nyicanakinosi ŋisacaradotin ŋulu a ekabila a Lepi ituŋanan ŋini ewoi alokiŋaren kaŋ ainakin ŋainakineta ŋuna epeyo, ŋainakineta ŋuna a ŋikinyom ka ainanakin ŋamuronisya ŋirwa daadaŋ.”
Eruwor ikes ŋiketiyak nakibois ŋina asegan alo Kai ka Akuj, ŋulu iyokiyete ŋipukei ŋulu ka Akai ka Akuj ka ŋulu itiyaete Kai ka Akuj; epedorete ikes akiar ŋibaren ŋulu eyaunitae nen erae ŋainakineta ŋuna epeyo ka ŋamuronisya a ŋuna a ŋituŋa. Emaikina ikes kitiyata etic aŋuna a ŋituŋa.
Aŋun, yau daŋ ŋikaitotoi kon ŋulu a ekabila a Lepi, ekabila a papa kon, ikotere ikitiyanakinete iyoŋ apaki ŋina itiyaata iyoŋ kaapei ka ŋidwe kon ŋulusapa alokiŋaren eema ŋolo ka Acamunet.
Apotu Nadab ka Abiu totwaka alokiŋaren Ekapolon apaki ŋina ainakiniata ikes akim ŋina pa etaleuno neni ke Ekapolon analoŋisat a Sinai ka amamukatar ikes ŋidwe. Apotu Eleasar ka Isamar kitiyata ikwapei ŋisacaradotin alorwa a ŋulu ayarya papa kec Aron.
