Ekim. 4:6 - Ebaibul

⁶ torapakis ejamu ŋolo edaitae kidiama, topetakis nabo kidiama ejamu ŋol elou ŋolopus, ani irikakin kiwuakis ŋipirin neni emaikina eya.

Ekim. 4:6 Iomraidhean Croise

Awos. 25:10

“Emaikina Ŋisirael kitiyaut Asaduku anakito a ŋuna ke eewoi, kitiyaut aoyau ka Asaduku alosepyon erae ŋasentimitae amiat ka ŋatomon, torae aoyau alokiŋaren ka neni iteotor ŋasentimitae ŋatomonikanikapei ka ŋikanikapei, ido aoyau alokwap tari kidiama emaikina erae ŋasentimitae ŋatomonikanikapei ka ŋikanikapei.

Awos. 35:19

ŋilowi ŋulu edonyunitoe ejok ŋulu itiyaere anakibois a ŋina asegan, ŋulu ke etal ŋulu ka Aron a esacaradoti ka ŋulu a ŋidwe keŋ a ŋulusapa, ŋulu itiyaata ikes ikwapei ŋisacaradotin.”

Awos. 39:1

Abu Besalel kisitiyau ŋipiiryanotin ŋul ŋilowi ŋulupusiyek, ŋulu kipura-areŋak ka ŋulu areŋak, ŋulu ke esacaradoti ŋulu itiyaa anakibois a ŋina Asegan. Apotu ikes kitiyaut ŋilowi ŋulu ka asacaradotonu, aŋuna ka Aron, lopite ŋolo ecikitor Ekapolon Moses.

Awos. 39:41

Yaut ikes ŋilowi ŋulu edonyitoe ejok ŋulu itiyaere anakibois a ŋina asegan, ŋilowi ŋulu ke etal ŋulu ka Aron ke esacaradoti ka ŋulu a ŋidwe keŋ a ŋulusapa a ŋulu itiyaete ikwapei ŋisacaradotin.

Ekim. 4:14

ka kiwuakis kidiama namuroet ŋiboro daadaŋ ŋulu sek isitiyao a namuroet lu: Ŋasipiryae ŋuna edakere akim, ŋiboro ŋulukuret akim, ŋikitiyoi, ŋabesenio ŋunawuaset ka ŋiboro daadaŋ ŋulu isitiyao a namuroet, ido kimukokis ejamu ŋolo edaitae ka kiwuakis ŋipirin neni emaikina eya.

Ekim. 4:25

Akidak ŋanaŋgae ŋuna a akibois a ŋina asegan, eema ŋolokilipet kaapei ka ŋanaŋgae ka ejamu ŋolo edaitae ŋolo imukokinitae kidiama eema ta anaŋga ŋina inenekinitoe lopuke ŋolo ke eema a ŋolokilipet,

Ŋikis. 31:9

Abu nai Moses kigir ŋikisila ŋul, ido inak neni a ŋisacaradotin, neni a ŋidwe a Lepi a ŋulu aryoŋito Asaduku ŋina ka Acamunet ke Ekapolon ka neni a ŋikasikou a Ŋisirael daadaŋ.