Ekim. 4:28 - Ebaibul

²⁸ Erae ŋul ŋiticisyo a ŋatekerin a Ŋigerisoni alotooma eema ŋolokilipet, Isamar lokoku ka Aron a esacaradoti iŋes epolokini ikes aloticisyo kec.”

Ekim. 4:28 Iomraidhean Croise

Awos. 38:21

Erae lo etyae a ŋiboro a ŋulu adukere Eema ŋolo eryamununosi Ŋisirael aŋuna ke Ekapolon, eema ŋolo ewuakinitae ŋamoru ŋunaarei ŋunadapal, ŋuna egiritae Ŋakiciketa ŋunatomon. Arae Moses abu tolimu atemar kimarae ŋiboro ŋul, ido apotu ŋilepi ŋulu apolokinit Isamar lokoku ka Aron a esacaradoti kitiyata ŋun.

Ekim. 4:27

Itiyaete Ŋigarisoni ŋiticisyo kec daadaŋ ikwapei elimokiniata Aron ka ŋidwe keŋ ŋulusapa ikes, akidak ŋiboro ŋulu emaikina ikes todaka ka akitiya etic ŋolo emaikina ikes kitiyata. Erae Aron ka ŋidwe keŋ ŋulusapa ikes elimokinete Ŋigerisoni akitiya ŋuna emaikina ikes kitiyata.

Ekim. 4:29

Tolimok nabo Ekapolon Moses tema, “Kimar ŋilepi ŋulu ka ateker a Ŋimerari, kimar ikes a ŋatekerin kec iwuapit ŋikalya atapapaa kec,

Ekim. 4:33

Erae ŋul ŋiticisyo a ŋatekerin a Ŋimerari alotooma eema ŋolokilipet. Isamar lokoku ka Aron a esacaradoti iŋes epolokini ikes aloticisyo kec.”

Ekim. 7:7

Abu iŋes inak Ŋigarisoni ŋagaari ŋaarei ka ŋimoŋin ŋiomwon ikwapei eitanitotor ikes alotic kec,