Ekim. 33:53 - Ebaibul

⁵³ Ikamarete iyes akwap ŋin, ido kiboikinos nen, anerae akainak ayoŋ iyes akwap ŋin toruwor ŋina kus.

Ekim. 33:53 Iomraidhean Croise

Akisy. 15:7

Tolimok Ekapolon Aburam tema, “Arae ayoŋ Ekapolon ŋolo abu okoyau iyoŋ alo Ur anakwap a ŋina a Ŋibabiloniyae; aŋuna ka ainakin iyoŋ akwap na toruwor ŋina kon.”

Ŋikiru. 115:16

Erae kidiama nooi neni ke Ekapolon, nai ainaki iŋes ŋituŋa akwap.

Dan. 4:17

Erae ŋin atubokinet a ŋimalaikan a ŋulu eteok akwap, erae ŋun ŋuna elimunito ŋulu asegak, ikotere eyenunete ŋituŋa daadaŋ ŋulu eyarete atemar, Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin einakini iŋes apukan neni a ituŋanan a ŋini itiditeuna bon alotuŋa a daadaŋ.’”

Dan. 4:25

Ikiritaryo iyoŋ alotuŋa a ŋuluce, eruwor neni iboiyoto ŋityaŋ ŋulu ka ariet iboiyo iyoŋ. Inyami iyoŋ ŋinya ikwa enyamyata ŋaatuk, ikitopalalete iyoŋ ŋakopi ŋuna alokidiama, irubakini iyoŋ ikoni nen ŋikaru ŋikanikaarei akitodol ŋina iyenunia iyoŋ atemar Akuj ŋina alokidiama nooi iŋes ipukat ŋakwapin ŋuna ipukato ŋituŋa ka einakini iŋes apukan neni a ŋini ecamit iŋes ainakin.

Dan. 4:32

Ikiritaryo iyoŋ alotuŋa a ŋuluce, eruwor neni iboiyoto ŋityaŋ ŋulu ka ariet iboiyo iyoŋ, inyami iyoŋ ŋinya ikwa enyamyata ŋaatuk, irubakini iyoŋ ikoni nen ŋikaru ŋikanikaarei, akitodol ŋina iyenunia iyoŋ atemar Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin.”

Mat. 20:15

Amamukar mono ayoŋ apedori ŋinakisitiyaet ŋiboro kaŋ ikwaŋina acamitor a? Kori eyai iyoŋ arakao aŋuna ka arimaanut kaŋ?’”

Ŋikis. 11:31

Ani idokarete iyes ekekwaye Yorodan, ilomarete akiboikin nakwap ŋina ikiinit iyes Ekapolon Akuj kus ka ani ikamarete iyes iŋes ka iboikinosi nen,

Ŋikis. 17:14

Ani idolete iyes nakwap ŋina ikiinit iyes Ekapolon Akuj kus, kidaut akikamar ka kiboikinos nen, ido itemasi, “Oseutu aŋuna yok erwosit ŋolo ikipukae iwon, lopite ŋolo eyakatar ŋirwosi nakwapin daadaŋ ŋuna ikidunyar iwon,”

Ŋikis. 3:18

Apaki ŋin, abu ayoŋ ekecik iyes otema, “Tari daŋ kikiinit iyes Ekapolon Akuj kus akwap ŋin toruwor ŋina kus, emaikina ŋasigarya kus totuboros ekekwaye Yorodan etiŋito ŋiboro ŋulu ke ejie, kiŋarenikis ŋiyeneta kus Ŋisirael ŋuluce.

Ŋikis. 32:8

Apaki ŋina akorya Akuj ŋina alokidiama nooi akwap a Ŋisirael, apaki ŋina atyakatyakaa iŋes Ŋisirael, abu kiwuak ŋikukorin a ŋakwapin a Ŋisirael iwuapit ekimar a ŋidwe a ŋulusapa a ŋulu a Isirael.

Ŋikis. 7:17

Ani kitemasi iyes ebe, “Elalak ŋituŋa a ŋakwapin a nu akilo isua, ikikokini nai isua ikiritari ikes ai?”

Yos. 1:6

Togogoŋior, nabo totitinyor, anerae iyoŋ isikamari ŋituŋa lu akwap ŋina abu ayoŋ ekoŋ ainakin atapapaa kec.

Yos. 21:43

Epite ŋol iŋes ainakinia Ekapolon Ŋisirael daadaŋ akwap ŋina abu iŋes kiik anakikoŋiet keŋ ainakin neni atapapaa kec. Apotu Ŋisirael kikamasi akwap ŋin kiboikinos nen.

Yos. 23:5

Ekapolon ŋolo erae Akuj kus iŋes ebwaŋi ŋituŋa a ŋakwapin a ŋun aneni kus, iritari ikes aneni itorete iyes apaki ŋina ilosyoto akirem ikes, ido nai kikamasi iyes ŋakwapin kec toruwor ŋuna kus lopite ŋolo ikiikinitor iyes Ekapolon ŋolo erae Akuj kus.