Ekim. 28:15 - Ebaibul

¹⁵ Tosodi emaikina yaunae ekoroe epei erae ainakinet neni ke Ekapolon aŋuna ka asecit a ŋina emaikina yaunae kaapei ka ainakinet ŋina epeyo a ŋinakoloŋit ta ainakinet ŋina a ŋimaten.

Ekim. 28:15 Iomraidhean Croise

Akisy. 37:31

Yaasi nai ikes ekaaso a Yosepu, toŋola ameot, ido kilumokis ekaaso naokot.

Ŋilep. 16:15

“Ani irikakin ŋun, elemuni iŋes ekoroe ŋolo erae ainakinet aŋuna ka asecit a ŋituŋa, toar ya ŋaokot yaaye anaŋga, kisitiya lopite ŋolo abunio kisitiyaa ŋuna ke emoŋ: kipakak kiŋaren akibois ŋina ka akisyonio ka kiŋaren Asaduku ŋina ka Acamunet.

Ŋilep. 16:16

Alopite a ŋol, emookuni iŋes akibois ŋina Asegan nooi ŋin, aŋuna abunio toruwor ŋina apotu Ŋisirael kituruwosi ŋina itoroniyaritae aŋuna etoroniyaritere ikes ka aŋuna ka aŋecanut kec ta aŋuna a ŋasecisya a daadaŋ aŋuna etiyato ikes. Emaikina Aron tomooku eema ŋolo ilipere daŋ, eema ŋolo eyai kidiŋ alomar kec a ŋulu itoroniyaritae.

Ŋilep. 4:23

Ani keyenu iŋes asecit keŋ ŋina itiyat, emaikina iŋes yau ikwapei ainakinet ekoroe ŋolo ajokan ŋolo emam neni eŋwalit.

Ekim. 15:24

ani pa kiredakinitae akitiya ŋun nyeyeni atukot, einakini atukot daadaŋ ibarasit ŋinisorokit erae ainakinet ŋina epeyo, ŋina ebob eure keŋ aneni ke Ekapolon, yaunae kaapei ka ainakinet keŋ ŋina a ŋikinyom ta ainakinet ŋina a ŋimaten, ikwapei etubunitere; emaikina yaunae ekoroe ikwapei ainakinet aŋuna ka asecit.

Ekim. 28:14

Ŋainakineta kec ŋuna a ŋimaten erae ŋilitae ŋiarei ŋulu ke epiini aŋuna a ŋolomoŋ, elita epei aŋuna emesek ka elita epei aŋuna a ŋinikalemesek. Erae ŋun ŋainakineta aŋuna a ŋololap, alolapyo a daadaŋ a ŋulu ke ekaru.

Ekim. 28:22

emaikina daŋ yaunae ekoroe epei ikwapei ainakinet aŋuna ka asecit aŋuna ka amookunia iyes.

Ekim. 28:3

Tolimok ikes atemar erae nu ŋainakineta ŋuna epeyo, ŋuna emaikina iyes inakis neni a Ekapolon: Ŋikaalei ŋulumesekin ŋiarei ŋulu erae apolou kec ekaru epei, ŋulu emam neni eŋwalit ikwapei ŋainakineta ŋuna a ŋinakoloŋit.

Ekim. 28:30

Emaikina daŋ iyes yaut ekoroe aŋuna ka amookuno kus.

Ekim. 29:16

Emaikina daŋ iyes yaut ekoroe erae ainakinet aŋuna ka asecit, yaut kaapei ka ainakinet ŋina epeyo ŋina a ŋinakoloŋit kaapei ka ainakinet ŋina a ŋikinyom ta ainakinet ŋina a ŋimaten.

Ekim. 29:5

Emaikina nabo iyes yaut ekoroe erae ainakinet aŋuna ka asecit ka aŋuna ka amookuno kus.

Ŋirom. 8:3

Adau Akuj akitiya ibore daadaŋ ŋini pa apedorete Ŋikisila akitiya, anerae epalag ŋipitesyo a ituŋanan. Abu Akuj totubok asecit alotooma ituŋanan anakiyakuun Lokoku keŋ, ŋolo abu bu alokuwane a ŋolo a ituŋanan a ŋolo eyai asecit, alemarya asecit.

2 Ŋikor. 5:21

Amam asecit aneni a Kristo, nai abu Akuj kituruwo iŋes asecit aŋuna yok, ikotere nai iwon alotooma keŋ oruworos ŋulu ikiyookino aneni ka Akuj.