Esek. 1:10 - Ebaibul

¹⁰ Atakanete ŋireetin kec ikote ne: Ayakar ŋolotorube ŋace ereet ŋolo ekwaan ka ŋolo a ituŋanan, ido teten a ŋolotorube, ayai ereet ŋolo ekwaan ka ŋolo ke eŋatuny, kedyeny a ŋolotorube ayai ereet ŋolo ke emoŋ, ayakar daŋ ŋolotorube ereet ŋolo ke egole;

Esek. 1:10 Iomraidhean Croise

1 Ŋakiro a ŋirwa 12:8

Apotu Ŋigadi ŋice toloto neni a Daudi apaki ŋina ayakar naloŋisat neni eboiyo iŋes anaturukan. Arae ikes ŋikajiok ŋulu atitinyok, ŋulu etemokino ajiore, ido apedorito akitiŋ ŋaupala ka ŋakwaaras. Atakanete ikes aloreetin esibit ŋiŋatunyo, ido apiraka ekote ŋagetei ŋuna eya lokamukumukui.

Yob 39:27

Iyoŋ mono ilimonokini ŋigolei aporor kidiama, ido toduko ŋakais kec kidiama ŋimoru a?

Ŋakit. 14:4

Ituŋanan ŋini emamukar ŋimoŋin ŋulukitaet, emam ŋikinyom iwuakini natukit keŋ, eryamuni ituŋanan ŋikinyom ŋulu alalak anakisitiya agogoŋu a ŋimoŋin.

Isa. 40:31

nai ŋulu idarito Ekapolon, isikiteteunete agogoŋu kec, epororete kidiama a ŋabebenuk ikwa ŋigolei, ekerete, ido nyeupi, elosete, ido nyilelenyi.”

Isa. 46:8

“Iyes ŋikasecak, totamunito ŋakiro nu ka totamatamata,

Esek. 1:6

ayakar ŋolotorube ŋireetin ŋiomwon ka ayakar ŋolotorube ŋabebenuk ŋaomwon.

Esek. 10:14

Ayakatar ŋisubuna ŋulu a ŋabebenuk ŋuluomwon ŋul daadaŋ ŋireetin, ekoni ereet a ŋolo ke ekiŋaren ŋolo a esubuna a ŋolo a ŋabebenuk, ŋolo a ŋiarei, ekoni ereet ŋolo a ituŋanan, ŋolo a ŋiuni, ekoni ereet ŋolo a eŋatuny ka ŋolo a ŋiomwon, ekoni ereet ŋolo a egole.

Esek. 41:19

Epei ŋolo a ituŋanan iŋoliyarit lowae ŋolo a ekiŋol a ŋolo ayai lowae epei ka ŋoloce ŋolo a eŋatuny iŋoliyarit lowae ŋolo a ekiŋol a ŋolo alowae a ŋoloce. Ecianakinitae ŋitorubei ŋul narwatatain daadaŋ ŋuna ka Akai ka Akuj kiryam cib;

Dan. 7:4

Ekwaan ŋolo esyaunan ka eŋatuny nai ayakar ŋabebenuk ŋuna ekwaan ka ŋuna a egole, ani eriŋa ayoŋ etee iŋes, eŋolik ŋabebenuk keŋ edotoryo anakuwan keŋ, kitonyounoe etyaŋ alokwap ido kimyekinae towo a ŋakejen a ŋaarei esibit ituŋanan ka aponi inakinae iŋes ŋatameta ŋuna a ituŋanan.

Ekim. 2:10

“Alowae a ŋolo alo Kwap, emaikina toloma ŋituŋa a ekabila a Ruben a ŋatuketa kec. Elisur ŋolo erae lokoku a Sedeur iŋes erae ekarikon a ekabila a Ruben,

Ekim. 2:18

“Alowae a ŋolo alo To, emaikina toloma ŋituŋa a ekabila a Epuraim a ŋatuketa kec. Elisama lokoku ka Amiud iŋes eruwor ekarikon a ekabila a Epuraim,

Ekim. 2:25

“Alowae a ŋolo alo Kuju emaikina toloma ŋituŋa a ekabila a Dan a ŋatuketa kec, ekarikon kec iŋes Aieser lokoku ka Abisadai.

Ekim. 2:3

Emaikina ŋituŋa a Yuda toloma lowae ŋolo alo Kide, lowae ŋolo elomununia akoloŋ, Nason lokoku ka Aminadab iŋes erae ekarikon a ŋituŋa a ekabila a Yuda

Luk. 15:10

Ikwaŋinapei, akalimokini ayoŋ iyes atemar, elelyanete ŋimalaikan ŋulu ka Akuj ikotere epeikasecan ŋolo ekii ŋasecisya keŋ.”

1 Ŋikor. 14:20

Ŋikaitotoi kaŋ, nyikote ŋidwe alopite a ŋolo itamyata iyes. Ipedorete iyes akitiya ikwa ŋidwe anakiro a ŋuna aronok, nai alopite a ŋolo itamyata iyes, toruworos ŋituŋa ŋulu ipakito anakiro a ŋuna ka Akuj.

Ŋikis. 28:49

Eyauni Ekapolon ŋituŋa ŋulu ikitijikinete iyes ŋulu ka akwap a ŋina alwanan a ŋina eyai lokisal a akwap, eyauni Ekapolon ŋituŋa ŋulu nyipupete iyes aŋajep kec, iuwaun ikes neni kus lopite ŋolo iuwaunor egole kwap.

Akis. 4:7

Ekwaan esubuna ŋolo ke ekiŋaren ŋolo ayari ka eŋatuny, ŋolo a ŋiarei ekwaan ka emoŋ, ŋolo a ŋiuni ayakar ereet ŋolo ekoni ŋolo a ituŋanan ka ŋolo a ŋiomwon ekwaan ka egole ŋolo epori alokidiama.

Akis. 5:5

Abu epei alokatukok okolimok ayoŋ tema, “Nyigwor, toanyuwa, elou eŋatuny ŋolo anateker a Yuda ŋolo erae eletonit a Daudi. Elou iŋes ka apedor alemar ŋakipuceta ŋunakanikaarei, toŋaa ekitaabo.”

Ŋikat. 14:18

Tolimokis ŋikilyok ŋulu a etaun Samuson epete ŋirwa ŋikanikaarei eriŋa akoloŋ nyedoiyoro temasi, “Anibore ebob akilo akimyet ŋina ka ao? Anibore egogoŋ akilo eŋatuny?” Tema Samuson neni kec, “Kerae nyisitiyato iyes ŋina erae ŋina kaŋ akitaa, pa kitedorito iyes ŋakiro kaŋ.”