Ekim. 3:25 - Ebaibul

²⁵ Ainakinitae ŋisapa a ateker a Gerison etic ŋolo ka akibois a ŋina asegan ka eema ŋolokilipet, ŋarapeta ŋuna alokidiama, anaŋga ŋina ayai neni elomarere loeema ŋolokilipet,

Ekim. 3:25 Iomraidhean Croise

1 Ŋakiro a ŋirwa 23:32

Aŋun, apotu ŋilepi kitiyata ŋiticisyo kec ŋulu ainakinitae aŋuna ke eema a ŋolo elipere ka aŋuna a akibois a ŋina asegan, arae ŋikaitotoi kec ŋipapae ka Aron apolokinito ŋiketiyak ŋul alotic a ŋolo ka Akai ke Ekapolon.

2 Ŋakiro a ŋirwa 31:2

Abu nai Esekia kiwuanak ŋatukon a ŋisacaradotin ka ŋilepi, inak ŋinatukot ŋiticisyo ŋulu amaikina kitiya. Ŋiticisyo ŋul ikes aayenen ŋainakineta ŋuna epeyo, ŋainakineta ŋuna ke ekisil, akisilip alo Kai ka Akuj, aeo ka alakanar neni ka Akuj anakiboisyo a ŋuna egelegelya alo Kai ka Akuj.

Awos. 25:9

Kitiyautu Eema ŋolo iryamununoi, kiwuakis ŋiboro keŋ daadaŋ lopite ŋolo alosyo ayoŋ akitoodikin iyes.”

Awos. 40:19

Kiwuak nai ŋanaŋgae kidiama ŋakito ke Eema a ŋolo iryamununoi, ido kiwuak ŋijamu ŋulu adaitae kidiama Eema ŋol, lopite ŋolo ecikitor Ekapolon iŋes.

Awos. 40:28

Abu daŋ Moses kinenek anaŋga lopuke ŋolo ke Eema a ŋolo iryamununoi.

Ekim. 1:50

Nai emaikina iyoŋ kiwuak ŋilepi akitere eema ŋolo ilipere ka ŋiboro daadaŋ ŋulu eya tooma keŋ. Ani apaki ŋina iwotokiniata iyes anakibois ka adio, ŋilepi ikes edakete eema ŋolo ilipere kaapei ka ŋiboro daadaŋ ŋulu eya tooma keŋ, emaikina ikes kiteto eema ŋol, ido toduko ŋiemae kec kirimokis eema ŋolo ilipere.

Ekim. 10:17

Kedaut ŋituŋa ŋul daadaŋ awotokin, tolacunae nai eema inakinae ŋituŋa a ŋatekerin a Ŋigerisoni ka Ŋimerari todaka, towotokis nai ŋul daŋ,

Ekim. 3:24

arae ekarikon a ŋatekerin a Ŋigerisoni Eliasap lokoku a Lael.

Ekim. 3:7

Itiyaete ikes ŋiticisyo aŋuna ka Aron ka aŋuna ka atukot a ŋituŋa a daadaŋ alokiŋaren eema ŋolokilipet,

Ekim. 7:7

Abu iŋes inak Ŋigarisoni ŋagaari ŋaarei ka ŋimoŋin ŋiomwon ikwapei eitanitotor ikes alotic kec,

Mar. 13:34

Ikoni apaki ŋin ituŋanan ŋini anyouni alore keŋ, tolot iwace, kimyek ekeere, inak ŋiketiyak keŋ apedor, ŋoloketiyan ekeetic. Kicikak eketen ekidor akikieny apaki daadaŋ.

Ŋikol. 4:17

Tolimokisi Arikipo ebe, “Itemokino iyoŋ kirikak etic ŋolo ke Ekapolon, ŋolo aponi ikiinakin iyoŋ akitiya.”

1 Tim. 1:18

Timoteo lokoku kaŋ, ekecikakini ayoŋ iyoŋ ŋakiro nu, ikwaŋina koloŋ kedwaritere aŋuna kon. Kisitiya ŋakiro nu ikwapei ŋiboro ŋulu ijiyo iyoŋ, ikotere ijiyo ejok,