Ekim. 31:6 - Ebaibul

⁶ Abu nai Moses kiyakiya ŋikilyok ŋul lojie, a ŋolokabila alemunit ŋikilyok aliput. Apotu ŋikilyok ŋul torukosi kaapei ka Pineas lokoku ka Eleasar a esacaradoti a ŋolo atiŋit ŋiboro ŋulu esitiyao anakibois a ŋina asegan ka ŋarupepe ŋuna akusyo eramere eli.

Ekim. 31:6 Iomraidhean Croise

2 Sam. 11:11

Toboŋok Uria Daudi tema, “Eriŋa Asaduku ka Ŋisirael ta ŋituŋa a Yudaya iboiyete aloeemae, nabo Yoab daŋ ekapolon kaŋ ka ŋiketiyak a ekapolon kaŋ, iboiyete aneni elapat anariet. Apedori mono ayoŋ alosit kai kaŋ akimuj ka akimat, ido eryamakinos ka aberu kaŋ? Ekoŋi ayoŋ atemar ani eriŋa iyoŋ iyari, nyetiyakini ayoŋ ŋakiro ŋun.”

Esir 7:5

a ŋolo arae lokoku ka Abisya a ŋolo arae lokoku a Pineas a ŋolo arae lokoku ka Eleasar a ŋolo arae lokoku ka Aron a esacaradoti a ŋolo Apolon nooi.

Awos. 25:9

Kitiyautu Eema ŋolo iryamununoi, kiwuakis ŋiboro keŋ daadaŋ lopite ŋolo alosyo ayoŋ akitoodikin iyes.”

Ekim. 14:44

Nai apotu ikes nyiirasi ŋuna alimokini Moses ikes, apotu kitipeiyosi nakwap ŋina a ŋikamukumukui tari daŋ ŋina edoŋitotor Moses ka Asaduku ŋina ka Acamunet nalomar.

Ekim. 31:5

Aŋun, alotuŋa a Isirael a ŋulu arae ekimar kec ŋalipyo ŋuna alalak, aponi toseunae ŋikilyok ŋalipyo ŋatomon ka ŋaarei, aliput a ŋolokabila, aŋuna ka alosit lojie.

Ŋikis. 20:2

Ani eriŋa iyes nyitijikino ŋimoe kus, tonyarautu esacaradoti bu kiŋaren, kirwor neni a ŋasigarya,

Yos. 22:13

Aŋun, apotu Ŋisirael kiyakiyasi Pineas lokoku a Eleasar a esacaradoti alosit nakwap a Gilead neni a ŋituŋa a ekabila a Ruben ka ŋulu a Gad ta ŋulu a atutubet a apei a ŋina a Manase.

1 Sam. 14:18

Tema Saul neni ka Aija, “Yau Asaduku ka Akuj laalo.” Akoloŋit ŋin, adakito Ŋisirael Asaduku ŋina ka Akuj anajore kec.

1 Sam. 23:9

Ani eyenuni Daudi atemar itemonokin Saul akitiya aronis neni keŋ, tema neni ka Abiasar a esacaradoti, “Yau arapet laalo.”

1 Sam. 4:17

Toboŋok ekayaunan ŋakiro ŋol tema, “Asurosi Ŋisirael alokiŋaren Ŋipilistin, ido etwakito ŋituŋa ŋulu alalak anajorei yok; aari tari ŋidwe kon ŋulusapa ŋuluarei Opini ka Pineas. Ademar Ŋisirael Asaduku ŋina ka Akuj.”