Ekim. 30:13 - Ebaibul

¹³ Eyakar ekile a aberu a ŋin apedor ŋina kimyekinet aberu keŋ kisiyook; kori nyisiyook ŋuna ikoŋit, kori ŋuna iikinit aberu keŋ akitiya.

Ekim. 30:13 Iomraidhean Croise

Esir 8:21

Abu nai ayoŋ olimu atemar kiredakinae akiron anaŋolol Aapa, emika ŋawat kosi alokiŋaren Akuj kosi ibore ŋini ecamito ka eŋita iŋes ikiyok isua analosit kosi kaapei ka ŋidwe kosi ka a ŋuna a ŋiboro a daadaŋ ŋulu ikiyakar isua,

Ŋikiru. 35:13

Nai apaki ŋina adyakatar ikes, abu ayoŋ onap ŋilowi ŋulukigworet egwor aŋuna kec, ido abu etiditeun bon eredak akiron ka elip ejuurui,

Isa. 58:5

Itamete iyes erae ŋin akiredakin akiron ŋina acamit ayoŋ a? Itiditeuna iyes alotooma akoloŋit apei bon a? Acamit mono ayoŋ akijurur a ituŋanan esibit eoot ŋolo isijuurui ekuwuam a? Acamit mono ayoŋ akiper kus aloguniyae ka alokurono a? Erae mono ibore ŋin akiredanakin akiron a? Erae mono ŋin akoloŋit ŋina italakarit Ekapolon a?

Ŋilep. 16:29

“Emaikina iyes kiwuapa ŋakiro ŋuna etubunitoe nu ŋikaru ka ŋikaru: Ani edoli ŋirwa ke elap ŋitomon, elap ŋolo a ŋikanikaarei, emaikina iyes kiredakis akiron, ido nyitiyata etic edio; kiraakasi Ŋisirael ŋulu ikiurito Ŋisirael, kori ŋigelanotin ŋulu iboiyete kaapei ka Ŋisirael;

Ŋilep. 23:27

“Ani edoli ŋirwa ke elap ŋitomon, elap ŋolo a ŋikanikaarei, erae akoloŋit ŋin ŋina itiyaere amooki. Tocunakinos iwapei irae ŋulu asegak, kiredakisi akiron ka yaasi ainakinet ŋina epeyo neni ke Ekapolon.

Ŋilep. 23:32

Erae akoloŋit ŋin ŋina a Sabato ŋina emaikina kieŋunere, ido itemokino iyes kiredakis akiron. Ameun eboŋ, ŋirwa ke elap a ŋol ŋikanikaomwon, akitodol ataboŋ ŋinace, emaikina iyes totamunito Sabato.”

Ekim. 29:7

Ani edoli ŋirwa ke elap ŋitomon, elap ŋolo a ŋikanikaarei, tocunakinos kilipa, emaikina iyes kiredakis akiron ka nyilot loticisyo kus kitiyata.

Ekim. 30:12

Nai ani kewou lokile keŋ iŋes akisiyookin akikoŋiet, kori akiikinet keŋ, epedori aberu ŋin akimyekin akitiya ŋuna adau iŋes akikoŋ, kori akiikin, ido isyoni Ekapolon iŋes, anerae awou lokile keŋ iŋes akisiyookin ŋuna ekoŋit, kori eikinit iŋes akitiya.

Ekim. 30:14

Nai ani kililiŋia lokile a aberu a ŋin ŋakiro ŋun a ŋinakoloŋit, iŋes atemar ecamunit iŋes ŋakiro daadaŋ ŋuna abu aberu ŋin kikoŋ, kori kiik, anerae mam ŋakiro alimu iŋes kedau akiirar ŋuna ikoŋit, kori iikinit aberu keŋ akitiya.

1 Ŋikor. 11:3

Acamit daŋ ayoŋ iyes toyenete atemar Kristo iŋes epolokinit ŋolokile daadaŋ ka epolokinit ekile aberu; nabo epolokinit Akuj Kristo.

1 Ŋikor. 11:9

Nabo pa asubuni Akuj ekile aŋuna ka aberu, nai asubuni iŋes aberu aŋuna ke ekile.

1 Ŋikor. 7:5

Nyimikasi make ŋawat kus, mati sek icamuna iyes ikoŋina apaki adio, ikotere kisitiyata apaki ŋin akilipya. Nai kiryamunos nabo ikwapei ekile ka aberu ikwaŋinapei sek, ikotere nyikitem Satan iyes, anerae imamukatar iyes akiyapara.