Ekim. 6:5 - Ebaibul

⁵ “‘Ŋirwa daadaŋ ŋulu eraakatar ikes Ŋinasari ŋulu ikoŋito aŋuna ka akitiyanakin Ekapolon, nyemaikina ikes totubo ŋitim kec, emaikina ikes kipinya ŋitim kec kimyekis tooyata akitodol apaki ŋina edaunotor ŋirwa ŋulu ikoŋitotor ikes araakau Ŋinasari, emaikina ikes erae ŋulu esegak.

Ekim. 6:5 Iomraidhean Croise

Esek. 44:20

Nyemaikina ikes tobanya ŋitim kec, kori kimyekis ŋitim kec tooyata nooi, nai emaikina ikes totubete ŋitim kec.

Ekim. 6:4

Nyemaikina ikes kiira idiobore ŋini elemunitae alokitoe a epiini, kerae ŋicok, kori ŋapoco ŋirwa daadaŋ ŋulu ka akiyar kec ŋulu eraakatar ikes Ŋinasari.

Ŋitic. 18:18

Kiboiyoto Paulo ka ŋikanupak alo Korinto ŋirwa ŋulu alalak. Ani ekaku, totyakas ka ikes, torukosi iŋes ka Prisila ta Akwila, todoka ameeli, toloto Siria. Ani eriŋa Paulo nyeloto alo Kenikerea, totub ŋitim keŋ aŋuna ka akikoŋ a ŋina abu iŋes kikoŋ neni ka Akuj.

Ŋikat. 13:5

anerae ipotiuni iyoŋ ka idouni ikoku ŋinisapat. Emam ebanyet emaikina totap akou keŋ, anerae eruwor Enasarait, edya ŋolo italeoritae aŋuna ka akitiyanakin Akuj ameun anakidouno keŋ. Iŋes ebuni ageikin alakun Ŋisirael anapedor a Ŋipilistin.”

Ŋikat. 16:17

Aŋun, abu Samuson tolimok Delila neni eryamunitor iŋes agogoŋu keŋ, tolimok tema, “Nyetapa ebanyet akou kaŋ ŋinapei koloŋ, anerae arae ayoŋ Enasarait ŋolo eketaleoritae ŋinapei eriŋa ayai nakook a toto kaŋ aŋuna ka akitiyanakin Akuj. Ani kebanyi akou kaŋ, edaun agogoŋu kaŋ, apalagagiar ayoŋ, ikikwaanikin ka ŋituŋa ŋuluce.”

Ŋikat. 16:19

Kimyek Delila Samuson tojotoor anakejen keŋ, tosodi tonyarau ekile epei, kitobanya ŋaeneta a ŋitim a Samuson ŋunakanikaarei. Togeu Samuson apalagag, todaun agogoŋu aneni keŋ.

1 Sam. 1:11

Tolimu akikoŋet na ebe, “Okoe Ekapolon ŋolo Etiron, kerae ca kiŋolikini akitiditeuna kaŋ a aketiyan kon, ido itotamu iyoŋ ayoŋ, nyikimuryak ayoŋ aketiyan kon, nai ikiinak ayoŋ ŋina arae aketiyan kon ikoku ŋinisapat, ayauni ayoŋ iŋes kiŋaren kon erae ŋini italeunitoe, ŋini nyebanyio akitodol natwanare keŋ. Nyemasi iŋes epiini, kori ibore daadaŋ ŋini ikitemerakini, mam ituŋanan emaikina totapak ebanyet nakou keŋ.”