Ekim. 8:8 - Ebaibul

⁸ Ekaku emaikina ikes tolemut etaok kaapei ka ainakinet ŋina a ŋikinyom ŋina erae ŋakirya ŋuna ajokak nooi ŋuna iguritoe ka akimyet, ido tolemu nabo iyoŋ etaok ece erae ainakinet aŋuna ka asecit.

Ekim. 8:8 Iomraidhean Croise

Awos. 29:1

“Ŋakiro ŋuna emaikina iyoŋ kitiya tokona ikes nu, kitale ikes kituruwo ŋisacaradotin, ikotere eketiyanakinete ayoŋ. Tolemu emoŋ epei ŋolosorokit ka ŋimeesekin ŋiarei, emaikina ŋibaren ŋul emam neni ewanan anawat kec, kori nyitoroniyaritae.

Awos. 29:3

Kiwuak ŋun daadaŋ lobukit epei, iya eyakasi nen, toramu emoŋ ka ŋimeesekin ŋul ŋiarei ikiinak ayoŋ ikwapei amuronot.

Isa. 53:10

Kikote neni daŋ, arae acamit a Ekapolon atemar kisicanae ka toarae iŋes. Arae atwanare keŋ ŋina amaikina yau akisyon ka Akuj, tosodi ebuni iŋes akiŋolikin ŋipapae keŋ, ebuni iŋes akiyar apaki ŋina aoyan ka alotooma keŋ iyookin acamit a Ekapolon.

Ŋilep. 1:3

Ani kerae ainakinet ŋin ŋina epeyo ŋina elemunitae alosipan a ŋibaren, emaikina iŋes tolemu etaok ŋolo ajokan ŋolo emam neni eŋwalit; yau lopuke ŋolo ke eema a ŋolo ilipere, ikotere Ekapolon ecamuni aŋuna keŋ ibarasit ŋin.

Ŋilep. 16:3

Epite lo iŋes emaikina Aron elomarya nakibois ŋina asegan ŋin: Emaikina iŋes ya emoŋ ŋolosorokit ikwapei ainakinet aŋuna ka asecit ka emesek ikwapei ainakinet ŋina icunyio.”

Ŋilep. 2:1

Ani keyau ituŋanan idio ainakinet ŋina erae ŋikinyom neni ke Ekapolon, emaikina iŋes kirye yau erae ŋakirya. Emaikina iŋes kiwuak nakirya ŋun akimyet ka ekinyate,

Ŋilep. 4:14

Ani eyenunete ikes atemar ikisecit, emaikina atukot daadaŋ yau emoŋ ŋolosorokit ikwapei ainakinet aŋuna ka asecit. Emaikina emoŋ ŋol yaunae kiŋaren eema ŋolo ilipere.

Ŋilep. 4:3

Ani kerae esacaradoti ŋolo Apolon nooi eseci, ido yau asecit keŋ ekaile lotuŋa, emaikina iŋes tolemu emoŋ ŋolosorokit, ŋolo ajokan, ŋolo emam neni eŋwalit, ido toar erae amuronot neni ke Ekapolon ŋinalemaret asecit keŋ.

Ŋilep. 8:2

“Ya Aron ka ŋidwe keŋ ŋulusapa, ŋilowi kec, akimyet ŋina iosere ŋituŋa, emoŋ ŋolo erae ainakinet aŋuna ka asecit ka ŋimeesekin ŋiarei ta ebukit ŋolo eya ŋamugati ŋuna emam ŋakinyalet.

Ŋirom. 8:3

Adau Akuj akitiya ibore daadaŋ ŋini pa apedorete Ŋikisila akitiya, anerae epalag ŋipitesyo a ituŋanan. Abu Akuj totubok asecit alotooma ituŋanan anakiyakuun Lokoku keŋ, ŋolo abu bu alokuwane a ŋolo a ituŋanan a ŋolo eyai asecit, alemarya asecit.

2 Ŋikor. 5:21

Amam asecit aneni a Kristo, nai abu Akuj kituruwo iŋes asecit aŋuna yok, ikotere nai iwon alotooma keŋ oruworos ŋulu ikiyookino aneni ka Akuj.