Ekim. 9:14 - Ebaibul

¹⁴ Ani keyai ituŋanan ŋinigelaanot ŋini iboiyoto iyes ŋini ecamit akinumunum ŋasuban a Paska neni ke Ekapolon epedori iŋes akinumunum ŋasuban ŋun alopite a ŋolo etubunitere akitiya ŋasuban ŋuna a Paska ka iwuapito ŋikisila a ŋasuban a ŋun, ŋakiro ŋuna etubunitoe ikes emaikina ŋituŋa daadaŋ kerae egelaanot, kori Esiraelit kiwuapa.’ ”

Ekim. 9:14 Iomraidhean Croise

Esir 6:21

Arae Ŋisirael ŋulu aboŋunete anakwap a ŋina arikoritae ikes apotu kimuja ikale ŋin ka daadaŋ ŋulu apotu kimorikinos ka ikes ŋulu apotu toŋero akiwuap ŋakiro a ŋituŋa a ŋulugelae a ŋulu eboiyete ka ikes aŋuna ka akilip neni ka Akuj a Isirael.

Awos. 12:43

Tema Ekapolon neni a Moses ka Aron, “Erae nu ŋakiro ŋuna emaikina kiwuapae anasuban a Paska: Mam igelaanot emaikina tonyam ŋasuban a Paska.

Awos. 12:47

Itemokino Ŋisirael daadaŋ kitiyata ŋasuban ŋun.

Ŋilep. 19:10

Nyemaikina iyes isokataete emanikor kus ŋolo ke epiini, kori ilosete akidep ŋaraito a epiini ŋuna ecakanakina kwap. Kimyekisi ŋul aŋuna a ŋulu a ŋican ka ŋigelaanotin. Arae ayoŋ Ekapolon Akuj kus.

Ŋilep. 22:25

ido nyicamut ŋibaren ŋulu ikote ŋul eaunete ŋigelaanotin inakis Ekapolon erae akimuj neni ka Akuj kus. Nyecamunio ŋibaren ŋul aŋuna kus, anerae iŋwalitae, ido eyakatar neni eŋwalit.’ ”

Ŋilep. 24:22

Erae ekisil epei aŋuna a ŋigelaanotin ka Ŋisirael kaapei; anerae arae ayoŋ Ekapolon Akuj kus.’ ”

Ŋilep. 25:15

Ani kigyelu iyoŋ ŋalup aneni ke ekidunyet kon, emaikina kimarunae etyae eriyan ka ŋikaru ŋulu elemya ituŋanan akimuj analup a ŋun eriŋa nyedolo ekaru ŋolo a ŋatomonikan ŋolo inyakakinere ituŋanan ŋalup keŋ.

Ekim. 15:15

Nai aŋuna ka atukot, erae ekisil epei aŋuna kus a daadaŋ Ŋisirael ka ŋigelaanotin ŋulu iboiyete ka iyes, erae ekisil ŋolo a ŋikaru ka ŋikaru ananyameta kus a daadaŋ; iruworosi iyes Ŋisirael ka ŋulugelaanotin ŋipei alokiŋaren Ekapolon.

Ekim. 15:16

Iyakaunotor iyes Ŋisirael kaapei ka ŋigelaanotin ŋulu iboiyoto iyes ekisil epei ka ŋakiro ŋuna etubunitoe ŋapei.’ ”

Ŋikis. 29:11

icunakina iyes ne ka ŋidwe kus, ŋaberu kus ka ŋigelaanotin ŋulu iboiyete ka iyes, ŋiketiyak kus ŋulu eyepete ŋakito ka ŋulu eokete ŋakipi aŋuna kus,

Ŋikis. 31:12

Akoloŋit ŋin tocunakisi ŋituŋa, ŋikilyok, ŋaberu ka ŋidwe kaapei ka ŋigelaanotin ŋulu iboiyete alotaunio kus, ikotere kiirasi ka toyenut akitopoloorit Ekapolon Akuj kus, kiwuapa ejok ŋakiro daadaŋ ŋuna eya lokisila ŋul,