neni eenio ŋipagi alokidiŋ akeju etiyaunitae ŋiboro ŋul daadaŋ a ŋasuwa a ŋuna arae ŋasimito.

Yob 9:10

Akuj itiyae ŋiticisyo ŋulu apolok nooi ŋulu emam ituŋanan epedori ayenun, Akuj itiyae ŋiboro ŋulu ajokak nooi ŋulu emam ituŋanan epedori akimarun.

Ŋikiru. 36:6

Ikwaan akiyookino kon itiirae ka ŋimoru ŋulu itiiraete, ikwaan akiyookino kon ŋina itubio iyoŋ ŋakiro epol ka alalau a ŋakipi aloburi a ŋolo ka anam. Okoe Ekapolon iununui iyoŋ ŋituŋa ka ŋityaŋ pa ityakatyakat.

Ŋikiru. 40:5

Elalak nooi, okoe Ekapolon Akuj kaŋ, ŋaumonokineta ŋuna idau iyoŋ akitiya aŋuna kosi. Emam ituŋanan epedori alimunun ŋuna idau iyoŋ ayere aŋuna kosi; kerae opedori ayoŋ alimunun ikes kelalak nooi, pa kepedor akimarun.

Awos. 39:13

Elain ŋolo a ŋiomwon ayakasi ŋamoru nu: Ŋuna enyaŋiyarito ŋuna enyaritae Karisolite ka ŋuna areŋak puu ŋuna enyaritae onikis ta ŋuna inyalal ŋiraŋgi ŋuna enyaritae Yasiper. Aenianakinitae ŋamoru ŋun iwapei isibakitae a ŋiriko a ŋulu etiyaunitae ke egolid.

Eete a Ŋie. 5:14

Ediryaka ŋakan keŋ ka enapit iŋes ŋikabobooe ŋulu eya ŋamoru ŋuna amilimilak, esulut akuwan keŋ ikwaan ka ekelae a etom, esirit iŋes akuwan keŋ a ŋinapen a ŋulu amilimilak.

Dan. 10:6

Ekwaan akuwan keŋ ka amoru ŋina enyaŋiyarit ŋina enyaritae Karisolite, acai ereet keŋ ekwaan ka akimilyaunet, anepete ŋakonyen keŋ ekwaan ka ŋatocyo ŋuna enepete, acayete ŋakan ka ŋakejen keŋ ekwaan ka eburonis ŋolo apwasitae ejok ka erurumae etoil keŋ ekwaan ka ŋitoilon a ŋituŋa a ŋulu alalak.

Dan. 7:9

“Ani eriŋa ayoŋ ete, aponi kiwuakinae nen ŋikicoloŋo ŋulukipukaet, ido abu ŋolo iboit ŋikaru ka ŋikaru kiboikin lokicoloŋ keŋ, akwaŋak ŋilowi keŋ ekwaan ka ŋalepan, akwaŋak ŋitim a akou keŋ ekwaan ka ŋajul a ŋamesekin a ŋuna ekwaŋak kya. Acai ekicoloŋ keŋ ekwaan ka arira a akim ka acai neni irimi anakejen a ekicoloŋ keŋ ekwaan ka akim ŋina enepi.

Ŋirom. 11:33

Okoe, kelalaar nooi ebari ŋolo ka Akuj, epol nooi aosou ka ayenut keŋ! Ŋae epedori akitacaun ŋuna etubununui iŋes? Ŋae epedori ayenun ŋakiro ŋuna itiyae iŋes.

Ŋiep. 3:10

ikotere nai alotooma Ŋikristo toyenut ŋikepukak ka ŋapedorosyo ŋuna anakuj aosou ŋina ka Akuj alotooma ŋiboro daadaŋ.