Ekim. 28:25 - Ebaibul

²⁵ Tosodi akoloŋit ŋina a ŋakanikaarei emaikina iyes tocunakinos iwapei kilipa, nyiloto loticisyo kus kitiyata.

Ekim. 28:25 Iomraidhean Croise

Awos. 12:16

Akoloŋit ŋina esyaunan, emaikina iyes totukokinos aŋuna ka akilip neni ke Ekapolon, ani nabo edoli akoloŋit ŋina a ŋakanikaarei, emaikina totukokinos aŋuna ka akilip neni ke Ekapolon. Nyitiyata etic edyo alorwa a ŋul, mati akipore akimuj ŋina enyami ŋinituŋanan, ŋun bon emaikina iyes kitiyata.

Awos. 13:6

Tonyama ŋamugati ŋuna emam ŋakinyalet ŋirwa ŋikanikaarei, ani edoli akoloŋit ŋina a ŋakanikaarei ŋin, kitiyata ŋasuban neni ke Ekapolon.

Ŋilep. 23:21

Akoloŋin ŋin, emaikina kiserata ŋakiro ŋuna a ŋasuban, tocunakinos iwapei kilipa irae ŋulu asegak; nyilot loticisyo kus akitiya. Erae ŋun ŋakiro ŋuna etubunitoe ŋuna a ŋikaru ka ŋikaru ananyameta kus a daadaŋ ka aneni daadaŋ iboiyoto iyes.

Ŋilep. 23:25

Nyilot loticisyo kus akitiya; yaasi ŋainakineta kus ŋuna icunyio neni ke Ekapolon.’ ”

Ŋilep. 23:3

“‘Kitiyata etic ŋirwa ŋikanikapei bon, nai akoloŋit ŋina a ŋakanikaarei erae ŋina a Sabato ŋina ka akieŋun. Erae akoloŋit ŋina asegan ŋina icunakinotor iyes iwapei kilipa. Nyemaikina iyes kitiyata etic edio aneni daadaŋ iboiyoto iyes. Erae akoloŋit ŋin Sabato ŋina ke Ekapolon.

Ŋilep. 23:7

Akoloŋit ŋina esyaunan alorwa a ŋul, tocunakinos iwapei kilipa irae ŋulu asegak; nyilot loticisyo kus akitiya.

Ŋilep. 23:8

Emaikina iyes alotooma ŋirwa ŋikanikaarei yaasi neni ke Ekapolon ŋainakineta kus ŋuna epeyo. Ani epete ŋirwa ŋikanikaarei alorwa a ŋul, tocunakinos iwapei kilipa irae ŋulu asegak. Nyilot loticisyo kus akitiya.’ ”

Ekim. 28:18

Akoloŋit ŋin, emaikina ŋituŋa tocunakinos iwapei kilipa, nyilot loticisyo kus akitiya.

Ekim. 28:26

Akoloŋit ŋina iyauniata iyes ŋaraito ŋuna eŋarenok, apaki ŋina iyauniata iyes neni ke Ekapolon ainakinet ŋina a ŋikinyom aŋuna a ŋasuban a ŋisabito, emaikina iyes tocunakinos kilipa, nyilot loticisyo kus kitiyata.

Ekim. 29:1

Ŋirwa ke elap epei elap ŋolo a ŋikanikaarei, emaikina iyes tocunakinos iwapei kilipa, nyemaikina iyes toloto loticisyo kus kitiyata, erae akoloŋit ŋin ŋina ikusyata iyes ŋarupepe,

Ekim. 29:12

Ŋirwa ke elap ŋitomon ka ŋikan elap ŋolo a ŋikanikaarei, emaikina tocunakinos iwapei kilipa, nyilot loticisyo kus kitiyata. Emaikina iyes kinumunuma ŋasuban neni ke Ekapolon ŋirwa ŋikanikaarei.

Ekim. 29:35

Ani epete ŋirwa ŋikanikauni emaikina iyes tocunakinos kilipa, nyemaikina toloto loticisyo kitiyata.

Ŋikis. 16:8

Irubakinete iyes inyamete ŋamugati ŋuna emam ŋakinyalet ŋirwa ŋikanikapei, ani edoli akoloŋit ŋina a ŋakanikaarei, emaikina tocunakin ŋituŋa aŋuna ka akilip, akoloŋit ŋin, mam etic emaikina kitiyae.