Ekim. 8:22 - Ebaibul

²² Kedaun ŋun, apotu ŋilepi toloto akitiya ŋiticisyo kec alotooma eema ŋolokilipet akiŋarakin Aron ka ŋidwe keŋ ŋulusapa. Apotu Ŋisirael kitiyata ŋun neni a ŋilepi lopite ŋolo ecikitor Ekapolon Moses!

Ekim. 8:22 Iomraidhean Croise

2 Ŋakiro a ŋirwa 30:27

Ekaku nai, apotu ŋisacaradotin ka ŋilepi tonyout, kiterereŋo ŋituŋa, kiira Akuj ŋitoilon kec; todol akilip kec neni ka Akuj nakibois keŋ ŋina iboiyo iŋes.

2 Ŋakiro a ŋirwa 31:2

Abu nai Esekia kiwuanak ŋatukon a ŋisacaradotin ka ŋilepi, inak ŋinatukot ŋiticisyo ŋulu amaikina kitiya. Ŋiticisyo ŋul ikes aayenen ŋainakineta ŋuna epeyo, ŋainakineta ŋuna ke ekisil, akisilip alo Kai ka Akuj, aeo ka alakanar neni ka Akuj anakiboisyo a ŋuna egelegelya alo Kai ka Akuj.

Awos. 12:50

Apotu Ŋisirael daadaŋ kitiyata ŋakiro ŋun lopite ŋolo ecikitor Ekapolon Moses ka Aron.

Ekim. 1:50

Nai emaikina iyoŋ kiwuak ŋilepi akitere eema ŋolo ilipere ka ŋiboro daadaŋ ŋulu eya tooma keŋ. Ani apaki ŋina iwotokiniata iyes anakibois ka adio, ŋilepi ikes edakete eema ŋolo ilipere kaapei ka ŋiboro daadaŋ ŋulu eya tooma keŋ, emaikina ikes kiteto eema ŋol, ido toduko ŋiemae kec kirimokis eema ŋolo ilipere.

Ekim. 8:15

Ekaku, epedorete ŋilepi alosit akitiya ŋiticisyo alo eema a ŋolokilipet kidau iyoŋ akitaleun ikes ka ainakin ikes erae ainakinet ŋina apolon nooi,

Ekim. 8:21

Apotu ŋilepi kitaleunos anasecit, kilotasi daŋ ŋilowi kec, ekaku a ŋun, abu Aron inak ikes neni ke Ekapolon erae ainakinet ŋina apolon nooi ka abu Aron tomooku ikes kitesegu.

Ekim. 8:23

Kirwor Ekapolon neni a Moses tema, “Emaikina ŋilepi, togeut etic kec alotooma eema ŋolokilipet erae ŋikaru kec ŋatomoniarei ka ŋikan ka adepar,