Ekim. 4:15 - Ebaibul

¹⁵ Kedaut Aron ka ŋidwe keŋ ŋulusapa akimuk akibois ŋina asegan ka ŋiboro daadaŋ ŋulu isitiyao a nen, apaki ŋina ewotokinere edakete Ŋikoati ŋiboro ŋul, nyemaikina ikes etapete ŋiboro ŋulu italeunitoe, anerae ketapa ikes ŋiboro ŋul etwakete. Erae ŋul ŋiboro ŋulu a eema a ŋolokilipet ŋulu emaikina Ŋikoati todaka apaki ŋina ewotokinere.

Ekim. 4:15 Iomraidhean Croise

2 Sam. 15:24

Potu Abiasar ka Sadok ta ŋilepi daadaŋ, edakito Asaduku ŋina ka Acamunet. Kiwuakis kwap nen akitodol ŋina alunyarotor ŋituŋa daadaŋ esunyunotor alotaun.

2 Sam. 6:13

Ani kedaut ŋituŋa ŋulu adakito Asaduku ŋina ka Acamunet arotokin ŋikilames ŋikanikapei, toar Daudi emoŋ ka itaok ŋini atuman erae amuronot.

1 Ŋirw. 8:3

Ani kedaut ŋikasikou a Ŋisirael daadaŋ acunun todakasi ŋisacaradotin Asaduku,

1 Ŋakiro a ŋirwa 15:15

Apotu nai ŋilepi todakut Asaduku ka Akuj eryoŋito aloseketa, iwuakinitae kidiama ŋakito, lopite ŋolo sek ecikitor Moses ikes anakirot ke Ekapolon.

1 Ŋakiro a ŋirwa 15:2

Tema nai iŋes, “Mam ituŋanan ice, ŋini edakuni Asaduku mati ŋilepi bon, anerae abu Ekapolon toseu ikes adakit Asaduku ke Ekapolon ka akitiya etic keŋ ŋikaru ka ŋikaru.”

1 Ŋakiro a ŋirwa 23:26

Aŋun, nyemaikina ŋilepi torubakis edakanarete anakibois kaapei tari ŋinace eema, kori ŋinibore daadaŋ esitiyao ilipyo.”

Awos. 19:12

Kiwuak egeri kiryam emoru cib, ikotere nyilamar ŋituŋa lomoru, tolimok ikes ebe, ‘Tocoito nyitipeiyosi lomoru, nyiapiyasi tari nakeju ke emoru. Ituŋanan daadaŋ ŋini eapiyari nen, emaikina toarae.

Awos. 19:21

tema Ekapolon neni keŋ, “Ape totiyaiyar kwap emoru tolimok ŋituŋa tocoito areiun ne kidiama emoru akiŋolikin Ekapolon. Ani kitiyata ikes ŋun, irikarosi ŋulu alalak alokidiŋ kec.

Awos. 27:7

ido kirepak ŋakito ŋun nasuwa ŋunaluluŋ ŋun, ikotere todakitere Namuroet alowaetin a ŋuluarei.

Ŋilep. 16:13

Emaikina iŋes kiwuak ekinyate ŋol nakim alokiŋaren Ekapolon, ikotere toburusiya apuru ke ekinyate nakibois ŋina ka akisyonio ŋina eyai kidiama Asaduku ŋina ka Acamunet, erae ŋun akiretakinia iŋes nyetwana.

Ekim. 1:50

Nai emaikina iyoŋ kiwuak ŋilepi akitere eema ŋolo ilipere ka ŋiboro daadaŋ ŋulu eya tooma keŋ. Ani apaki ŋina iwotokiniata iyes anakibois ka adio, ŋilepi ikes edakete eema ŋolo ilipere kaapei ka ŋiboro daadaŋ ŋulu eya tooma keŋ, emaikina ikes kiteto eema ŋol, ido toduko ŋiemae kec kirimokis eema ŋolo ilipere.

Ekim. 1:51

Ani iwuotokinete iyes anakibois a adio, ŋilepi ikes elacunete eema ŋol ka ikes pei edukokinete nabo nakibois ŋina ilomete iyes, ituŋanan daadaŋ ŋini eapuuni loeema ŋol emaikina toarae.

Ekim. 10:21

Ekaku towotokis nai Ŋikaoti ŋulu ewokito ŋiboro ŋulu asegak, amaikina eema todukokinae eriŋa ikes nyedoluno neni elomio.

Ekim. 18:3

Itiyaete ikes ŋiticisyo aŋuna kon ka aŋuna ke eema daadaŋ. Nai nyecamitae ikes etapete ŋiboro ŋulu isitiyao anakibois a ŋina asegan, kori anamuroet, ani ketapa ikes ŋiboro ŋul etwakete kaapei ka iyoŋ.

Ekim. 3:38

Emaikina Moses ka Aron ta ŋidwe ka Aron ŋulusapa toloma kiŋaŋaren eema ŋolokilipet, lowae ŋolo alo Kide, ŋolo elomununia akoloŋ, etic kec akitiya ŋitalyo alotooma akibois ŋina asegan aŋuna a Ŋisirael. Ituŋanan daadaŋ ŋini aapiyari nen, amaikina toarae.

Ekim. 4:14

ka kiwuakis kidiama namuroet ŋiboro daadaŋ ŋulu sek isitiyao a namuroet lu: Ŋasipiryae ŋuna edakere akim, ŋiboro ŋulukuret akim, ŋikitiyoi, ŋabesenio ŋunawuaset ka ŋiboro daadaŋ ŋulu isitiyao a namuroet, ido kimukokis ejamu ŋolo edaitae ka kiwuakis ŋipirin neni emaikina eya.

Ekim. 4:19

Emaikina iyes kitiyata nu, ikotere ikes eyarete ka nyetwaka apaki ŋina eponiata ikes diyete ŋiboro ŋulu asegak nooi ŋul, emaikina Aron ka ŋidwe keŋ ŋulusapa tolomasi tooma eema tokorakis ŋolokile etic keŋ, ido tolimokis ŋolokile ŋiboro ŋulu emaikina iŋes todak.

Ekim. 4:20

Nai nyemaikina Ŋikoati tolomasi tooma eema akiŋolikin ŋiboro ŋulu asegak nooi ŋul tari apaki ŋina euruwuana, anerae kiŋolikis ikes ŋiboro ŋul, etwakete apaki ŋina euruwuana ŋin.”

Ekim. 7:9

Nai abu Moses nyeinak Ŋikaoti ŋagaari, kori ŋimoŋin, amaikina ikes toryoŋa ŋiboro ŋulu asegak ŋulu ainakinitae ikes akiricit.

Ŋikis. 31:9

Abu nai Moses kigir ŋikisila ŋul, ido inak neni a ŋisacaradotin, neni a ŋidwe a Lepi a ŋulu aryoŋito Asaduku ŋina ka Acamunet ke Ekapolon ka neni a ŋikasikou a Ŋisirael daadaŋ.

Yos. 4:10

Apaki ŋina adokaryata Ŋisirael ekekwaye aŋolol Yorodan, arubakinito ŋisacaradotin ŋulu adakito Asaduku ŋina ka Acamunet ewuasi alokidiŋ aŋolol, akitodol ŋina erikakinotor ŋakiro daadaŋ ŋuna ecikit Ekapolon Akuj Yosua alimokin ŋituŋa kitiyata, lopite ŋolo keris Moses kicikia Yosua. Apotu ŋituŋa kiburuburakis akidok aŋolol ekekwaye.

1 Sam. 6:19

Abu Ekapolon kisican ŋikilyok a Bes-Semes ŋice, toar ŋatomonikanikaarei aŋuna keponiata ikes toripiyasi tooma Asaduku ŋina ke Ekapolon, aya lokimar ŋol ŋikapolok ŋatomonikan, kigworo ŋituŋa aŋuna abunio Ekapolon tomunyarya ŋituŋa ŋulu alalak nooi.