Ekim. 6:20 - Ebaibul

²⁰ Ikyaari nai esacaradoti ŋainakineta ŋuna kikyaara aloŋaren Ekapolon, erae ŋainakineta ŋun ŋuna esegak ŋuna emaikina esacaradoti toryamu kaapei ka atorobu ŋina ikyaanaryo ta amuro ŋina erae ainakinet. Ekaku ŋun epedori ituŋanan ŋini sek etaleoritae aŋuna ka akitiyanakin Ekapolon akimat epiini.

Ekim. 6:20 Iomraidhean Croise

Ekal. 9:7

Torubakisi imujete akimuj kus analakara ka imasete ŋimaten kus analelyanu a ŋitai kus; anerae edaunit sek Akuj akitemokin ŋuna emaikina iyes kitiyata.

Isa. 25:6

Esubakini alomoru alo Ekapolon ŋolo a ŋajoresyo ŋasuban ŋuna ka akimuj a ŋina ajokan aŋuna a ŋituŋa a daadaŋ, ŋasuban ŋuna a epiini a ŋolo abobon nooi, ŋuna ka akimuj a ŋina ajokan nooi ka epiini ŋolo abobon nooi ŋolo eliitae ejok.

Isa. 35:10

Eboŋunete ŋituŋa ŋulu adau Ekapolon alakun, eboŋunete ikes Sion eosi, eryamunete ikes alakara ŋina a ŋikaru ka ŋikaru; eryamunete ikes alelyanu ka alakara, edaun akiyaloloŋ ka akisuta aneni kec.

Ŋilep. 10:15

Emaikina yaunae neni kon amuro ŋina erae ekiner kon ka atorobu ŋina ikyaanaryo, yaunae kaapei ka ŋasepwa a ŋainakineta a ŋuna epeyo, ikotere kiyaanarae alokiŋaren Ekapolon. Eruwor ŋinerin ŋul ŋulu kon ka ŋidwe kon ŋikaru ka ŋikaru, lopite ŋolo adaunia Ekapolon alimun.”

Ŋilep. 23:11

Emaikina esacaradoti kikyaa ŋaraito ŋun alokiŋaren Ekapolon, ikotere iyes iruwor ŋulu ikicamunit Ekapolon; emaikina iŋes kikyaa ŋaraito ŋun akoloŋit ŋina esyaunan kelunyar Sabato.

Ŋilep. 7:30

Emaikina ituŋanan ŋin yau a ŋakan keŋ a ilope ainakinet ŋina epeyo neni ke Ekapolon; emaikina iŋes yau asepwae a ibarasit a ŋin, kaapei ka atorobu a ibarasit a ŋin, ido kikyaanarae atorobu alokiŋaren Ekapolon ikwapei ainakinet neni ke Ekapolon.

Ŋilep. 7:31

Emaikina nai esacaradoti kicuny asepwae ŋin, nai kimyek atorobu erae ekiner ka Aron ka ŋidwe keŋ ŋulusapa.

Ŋilep. 7:32

Emaikina iyes inakis esacaradoti amuro ŋina aloteten, ŋina a ibarasit a ŋini erae ainakinet ŋina ke ekisil ke Ekapolon. Erae ŋol ekiner ŋolo emaikina iŋes toryamu.

Ŋilep. 7:34

Adau ayoŋ alemar anainakineta a Ŋisirael a ŋuna ke ekisil, atorobu a ibarasit a ŋini ikyaanaryo amuro ŋina aloteten ikwapei ŋainakineta ŋuna emaikina toryamu. Ainak ayoŋ ŋinerin ŋul neni ka Aron ke esacaradoti ka ŋidwe keŋ ŋulusapa ikwapei ŋinerin ŋulu emaikina ikes toryamununeete aneni a Ŋisirael a ŋinapaki.’ ”

Ŋilep. 9:21

Tolemu Aron ŋatorobwo ka ŋamuroi ŋuna aloteten ŋuna a ŋibaren a ŋul, kikyaa kidiama ikwapei ainakinet ŋina ikyaaritae alokiŋaren Ekapolon, lopite ŋolo ecikitor Moses iŋes.

Sakar 10:7

Egogoŋioto ŋituŋa a Isirael ikwa ŋasigarya, elakarosi ikwa ŋituŋa ŋulu emasito epiini, etamununeete ŋipapae kec akiloun ŋin, ido elakarosi aŋuna adau Ekapolon akitiyakin.

Sakar 9:15

Iuryari Ekapolon ŋolo Etiron ŋituŋa keŋ, ido emunyarete ŋituŋa a Ekapolon ŋimoe kec. Ecelunete ikes alo jie esibit ŋituŋa ŋulu emerasi, ido earete ŋituŋa a Ekapolon ŋimoe kec; toleleiyasi ŋaokot a ŋimoe kec ikwa ŋaokot a ŋamuronisya ŋuna ebukokinio Namuroet anabakule.

Sakar 9:17

Ejokyar nooi ka ibusyar nooi akwap kec. Epolounete anakwap a ŋin ŋisorok ka ŋasorok erae ŋulu itogogoŋit ekidikidi ka epiini.”

Ekim. 18:18

nai erae akiriŋ kec ŋina kon, lopite ŋolo eraakar atorobu ka amuro ŋina aloteten a ainakinet a ŋina ikiyanaryo ŋuna kon.

Ekim. 5:25

Elemuni nai esacaradoti ainakinet ŋina a ŋikinyom anakan a aberu, kikyaa erae ainakinet neni ke Ekapolon, kiwuak namuroet.

Ekim. 6:21

“‘Erae ŋol ekisil aŋuna a Ŋinasari a ŋulu ikoŋete. Emaikina ikes inakis neni ke Ekapolon ŋainakineta kec lopite ŋolo ikoŋitotor ikes, pa imaritae ibore ice ŋini epedorete ikes alemun. Emaikina ikes kitiyata ŋuna ikoŋito iwuapito ŋikisila ŋulu akitaleoro kec.’ ”

Mat. 26:29

Akalimokini ayoŋ iyes atemar, nyamasi nabo ŋuna ke epiini, mati kedol akoloŋit ŋina ikimasya iwon a Napukan a Papa kaŋ.”

Mar. 14:25

Akalimokini ayoŋ iyes kire atemar, nyamasi nabo ayoŋ ŋuna ke epiini akitodol akoloŋit ŋina amasya ekitetyana a Napukan ka Akuj.”

Yoa. 19:30

Ani kedau Yesu akimat epiini ŋolo adadaŋan ŋol, tolimu tema, “Erikakin.” Kijuuru, kiridak.