Ekim. 26:54 - Ebaibul

⁵⁴ Ani ekabila ŋolo elalak ŋituŋa keŋ emaikina iyoŋ tokorak akwap daŋ ŋina alalan, tosodi ekabila ŋolo ekudyoko ŋituŋa, emaikina iyoŋ tokorak akwap ŋina edit; emaikina ŋikabilae daadaŋ toryamut akwap ŋina eruwor ŋina kec alokimar a ŋituŋa keŋ.

Ekim. 26:54 Iomraidhean Croise

Ekim. 26:53

“Ŋituŋa ŋul ikes ekorakinio akwap toruwor ŋina kec, iwuapitae ŋirorwa ŋulu imarunitae.

Ekim. 32:3

“Erae ŋakiboisyo nu: Atoros, Dibon, Yaser, Nimira, Esibon Eleale, Sebam, Nebo ka Beon

Ekim. 32:5

Ani kikijokak isua alokiŋaren kon, inakinae isua ŋiketiyak kon akwap ŋin toruwor ŋina kosi, kimyekinae isua edoŋo ne nyikilot lowae ye Yorodan.”

Ekim. 33:54

Emaikina iyes tokorakis akwap lotuŋa a ŋinateker anakilamilam; ateker ŋina elalak ŋituŋa keŋ emaikina iyes inakis akwap ŋina alalan ka ateker ŋina ekudyoko ŋituŋa keŋ, inakisi akwap ŋina edit. Akwap daadaŋ ŋina eryamuni ituŋanan anakilamilam, eruwor ŋina keŋ; eruwor akwap ŋin ŋina kus a ŋikabilae atapapaa kus.

Ekim. 35:8

Ani iinakinete iyes ŋitaunio neni a ŋilepi alotooma akwap ŋina ekorakinitae Ŋisirael, emaikina totyakarae ŋitaunio ŋulu elalak ka totyakarae ŋitaunio ŋulu ekudyoko alokabilae a ŋulu eryamunito ŋitaunio ŋulu ekudyoko. Etyakakinio ŋilepi ŋitaunio alotyae a ŋolo eryamunit ŋolokabila.”

Yos. 17:14

Apotu ŋituŋa a ekabila a Epuraim ka Manase kiŋita Yosua temasi, “Kaanukiro ikiinakinia iyoŋ isua akwap epei bon tolalakatei bo isua ikwapei adaunia Ekapolon akiterereŋ?”

Yos. 19:9

Atyakakinio ŋituŋa a Simeon akwap anakwap a ŋituŋa a Yuda, anerae apiyanuna akwap a Yuda alokulepek. Aŋun, aponi tokorakinae ŋituŋa a Simeon akwap ŋin aruwor ŋina kec anakwap a ŋituŋa a Yuda.