Ekim. 28:2 - Ebaibul

² “Kicik Ŋisirael daadaŋ, tolimok ikes ebe, ‘Emaikina iyes yaut neni kaŋ anapaki a ŋina etubunitoe ŋainakineta ŋuna epeyo ŋuna a ŋamugati aŋuna ebob eure kec aneni kaŋ.’”

Ekim. 28:2 Iomraidhean Croise

Akisy. 8:21

Tojoik nooi Akuj eure a ŋainakineta a ŋun, tema alotau keŋ, “Mam nabo nyeceni ayoŋ ŋalup aŋuna a ituŋanan, anerae etami ituŋanan aronis ŋinapei eriŋa edit, kori mam nabo jik nyamunyari ayoŋ ibore daadaŋ ŋini eyari anakwap, lopite ŋolo abunio omunyarya paan.

1 Ŋakiro a ŋirwa 23:31

ka ainanakin neni ke Ekapolon ŋainakineta ŋuna epeyo ŋapakio ŋuna a Sabato ka ŋuna a ŋasuban ke elap a ŋolokitete ta ŋapakio ŋuna itiyaere ŋasuban ŋunace daŋ. Amaikina ikes kitiyanakis Ekapolon a ŋinapaki iwuapito ekimar ŋolo ecikitae ikes kitiyaata a ŋinapaki alokiŋaren Ekapolon.

2 Ŋakiro a ŋirwa 23:18

Kiwuak nai Yeoiyada ŋilepi ŋulu arae ŋisacaradotin akitere Akai ka Akuj. Arae ŋilepi ŋul ŋulu sek keris Daudi kiwuak akitere Akai ka Akuj ka aayenen ŋainakineta ŋuna epeyo neni ke Ekapolon lopite ŋolo igiritere lokisila a Moses. Amaikina ŋilepi ŋul erae ŋulu elelyanete ka ŋulu eosi apaki ŋina eyaeta ŋainakineta neni ke Ekapolom ikwapei alimunitor Daudi.

2 Ŋakiro a ŋirwa 31:3

Abu erwosit tolemu alobaren keŋ ke elope ŋimoŋin ka ŋimesekin erae ŋainakineta ŋuna epeyo taparacu ka eboŋ, ŋapakio ŋuna a Sabato ka ŋuna elomunia elap ŋolokitete ta ŋapakio ŋace daadaŋ aŋuna a ŋasuban a ŋuna amaikina kitiyae ikwapei igiritere tooma ŋikisila ŋulu ke Ekapolon.

Esir 3:2

togeut nai Yesua lokoku a Yeosadak kaapei ka ŋisacaradotin ŋuluce ka Serubabel lokoku a Sealtiel ta ŋiyeneta keŋ adukokin Namuroet ŋina ka Akuj a Isirael ikotere einanakinete ŋainakineta ŋuna epeyo alokidiama Namuroet ŋin, lopite ŋolo elimunitere alokisila a Moses a ŋolo arae ituŋanan ŋini ka Akuj.

Esir 3:3

Apotu ikes todukokis Namuroet nakisyakinet keŋ, tari ŋina akeritotor ikes ŋituŋa ŋulu eboiyete anakwap a ŋin. Tosodi inanakis ŋainakineta ŋuna epeyo alokidiama Namuroet ŋin, taparacu ka eboŋ.

Neem. 10:34

Adaun daŋ isua ŋisacaradotin, ŋilepi ka ŋituŋa ŋuluce akilamilam aŋuna a ŋainakineta a ŋakito, ikotere eyeununio ateker ŋina emaikina yau ŋakito alotooma apaki ŋina etubokinitae ikes a ŋolokaru; emaikina yaunae ŋakito ŋun Kai ka Akuj aŋuna ka akinokia akim alokidiama Namuroet a Ekapolon kosi, lopite ŋolo igiritere lokisila.

Ŋikiru. 81:3

Tokutakisi abureryaŋ a emesek elomuni elap ŋolokitete ka apaki ŋina ilesikinor elap kidiama, akoloŋit ŋina a ŋasuban yok:

Awos. 23:15

Totamunito akitiya ŋasuban ŋuna a ŋamugati a ŋuna emam ŋakinyalet. Kitiyata ŋasuban ŋun lopite ŋolo akalimokinitor ayoŋ iyes atemar emaikina tonyama ŋamugati ŋuna emam ŋakinyalet ŋirwa ŋikanikaarei. Kitiyata ŋun alolap a ŋolo ka Abib, anapaki a ŋina akalimokinit ayoŋ iyes, anerae ipotu iyes tolomut alo Ijipit elap ŋolo ka Abib. “Mam ituŋanan emaikina bu neni kaŋ emam ibore eyaunit ainakin ayoŋ.

Awos. 29:18

tope nai emesek daadaŋ alokidiama Namuroet, anerae erae iŋes ainakinet neni ke Ekapolon ŋina epeyo, ŋina ebob eure keŋ ka ŋina emaikina topeoi einakinio Ekapolon.

Esek. 16:19

Tari ŋamuja nu ŋuna abu ayoŋ okoinak iyoŋ ŋakirya ŋuna ajokak, akimyet ŋina ka olipa ka akimyet ŋina ka ao, iya iyoŋ iwuak kiŋaren kec erae ibore ŋini ebobokinit ŋakujo ŋun eure kec. Idau iyoŋ akitiya ŋakiro ŋun akitojokar aneni a ŋakujo.

Esek. 20:41

Kadau ayoŋ ayaun iyes anakiboisyo a ŋuna ikielaritae ka acunakin iyes iwapei, acamuni ayoŋ ŋamuronisya ŋuna ipeyete iyes, ido etoodiun ayoŋ neni kus erae Akuj ŋina asegan ka iŋolikinete ŋituŋa a ŋakwapin ŋun.

Esek. 45:17

Nai erae etic a ekepukan alemunun ŋainakineta a ŋibaren ŋuna epeyo, ŋainakineta ŋuna a ŋikinyom, ŋainakineta ŋuna a ŋimaten. Emaikina iŋes kitiya ŋun a ŋuna a ŋituŋa a akwap keŋ apaki ŋina a ŋasuban a elap a ŋolokitete, a ŋasuban a Sabato ka anasuban a ŋunace daŋ. Emaikina iŋes yau ŋainakineta aŋuna ka asecit, ŋainakineta ŋuna epeyo ka ŋuna a ekisil aŋuna ka amookunia ŋituŋa alo Isirael.”

Ŋilep. 1:13

nai ŋiboro ka akook a ibarasit kaapei ka ŋimolokony, emaikina kilotarae; ido emaikina esacaradoti kicuny ibore ŋin daadaŋ alokidiama namuroet, anerae erae iŋes ainakinet ŋina epeyo, ŋina emaikina ebob eure keŋ aneni ke Ekapolon.

Ŋilep. 1:17

Emaikina ituŋanan ŋin totero ŋabebenuk a ikenyit a ŋin, ido kibel alokuyoit, nai nyetubo ŋabebenuk. Emaikina nai esacaradoti kicuny ikenyit ŋin alokidiama namuroet, anerae erae iŋes ainakinet ŋina epeyo, ŋina ebob eure keŋ aneni ke Ekapolon.

Ŋilep. 1:9

Nai emaikina ŋini elemunit ainakinet ŋin, kilota ŋiboro ka akook a ibarasit kaapei ka ŋimolokony; ido emaikina esacaradoti kicuny ibore ŋin daadaŋ alokidiama amuroet, anerae erae iŋes ainakinet ŋina epeyo, ŋina ebob eure keŋ aneni ke Ekapolon.

Ŋilep. 21:6

Emaikina ikes erae ŋulu esegak aneni ka Akuj kec, ido nyemaikina ikes kiyanya ekiro ka Akuj kec, anerae ikes eayeneneete neni ka Akuj ŋainakineta ŋuna epeyo, akimuj ŋina ka Akuj kec, aŋun, emaikina ikes erae ŋulu esegak.

Ŋilep. 21:8

Emaikina iyes kitopoloorito ŋisacaradotin erae ŋulu esegak, anerae ikes eayeneneete akimuj ŋina ka Akuj kus. Kitopoloorito ikes erae ŋulu esegak, anerae ayoŋ Ekapolon ŋolo eketuruwonori iyes ŋulu isegak, arae ŋolo aseg.

Ŋilep. 3:11

Epedori nai esacaradoti akicuny ŋinerin ŋul daadaŋ alokidiama anamuroet ikwapei akimuj ka ainakinet ŋina epeyo ŋina einakinitae Ekapolon.

Mal. 1:12

Nai iyanyete iyes ekiro kaŋ apaki ŋina irworotor atemar erae Namuroet ke Ekapolon acaryoit ka apaki ŋina iyauniata iyes nen ŋamuja ŋuna ijamuwarito iyes.

Mal. 1:7

Epite lo iŋes ikijamuwaryata iyes ayoŋ, iyaununete iyes ŋamuja ŋuna nyejokak Namuroet kaŋ, ido ibasi iŋitasi, ‘Alipite ikimyekinia isua akerit iyoŋ?’ Akalimokini, nyikikerito iyes ayoŋ alopite a ŋolo itamyata iyes atemar mam aronis tari pa kekeritae Namuroet ŋina ke Ekapolon.

Ekim. 15:24

ani pa kiredakinitae akitiya ŋun nyeyeni atukot, einakini atukot daadaŋ ibarasit ŋinisorokit erae ainakinet ŋina epeyo, ŋina ebob eure keŋ aneni ke Ekapolon, yaunae kaapei ka ainakinet keŋ ŋina a ŋikinyom ta ainakinet ŋina a ŋimaten, ikwapei etubunitere; emaikina yaunae ekoroe ikwapei ainakinet aŋuna ka asecit.

Ekim. 15:3

ido inakis neni ke Ekapolon ainakinet ŋina epeyo ŋina elemunitae alosipan a ŋaatuk, kori alosipan a ŋamesekin, kerae ainakinet ŋin ŋina epeyo, kori amuronot aŋuna ka akisiyookin akikoŋet, kori ainakinet ŋina elemunit ituŋanan ka acamit keŋ, kori aŋuna a ŋasuban a ŋuna etubunitoe;

Ekim. 15:7

kaapei ka elita epei ka atutubet ŋolo a epiini erae ainakinet ŋina emasyo. Ebob eure a ŋainakineta a ŋun aneni ke Ekapolon.

Ekim. 28:1

Kirwor Ekapolon neni a Moses tema,

Ekim. 29:39

Emaikina iyes yaut neni ke Ekapolon ŋainakineta ŋun alorwa a ŋulu a ŋasuban a ŋuna etubunitoe. Emaikina iyes yaut ŋainakineta ŋun kaapei ka ŋainakineta ŋuna ikoŋitotor iyes, ŋainakineta ŋuna ka acamit a ŋinituŋanan ikwapei ŋainakineta ŋuna epeyo, ŋainakineta ŋuna a ŋikinyom, ŋuna a ŋimaten ta ŋainakineta ŋuna ke ekisil.

Ekim. 9:13

Nai ituŋanan daadaŋ ŋini nyitoroniyaritae ka nyelosit iwace, ido nyitiya ŋasuban a Paska nyelosi iwace, ido nyinumunum ŋasuban a Paska, nyeriŋa imarakinio iŋes erae ipei a ŋituŋa kaŋ aŋuna pa ainakinia iŋes ainakinet neni ke Ekapolon akoloŋit ŋina etubunitoe. Eryamuni iŋes akisicanio aŋuna ka asecit keŋ.

Ekim. 9:7

tolimokis ikes temasi, “Tari kikitoroniyaritae isua aŋuna aponere totapae akuwan a ituŋanan a ŋini atwanit, kaanukiro nyikicamakinere isua ainakin kaapei ka Ŋisirael daadaŋ ainakinet neni ke Ekapolon akoloŋit ŋina etubunitoe?”

2 Ŋikor. 2:15

Kire, ikirae iwon aneni ka Akuj eure ŋolo akukunyon ŋolo a Kristo ŋolo ielakin lotuŋa ŋulu eiunitae ka ŋulu ebukoro.

Ŋiep. 5:2

Itemokino iyes kiboiyete alotooma amina lopite ŋolopei abunio Kristo itominakinia iwon, ido tojal akiyar keŋ aŋuna yok erae amuronot ŋina akukunyon, ŋina ecamuna ka ŋina italakarit Akuj.

Ŋipil. 4:18

Adau ayoŋ aryamun ainakinet kaŋ, itemokino ka elal daŋ nooi! Ayakar tokona ayoŋ ibore ŋini eitanit daadaŋ, ikwapei ayaunia Epapurodito ŋainakineta ŋuna ipotu iyes kiyakuut. Erae ikes amuronot ŋina akukunyon, ŋina ecamuna ka ŋina italakarit Akuj.